<p><span style="color: #000000;"><strong>(ភ្នំពេញ)៖</strong> ជាថ្មីម្តងទៀត តារាសម្តែងចូលចិត្តការតុបតែងខ្លួន បែបនារីអ៉ឺរ៉ុបនាង ដេននី ខ្វាន់ ត្រូវរងនូវព្រងន់រិះគន់ យ៉ាងចាស់ដៃពីសំណាក់ ទស្សនិកជន ពិសេសអ្នកនិយម លេងបណ្តាញសង្គមហ្វេសប៊ុក បន្ទាប់ពីនាងបង្ហាញឈុត ស្លៀកពាក់សិចស៊ី ស្តើងមើលឃើញធ្លុះពីក្រៅ ហូតដល់សាច់ខាងក្នុង នាឱកាសពិធីខួបកំណើតប្អូនប្រុស ឈ្មោះ គឹម សាន កាលពីថ្មីៗកន្លងនេះ ប៉ុន្តែទោះបីជាមានការរិះគន់យ៉ាង ចាស់ដៃយ៉ាងណាក្ដី ក៏តារាស្រីរូបនេះ ហាក់មិនបានឈឺក្បាលវិលមុខ យកចិត្តទុកដាក់ខ្វល់ខ្វាយ ដេកមិនលក់បក់មិនល្ហើយ គិតពីរឿងនេះឡើង អ្វីដែលសំខាន់ គឺនាងពេញចិត្តនឹងអ្វី ដែលខ្លួនកំពុងតែធ្វើសព្វថ្ងៃ។</span></p>
<p><span style="color: #000000;">ស្របពេលជាមួយគ្នា នៃសម្លេងរិះគន់ កាន់តែបាញ់ចាក់ស្រោច និងកំពុងក្លាយជារឿង ដ៏រំជើបរំជួលតាមបណ្តាញផ្សព្វផ្សាយនានា នេះដែរ ក៏មានមហាជនខ្លះទៀត បានស្នើឲ្យក្រសួងវប្បធម៌ និងវិចិត្រសិល្បៈចេញវិធានការ កោះហៅតារាស្រីសិចស៊ីនាង ដេននី ខ្វាន់ ទៅធ្វើការព្រមានអប់រំ ដុះក្អែលចេញផង ដើម្បីកុំឲ្យក្លាយជាគំរូអាក្រក់ ដល់តារាស្រីដទៃឯទៀត។</span></p>
<p><span style="color: #000000;">ប្រតិកម្មឆ្លើយតប នឹងពាក្យរិះគន់ទាំងនេះ តារាសម្តែងស្រីនាង ដេននី ខ្វាន់ កាលពីម្សិលមិញ បាននិយាយឲ្យដឹងថា «ខ្ញុំមិនយល់ទេ ហេតុអ្វីក៏អ្នកខ្លះចូលចិត្ត មើលមនុស្សតែសម្បកក្រៅអ៉ីចឹង ? ខ្ញុំកើតមក មិនមែនសម្រាប់ផ្គាប់ចិត្តនរណាម្នាក់ទេ ហើយបើទោះជាខ្ញុំ ផ្គាប់ក៏ផ្គាប់មិនត្រូវដែរ..។ ខ្ញុំមិនដែលខ្វល់ទេ អ្នកណាចង់គិតអ្វីមកលើខ្ញុំក៏គិតទៅ។ ដូចជារឿងសម្លៀកបំពាក់ ដែលខ្ញុំស្លៀកអ៉ីចឹង គឺខ្ញុំស្លៀកក្នុងពិធីផ្ទាល់ខ្លួនខ្ញុំសោះ អីមកខ្វល់ខ្លាំងម្ល៉េះ? »។</span></p>
<p><span style="color: #000000;">កញ្ញា ដេននី ខ្វាន់ បានបញ្ជាក់ថា «ខ្ញុំមិនបានស្លៀកឡើងតាមប៉ុស្តិ៍ទូរទស្សន៍ ឬថតខ្សែភាពយន្តឯណា? មនុស្សយើង មានចំណង់ចំណូលចិត្តខុសគ្នា ខ្ញុំស្លៀកសិចស៊ីនេះ ព្រោះខ្ញុំស្រលាញ់ ហើយក៏មិនដូចអ្នកខ្លះស្លៀកសិចស៊ីឡើង ដើម្បីប្រជាប្រិយភាព ឬចង់បានលុយធីបដែរ។ ខ្ញុំសូមអរគុណចំពោះមិត្តៗ មួយចំនួនដែលរិះគន់ ក្នុងន័យស្ថាបនា។ ឯអ្នករិះគន់ក្នុងន័យជាន់ពន្លិចវិញ នាងខ្ញុំចង់ប្រាប់ថា មិនបាច់ខំប្រឹងទេ ព្រោះវាគ្រាន់តែជាខ្យល់មួយ បក់កាត់ត្រចៀកខ្ញុំតែប៉ុណ្ណោះ»។</span></p>
<p><span style="color: #000000;">តារាសម្តែងនាង ដេននី ខ្វាន់ បានបន្ថែមថា «ខ្ញុំមានមុខជំនួញផ្ទាល់ខ្លួនរបស់ខ្ញុំ អ៉ីចឹងហើយអត់មានអីត្រូវខ្វល់ទេ ខ្ញុំស្លៀកសម្លៀកបំពាក់ថ្លៃៗ ក៏មិនខុសដែរ ព្រោះវាជាលុយរបស់ខ្ញុំ ហើយខ្ញុំក៏មិនបានលួចលុយ គេមកទិញផងមានអីខុស? ស្រុកខ្មែរយើង គឺចឹងហើយឲ្យតែស្លៀកសម្លៀកបំពាក់ ថ្លៃពេកក៏រិះគន់ ស្លៀកថោកពេក ក៏រិះគន់មិនដឹងធ្វើម៉េចត្រូវចិត្តទេ អ្វីដែលសំខាន់ ខ្ញុំធ្វើនូវអ្វីដែលខ្ញុំចង់ធ្វើ ហើយមិនធ្វើរឿងក្តៅក្រហាយដ ល់នរណាម្នាក់ វាជាក្តីសុខរបស់ខ្ញុំហើយ..!»។</span></p>
<p><span style="color: #000000;">គួរបញ្ជាក់ថា ថ្មីៗនេះ សម្រាប់តារាសម្ដែង ដេននី ខ្វាន់ បានបញ្ចេញស្ទីលថ្មីមួយទៀត គឺឈុតសម្លៀកបំពាក់ លេចចេញល្វែងលើ ស្ទើរតែទាំងស្រុង នាំឲ្យផ្ទុះសំឡេងរិះគន់ជាថ្មី រហូតមានអ្នករស់នៅ ក្នុងមជ្ឈដ្ឋានសិល្បៈខ្លះ បានយកជោគជតារាសីរបស់តារាសម្ដែង ដេននី ខ្វាន់ ទៅប្រៀបធៀប ជាមួយនឹងតារាចម្រៀង ឆៃ លីដាលែន ក្នុងរូបភាពសិចស៊ីដូចគ្នា នាំឲ្យមានការជជែកវែកញែក ខុសៗគ្នាទៀតផង ខណៈដែលនាង ឆៃ លីដាឡែន គ្រាន់តែបញ្ចេញឈុតសិចស៊ីភ្លាម ត្រូវធ្លាក់កូដដុនដាប មិនបានឡើងប៉ុស្ដិ៍ជាង២ឆ្នាំ ។ ចំណែកឯ ដេននី ខ្វាន់ ហាក់ពុំទាន់មានរាសី ដូចជា ឆៃ លីដាឡែន ទាល់តែសោះ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13177564_1743002745921238_5391361734653217454_n.jpg?oh=65d0d51c21ecce3664940583d21297e7&oe=579C60A2" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xlp1/v/t1.0-9/13124641_1742244079330438_5243120371698608520_n.jpg?oh=63d43b720f3a9b4c2184db23b8532f69&oe=57B0892D&__gda__=1474492472_c605a41f6a301a36ba2bb0ab223b0153" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13138811_1429594470400192_210746211035648400_n.jpg?oh=1148825ee0e3e839d1f280f3d3268f8e&oe=579AD97C" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xpt1/v/t1.0-9/13138952_1429594467066859_1623619291899696300_n.jpg?oh=0e6dd7f093fcd02ff68d1d196cf92a44&oe=57DE9B20&__gda__=1470332576_d5f430edf071637b2e7d5b01a528d2bd" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xaf1/v/t1.0-9/13102641_1429594530400186_4197621147001938524_n.jpg?oh=00048bbab797f8d386f487a6b157076e&oe=57AFF02E&__gda__=1470235545_58a79eaba4a99651e97085c833d496a8" alt="" width="730" /></span></p>
<p><span style="color: #000000;"><img src="https://fbcdn-sphotos-d-a.akamaihd.net/hphotos-ak-xlp1/v/t1.0-9/13177419_1429594527066853_8937236805260778215_n.jpg?oh=a21d053480b7a53fea93c1fd545b75a4&oe=57DF6738&__gda__=1469991213_f84d0ec221cfffe733c9c88f45e36805" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>