<p><span style="color: #000000;"><strong>(ស៊ីរី)៖</strong> អ្នកប្រយុទ្ធជាជនជាតិអង់គ្លេសម្នាក់ឈ្មោះ Ryan Lock បានសម្រេចចិត្តបាញ់សម្លាប់ខ្លួនឯង ដើម្បីជៀសវាងក្លាយជាអ្នកទោសរបស់ក្រុម ISIS។ នេះបើតាមសម្តីរបស់សមាជិកក្រុមឧទ្ទាមឃើដ ដកស្រង់ដោយសារព័ត៌មាន BBC នៅព្រឹកថ្ងៃពុធ ទី០១ ខែកុម្ភៈ ឆ្នាំ២០១៧។</span></p>
<p><br /><a class="thickbox" title="" href="/FileManager/Commons/2017/2/1/19b-01-02-2017--09-59-25.jpg"><img src="/FileManager/Articles/mce/2017/2/1/19b-01-02-2017--09-59-25.jpg" alt="" /></a></p>
<p> </p>
<p><span style="color: #000000;">Ryan Lock មានអាយុ២០ឆ្នាំ មកពីទីក្រុង Chichester នៃតំបន់ West Sussex ប្រទេសអង់គ្លេស បានស្លាប់កាលពីថ្ងៃទី២១ ខែធ្នូ កន្លងទៅនៅក្នុងអំឡុងការវាយប្រយុទ្ធគ្នាជាមួយក្រុម ISIS នៅក្នុងទីក្រុង Raqqa ប្រទេសស៊ីរី។ យោងតាមក្រុមឧទ្ទាមឃើដ YGP យុវជន Ryan Lock គឺជាអ្នកប្រយុទ្ធស្ម័គ្រចិត្ត របស់ខ្លួនដែលបានបាញ់សម្លាប់ខ្លួនឯង ខណៈរូបគេនិងអ្នកប្រយុទ្ធ០៤នាក់ផ្សេងទៀតត្រូវបានក្រុម ISIS ឡោមព័ទ្ធនៅក្នុងភូមិ Ja'bar ក៏ប៉ុន្តែពួកគេនៅតែតស៊ូប្រយុទ្ធរហូតដល់ស្លាប់។</span></p>
<p><br /><a class="thickbox" title="" href="/FileManager/Commons/2017/2/1/19-01-02-2017--09-59-34.jpg"><img src="/FileManager/Articles/mce/2017/2/1/19-01-02-2017--09-59-34.jpg" alt="" /></a></p>
<p><span style="color: #000000;">ក្រុមឧទ្ទាមឃើដ YGP បានបន្ថែមទៀតថា ផ្អែកលើការត្រួតពិនិត្យ Ryan Lock ត្រូវបានគេរកឃើញស្នាមគ្រាប់កាំភ្លើងនៅក្រោមចង្កា ដែលនេះធ្វើក្រុមអ្នកជំនាញសន្និដ្ឋានថា អ្នកប្រយុទ្ធរូបនេះបានបាញ់សម្លាប់ខ្លួនឯង ដើម្បីកុំឱ្យក្រុម ISIS ចាប់ខ្លួន។</span></p>
<p><span style="color: #000000;">គួរបញ្ជាក់ថា ជុំវិញវិបត្តិនៅស៊ីរីនេះដែរ បេសកជនពិសេសអង្គការសប្រហជាជាតិ លោក Staffan de Mistura បានឱ្យដឹងថា កិច្ចចរចាសន្តិភាពស្ដីពីស៊ីរី ត្រូវបានពន្យាពេលរហូតដល់ថ្ងៃទី២០ ខែកុម្ភៈ ក្នុងគោលបំណងទុកពេលវេលាឱ្យក្រុមប្រឆាំងស៊ីរី រកចំណុចឯកភាពគ្នាជាមុនសិន ស្របពេលមនុស្សប្រមាណ ៣១០,០០០នាក់ហើយបានបាត់បង់ជីវិតនៅក្នុងសង្រ្កាមស៊ីរី ដែលមិនដឹងថាពេលណាត្រូវបញ្ចប់៕</span></p>
<p><span style="color: #000000;"><a class="thickbox" title="" href="/FileManager/Commons/2017/2/1/15d-01-02-2017--09-43-10.jpg"><img src="/FileManager/Articles/mce/2017/2/1/15d-01-02-2017--09-43-10.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី</span></p>