<p><span style="color: #000000;"><strong>ភ្នំពេញ៖</strong> សម្តេចនាយករដ្ឋមន្រ្តី ហ៊ុន សែន បានលើកឡើង ថា នៅថ្ងៃទី១០ ខែមេសាស្អែកនេះ អ្នកស្រី កែ ឡេង មន្រ្តី យោធាដែលដណ្តើមបានមេដាយមាសពិភពលោកផ្នែក ប៉េតង់នោះនឹងត្រូវដំឡើងឋានន្តរស័ក្តិ ពីអនុសេនីយ៍ទោ (សក្តិ២) ទៅជាអនុសេនីយ៍ឯក (ស័ក្តិ៣) ។</span></p>
<p><span style="color: #000000;">ការលើកឡើងរបស់សម្តេចតេជោបែបនេះ គឺបានធ្វើឡើងក្នុងពិធីបំពាក់គ្រឿងឥស្សរិយយស និងផ្តល់ប្រាក់រង្វាន់បន្ថែម ចំនួន៦៤លានរៀលដល់វីរៈកីឡាការិនីកម្ពុជាអ្នកស្រី កែ ឡេង នៅវិមានសន្តិភាព នារសៀលថ្ងៃទី០៩ ខែមេសា ឆ្នាំ ២០១៥នេះ ។</span></p>
<p><span style="color: #000000;">សម្តេចតេជោ ហ៊ុន សែន បានថ្លែងថា ការសម្រេចដំឡើងស័ក្តិនេះបានធ្វើឡើងដោយមានការពិភាក្សារវាងសម្តេចជា មួយលោកឧបនាយករដ្ឋមន្រ្តី ទៀ បាញ់ និងនាយឧត្តមសេនីយ៍ ប៉ុល សារឿន ។</span></p>
<p><span style="color: #000000;">សម្តេចតេជោបានបញ្ជាក់ថា អ្នកស្រី កែ ឡេង បានប្រឡូកចូលជាយោធាក្នុងកីឡាបាល់ទះរបស់កម្ពុជាតាំងពីឆ្នាំ ១៩៨៦មកម្ល៉េះ ហើយគិតរហូតដល់ពេលនេះ លោកស្រីបានទទួលមេដាយកិត្តិយសជាបន្តបន្ទាប់ រហូតដល់៣៧មេដាយហើយ ។</span></p>
<p><span style="color: #000000;">សូមរំលឹកដែរថា អ្នកស្រី កែ ឡេង ដណ្ដើមបានមេដាយមាសពិភពលោក១គ្រឿងពីក្នុងព្រឹត្តិការណ៍ Women’s World Championship of Petanque នៅប្រទេសបារាំងកាលពីចុងខែតុលា ឆ្នាំ២០១៣កន្លងទៅ មុនពេលដែលមិត្តរួមជា កីឡាការិនី ស៊ន សៀវម៉ី ដណ្តើមបានមេដាយមាស១គ្រឿងផងដែរផ្នែកកីឡាតេក្វាន់ដូ ក្នុងព្រឹត្តិការណ៍ជើងឯកប្រចាំទ្វីប អាស៊ី នៅទីក្រុងអ៊ីនឈួន ប្រទេសកូរ៉េខាងត្បូង ឆ្នាំ២០១៤ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/10/61-10-04-2015--10-35-57.jpg"><img src="/FileManager/Articles/mce/2015/4/10/61-10-04-2015--10-35-57.jpg" alt="" /></a></span></p>
<p><a class="thickbox" title="" href="/FileManager/Commons/2015/4/10/60-10-04-2015--10-36-03.jpg"><img src="/FileManager/Articles/mce/2015/4/10/60-10-04-2015--10-36-03.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/4/10/61-10-04-2015--10-35-57.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>