<p><span style="color: #000000;"><strong>ព័ត៌មានអន្តរជាតិ ៖</strong> អតីតប្រធានាធិបតីកូរ៉េខាងត្បូង លោកស្រី ផាក គឺនហេ ត្រូវបានតុលាការបង្គាប់ឱ្យចាប់ខ្លួនហើយនៅថ្ងៃសុក្រនេះពាក់ព័ន្ធសំណុំរឿងពុករលួយនយោបាយជាមួយលោកស្រី ឆយ ស៊ូនស៊ីល ដែលធ្វើឱ្យលោកស្រីត្រូវបានតុលាការធម្មនុញ្ញទម្លាក់ចេញពីតំណែង កាលពីថ្ងៃទី១០ ខែមីនា បើទោះជាលោកស្រីធ្លាប់បានបដិសេធការចោទប្រកាន់នានាជាច្រើនដងក៏ដោយ។ នេះបើតាមការចេញផ្សាយដោយទីភ្នាក់ងារសារព័ត៌មានយ៉ុនហាប់ នៅព្រឹកថ្ងៃសក្រ ទី៣១ ខែមីនា ឆ្នាំ២០១៧។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/31/12-31-03-2017--10-22-24.jpg"><img src="/FileManager/Articles/mce/2017/3/31/12-31-03-2017--10-22-24.jpg" alt="" /></a><br /></span></p>
<p><span style="color: #000000;">តុលាការនៃទីក្រុងសេអ៊ូល បានសម្រេចចេញដីកាឃាត់ខ្លួនលោកស្រី ផាក ក្រោមបទប្រកាន់ថា មានជាប់ពាក់ព័ន្ធនឹង អំពើពុករលួយ ការរំលោភអំណាច និងការធ្វើឱ្យ លេចធ្លាយឯកសាររដ្ឋាភិបាលព្រមទំាងរួមគំនិតជាមួយមិត្តភក្តិឈ្មោះ ឆយ ស៊ូនស៊ីល បង្ខំឱ្យក្រុមហ៊ុនធំៗនៅកូរ៉េខាងត្បូងបង់ប្រាក់ជាង ៧០លានដុល្លារអាមេរិក ក្រោមរូបភាពជាអំណោយឱ្យទៅមូលនិធិគ្រប់គ្រងដោយស្ត្រីឈ្មោះ ឆយ ស៊ូនស៊ីល។ </span></p>
<p><span style="color: #000000;">ជាងនេះទៅទៀតតាមរយៈការសម្រេចចិត្តនេះ លោកស្រីអតីតប្រធានាធិបតីរូបនេះត្រូវបានគេបញ្ជូនទីកាន់មន្ទីរឃុំឃាំងក្នុងទីក្រុងសេអ៊ូល បន្ទាប់ពីចំណាយពេលអស់ជាង ៩ម៉ោងកាលពីថ្ងៃព្រហស្បតិ៍ក្នុងសវនាការរបស់លោកស្រី ហើយដីកាឃាត់ខ្លួនបណ្ដោះអាសន្ននេះមានសុពលភាព ២០ថ្ងៃគិតចាប់តំាងពីថ្ងៃប្រកាស រីឯក្រុមរដ្ឋអាជ្ញាគួរតែអាចនឹងធ្វើការចោទប្រកាន់ជាផ្លូវការឱ្យបានមុនការចាប់ ផ្ដើមធ្វើយុទ្ធនាការឃោសនាបោះឆ្នោតជ្រើសរើសប្រធានាធិបតីថ្មីនៅថ្ងៃទី១៧ ខែមេសា សម្រាប់ការបោះឆ្នោតនៅថ្ងៃទី០៩ ខែឧសភា ខាងមុខ។</span></p>
<p><span style="color: #000000;"><a class="thickbox" title="" href="/FileManager/Commons/2017/3/31/12a-31-03-2017--10-22-34.jpg"><img src="/FileManager/Articles/mce/2017/3/31/12a-31-03-2017--10-22-34.jpg" alt="" /></a></span></p>
<p><br /><a class="thickbox" title="" href="/FileManager/Commons/2017/3/31/13-31-03-2017--10-22-44.jpg"><img src="/FileManager/Articles/mce/2017/3/31/13-31-03-2017--10-22-44.jpg" alt="" /></a><span style="color: #000000;"><a class="thickbox" title="" href="/FileManager/Commons/2017/3/31/12a-31-03-2017--10-22-34.jpg"></a><br /></span></p>
<p><span style="color: #000000;">គួរបញ្ជាក់ថាតាមរយៈការចាប់ខ្លួននេះ លោកស្រី ផាក គឺនហេ បានក្លាយជាប្រធានាធិបតីកូរ៉េខាងត្បូង ទី០៣ បន្ទាប់ពីលោក Roh Tae-woo និងលោក Chun Doo-hwan ដែលត្រូវបានតុលាការឃាត់ខ្លួនក្នុងសំណុំរឿងបទឧក្រិដ្ឋ ដែលអាចនឹងប្រឈមមុខជាប់ពន្ធនាគារយ៉ាងតិច ១០ឆ្នាំ ឬច្រើនជាងនេះ បើសិនតុលាការរកឃើញថា លោកស្រីបានប្រព្រឹត្តកំហុសដូចការចោទប្រកាន់មែននោះ៕</span></p>
<p><span style="color: #0000ff;"><a href="/News/Detail/37978/south-korea-court-approves-arrest-of-ex-president" target="_blank"><span style="color: #0000ff;">- តុលាការ ចេញសេចក្តីសម្រេច ចាប់ឃាត់ខ្លួន អតីតប្រធានាធិបតី ធ្លាក់ចេញពីតំណែង ក្រោយរងព្យុះភ្លៀងរឿងអាស្រូវ</span></a></span></p>
<p><a class="thickbox" title="" href="/FileManager/Commons/2017/3/31/13a-31-03-2017--10-22-54.jpg"><img src="/FileManager/Articles/mce/2017/3/31/13a-31-03-2017--10-22-54.jpg" alt="" /></a><br /><br /></p>
<p style="text-align: right;"><span style="color: #000000;">ប្រភព ៖ Yonhap/BBC</span></p>