<p><span style="color: #000000;"><strong>(ហាណូយ)៖</strong> យោងតាមសារព័ត៌មានវៀតណាម VBN ចេញផ្សាយនៅល្ងាចថ្ងៃអង្គារ ទី១៨ ខែតុលា ឆ្នាំ២០១៦ នេះថា ក្រុមអ្នកគាំពារសិទ្ធិអតិថិជន បានធ្វើការត្រួតពិនិត្យនូវគំរូផលិតផល ទឹកត្រីចំនួន ១៥០ប្រភេទ មកពីផលិតរបស់វៀតណាម និងថៃ សរុប៨៨ម៉ាក ហើយក្នុងនោះ ៦៧ភាគរយ នៃផលិតផលទាំងអស់ត្រូវបានគេរកឃើញថា បានផ្ទុកសារធាតុ <strong>«អាក់សេនិច»</strong> (Arsenic) ក្នុងកម្រិតខ្ពស់មួយ។</span></p>
<p><span style="color: #000000;">សមាគមស្តង់ដារ និងអ្នកប្រើប្រាស់វៀតណាម ត្រូវបានណែនាំឲ្យមានការប្រុងប្រយ័ត្នខ្ពស់បន្ថែមទៀតជុំវិញផលិតផលទឹកត្រីជាច្រើនប្រភេទ ដែលពលរដ្ឋវៀតណាមកំពុងពេញនិយម ដោយក្នុងនោះ គេបានរកឃើញថា ក្នុងចំណោម ១០១ លើ ១៥០ នៃគំរូផលិតផលទឹកត្រីនៅលើទីផ្សារវៀតណាម បានផ្ទុកសារធាតុអាក់សេនិច ដល់កម្រិតសុវត្ថិភាព (មួយមីលីក្រាមក្នុងមួយលីត្រ) ហើយក្នុងចំណោមនោះទៀត គឺបានផ្ទុកសារធាតុបំពុលសុខភាពនេះ លើសកម្រិតគ្រោះថ្នាក់រហូតដល់ទៅ ៥ដងឯណោះ។</span></p>
<p><span style="color: #000000;">លោក Vu Van Dien អនុប្រធានសមាគមខាងលើនេះ បានលើកឡើងថា សមាគមត្រូវការការសិក្សា និងត្រួតពិនិត្យបន្ថែមទៀត នៅក្នុងនោះក៏មានការយកផលិតម៉ាកផ្សេងៗទៀតមកពិនិត្យផងដែរ។ សម្រាប់សារធាតុអាក់សេនិកនេះដែរ គឺជាត្រូវគេស្គាល់ថាជាសារធាតុពុល ឬ carcinogen ដែលនឹងបង្កគ្រោះថ្នាក់ដល់សុខភាពក្នុងរយៈពេលយូរ។</span></p>
<p><span style="color: #000000;">គួរបញ្ជាក់ថា ការផលិតផលទឹកត្រីត្រូវបានផលិតឡើងដោយផ្ទុកសារជាតិប្រូតេអ៊ីនកម្រិតខ្ពស់ ហើយដោយសារតែការផលិតមិនត្រឹមត្រូវ ទើបមិនអាចលុបបំបាត់សារធាតុអាក់សេនិចចេញបាន។ ការត្រួតពិនិត្យខាងលើនេះ ត្រូវបានធ្វើឡើងទៅលើម៉ាកផលិតផលទឹកត្រីចំនួន៨៨ ក្នុងនោះមានផលិតមួយម៉ាក ត្រូវបាននាំចូលពីប្រទេសថៃ។ ផលិតទាំងឡាយខាងលើនេះ ត្រូវបានចែកចាយនៅក្នុងខេត្ត និងទីក្រុងចំនួន១៩ ទូទាំងប្រទេសវៀតណាម៕</span></p>
<p><span style="color: #000000;"><img src="http://image.freshnewsasia.com/2016/fn-2016-10-18-17-52-18-0.jpg" alt="" width="730" /></span></p>
<p><span style="color: #000000;"><img src="http://static.new.tuoitre.vn/tto/i/s626/2016/06/26/50cf3391.jpg" alt="" width="730" /></span></p>
<p><span style="color: #000000;"><img src="http://img.f46.english.vnecdn.net/2016/10/17/Vietnamfishsaucefoodsafety-1476713399_660x396.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>