<p><span style="color: #000000;"><strong>(សេអ៊ូល)៖</strong> សៀវភៅសស្ដីពីវិស័យការពារជាតិឆ្នាំ២០១៦ ចុះផ្សាយនៅថ្ងៃអង្គារនេះ ដោយក្រសួងការពារជាតិកូរ៉េខាងត្បូងបានឱ្យដឹងថា កងទ័ពកូរ៉េខាងជើងបច្ចុប្បន្នមានចំនួនសរុបប្រមាណជា ១.២៨លាននាក់ (ជាប់លេខ ១ លើពិភពលោកគិតពីចំនួនកងទ័ព និងលេខ ៤ លើឥទ្ធិពលយោធា) ដោយកើនឡើង ៨០,០០០នាក់បន្ថែមក្នុងរយៈពេលពីរឆ្នាំ។ នេះបើតាមការចេញផ្សាយដោយទីភ្នាក់ងារសារព័ត៌មានយ៉ុនហាប់ នៅថ្ងៃអង្គារ ទី១០ ខែមករា ឆ្នាំ២០១៧។</span></p>
<p><br /><a class="thickbox" title="" href="/FileManager/Commons/2017/1/10/18c-10-01-2017--11-38-15.jpg"><img src="/FileManager/Articles/mce/2017/1/10/18c-10-01-2017--11-38-15.jpg" alt="" /></a></p>
<p><span style="color: #000000;">សៀវភៅសនេះដដែលបានបញ្ជាក់ទៀតថា កូរ៉េខាងជើងបានបង្កើនចំនួនកងទ័ពថ្មើរជើងពី ១.០២នាក់ដល់ ១.១០លាននាក់ ខណៈកងទ័ពអាកាសហាក់ដូចជាត្រូវបានកាត់បន្ថយពី ១២០,០០០នាក់មកនៅត្រឹម ១១០,០០០នាក់រីឯកងទ័ពជើងទឹកមិនមានការប្រែប្រួលនោះទេគឺនៅចំនួនដដែល ៦០,០០០នាក់ ហើយនៅរយៈពេលប៉ុន្មានឆ្នាំចុងក្រោយនេះរបបដឹកនាំលោក គីម ជុងអ៊ុន បានបង្កើតអង្គភាពយោធាថ្មីពីរដែលទទួលបន្ទុកដឹកនាំវិស្វកម្មយោធា និងការសាងសង់ផ្លូវថ្នល់។</span></p>
<p><span style="color: #000000;">ដោយឡែកពាក់ព័ន្ធនឹងសមត្ថភាពនុយក្លេអ៊ែរ សៀវភៅសនេះបានគូសបញ្ជាក់ថាកូរ៉េខាងជើងមានសារធាតុភ្លុយតូនីញ៉ូមប្រមាណជា ៥០គីឡូក្រាម ដោយកើនឡើង ១០គីឡូក្រាមបើធៀបទៅនឹងឆ្នាំ២០០៨ ក៏ប៉ុន្តែការប៉ាន់ប្រមាណពីបរិមាណជាក់លាក់ មិនទាន់អាចត្រូវបានគេបញ្ជាក់ឱ្យច្បាស់លាស់ឡើយ ដោយ សារតែការចម្រាញ់សារធាតុភ្លុយតូនីញ៉ូម និងអ៊ុយរ៉ាញ៉ូមធ្វើឡើងជាសម្ងាត់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/1/10/17h-10-01-2017--10-54-23.jpg"><img src="/FileManager/Articles/mce/2017/1/10/17h-10-01-2017--10-54-23.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>