<p><span style="color: #000000;"><strong>(ព្រះសីហនុ)៖</strong> នៅវេលាម៉ោង២៖៣០នាទីរសៀលថ្ងៃទី៣០ ខែឧសភា ឆ្នាំ២០១៦ នៅសាលាដំបូងខេត្តព្រះសីហនុ នឹងមានការបើកសវនាការកាត់ទោស ជនត្រូវចោទ២នាក់ ដែលជាមុខសញ្ញាឆក់កាបូប និងទ្រព្យសម្បត្តិយ៉ាងសកម្មពីជនបរទេស នៅចំណុចឆ្នេរអូរត្រឹះ សង្កាត់លេខ៤ ក្រុងព្រះសីហនុ។</span></p>
<p><span style="color: #000000;">ក្នុងចំណោមជនត្រូវចោទទាំង២នាក់នេះ មានម្នាក់ត្រូវបានសមត្ថកិច្ចធ្លាប់បានបញ្ជាក់ថា គឺជាមេក្លោង ខាងដឹកនាំ និងរៀបចំផែនការពេលធ្វើសកម្មភាពម្តងៗ ដែលមានឈ្មោះ ជា ចាន់រ៉ូសា ហើយក៏ជាកូនប្រុសមន្រ្តីគយម្នាក់ បម្រើការងារនៅកំពង់ផែស្វយ័តខេត្តព្រះសីហនុផងដែរ។</span></p>
<p><span style="color: #000000;">ជនត្រូវចោទទាំង២នាក់នេះ ត្រូវបានកម្លាំងនគរបាលក្រុងព្រះសីហនុ ដេញបង្ក្រាបបានកាលពីថ្ងៃទី១៣ ខែកុម្ភ: ឆ្នាំ២០១៦ ក្រោយពីពួកគេ បានរួមគ្នាធ្វើសកម្មភាពឆក់យកកាបូបរបស់ជនបរទេស នៅតំបន់ឆ្នេរអូរត្រឹះ ដែលមានទូរស័ព្ទដៃចំនួន២គ្រឿង។</span></p>
<p><span style="color: #000000;">មន្រ្តីសាលាដំបូងខេត្តព្រះសីហនុ ដែលដឹងពីសំណុំរឿងមួយនេះច្បាស់ ហើយមិនចង់ឃើញមានការសម្រេចដោះលែងមុខសញ្ញាឆក់ទាំង២នាក់នេះ បានលួយទម្លាយថា នៅរសៀលថ្ងៃនេះ នឹងមានការបើកសវនាការក្រោមវត្តមាន លោកចៅក្រម អីុ ឃាង និងតំណាងអយ្យការ ហួត វិចិត្រ អមដោយក្រឡាបញ្ជី ងឹម សុខហេង។</span></p>
<p><span style="color: #000000;">មន្រ្តីរូបនេះ បានបន្តថា តាមទទួលព័ត៌មានសំងាត់ គឺនៅក្នុងសវនាការនេះ ចៅក្រមអាចនឹងសម្រេចដោះលែងជនត្រូវចោទឈ្មោះ ជា ចាន់រ៉ូសា ក្រោយពីឪពុកម្តាយរបស់ជននេះ បានរត់ការខ្វែងខ្វាត់ ហើយពេលបើកសវនាការនោះ នឹងអាចឲ្យមានការទម្លាក់បទចោទប្រកាន់ទៅលើឈ្មោះនេះ ដោយទម្លាក់ការទទួលខុសត្រូវទៅលើឈ្មោះ មឹុង ចក់ ដែលជាបក្ខពួកនោះ។</span></p>
<p><span style="color: #000000;">មន្រ្តីសាលាដំបូងរូបនេះ បានបញ្ជាក់ទៀតថា បើសិនមានការដោះលែងមុខសញ្ញាមួយនេះ មែននោះ ក្រុមសមត្ថកិច្ចទាំងនគរបាល និងអាវុធហត្ថ ប្រាកដជាឈឺក្បាល ហើយវិ់លមុខទៀតហើយ ពីព្រោះសកម្មភាពឆក់ទ្រព្យសម្បត្តិរបស់ជនបរទេស ដែលបច្ចុប្បន្ន កំពុងតែស្ងាត់ស្ងៀមនោះ នឹងកើតឡើងជាថ្មីខ្លាំងឡើង ពីព្រោះជននេះជាមេក្លោង ខាងរៀបចំផែនការឆក់ម្តងៗ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/31/2-31-05-2016--11-10-06.png"><img src="/FileManager/Articles/mce/2016/5/31/2-31-05-2016--11-10-06.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-31-10-34-15-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/03/fn-2016-05-31-10-34-15-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>