<p><span style="color: #000000;"><strong>ភ្នំពេញ៖</strong> តារាចម្រៀងសិចស៊ី មានប្រភពចេញពីបុប្ផារាត្រី កញ្ញា ប៊ុន ផៃលីន បច្ចុប្បន្នត្រូវបានគេ មើលឃើញថា អាជីពចម្រៀង ក្នុងស្រុករបស់នាង ហាក់មានការស្ងប់ស្ងាត់ជាងមុនបន្តិច ស្រប ពេលទីផ្សារ ចម្រៀងចេញទៅ ក្រៅប្រទេស កំពុងមានភាពជោគជ័យខ្លាំង ជាពេលមុនៗជួប ជាមួយគេហទំព័រ LookingTODAY តាមទូរស័ព្ទ កាលពីរសៀលថ្ងៃទី២៦ ខែមិថុនា ឆ្នាំ ២០១៤ នេះ កញ្ញា ប៊ុន ផៃលីន បាននិយាយទាំង អារម្មណ៍ រីករាយឲ្យដឹងថា រាល់ថ្ងៃនេះ សម្រាប់វិស័យ សិល្បៈ ក្នុងស្រុក គឺនាងរវល់គួរសម តែមិនច្រើនណាស់ណាទេ។ ប៉ុន្តែបើនិយាយការចេញ ទៅ ច្រៀង និងសម្តែងនៅក្រៅប្រទេស គឺ មានភាពមមាញឹកច្រើន។</span></p>
<p><span style="color: #000000;">តារាចម្រៀង ប៊ុន ផៃលីន បាននិយាយបន្តថា "មានអីរវល់តើបង …! តែឥឡូវនេះមួយៗ ខ្ញុំមិនសូវ ទទួលទេ ព្រោះពុំសូវមានពេលទំនេរ ដោយសារជាប់ដៃ ចេញទៅច្រៀងនៅក្រៅប្រទេស។ ម្យ៉ាង ទៀតពេលនេះ ខ្ញុំក៏មានគម្រោងចេញទៅសម្តែង និងច្រៀងនៅក្រៅ ប្រទេសផងដែរ ដូច្នេះទើប ខ្ញុំមានការ រយាលពីសិល្បៈ ក្នុងស្រុកបន្តិច..!"។</span></p>
<p><span style="color: #000000;">កញ្ញា ប៊ុន ផៃលីន បានឱ្យដឹងទៀតថា "ខ្ញុំមានហុងស៊ុយ តែនៅក្រៅប្រទេស។ និយាយឲ្យចំទៅ បើនៅស្រុកខ្មែរ មិនសូវរកលុយបានច្រើនទេ ប៉ុន្តែបើចេញទៅច្រៀង នៅក្រៅស្រុក គឺអាចរក លុយបានច្រើន ជាង។ មិនតែប៉ុណ្ណោះខ្ញុំ ក៏មានឱកាស ដើម្បីសន្សំលុយទិញផ្ទះ និងឡានទៀត ផង."។</span><br /><span style="color: #000000;">តារាចម្រៀងសម្តីផ្អែម ប៊ុន ផៃលីន បានបញ្ជាក់ថា នៅអំឡុងខែ៧ (កក្កដា ) ខាងមុខនេះ នាង មានគម្រោងចេញទៅច្រៀង និងសម្តែងនៅប្រទេសអូស្ត្រាលី រយៈពេល៣-៤ខែ ទើបវិលត្រឡប់ មក ស្រុកខ្មែរវិញ។ ម្យ៉ាងទៀតនេះក៏ជាឱកាស ដែលនាងអាចជួប និងដើរលេងលំហែ កាយជា មួយបុរស គូស្នេហ៍វ័យ៥០ ប្លាយ ដែលកំពុងរស់នៅទីនោះផងដែរ។</span></p>
<p><span style="color: #000000;">តារាចម្រៀងសិចស៊ី នាង ប៊ុន ផៃលីន មុននេះត្រូវបានគេដឹងថា នាងបានភ្ជាប់ទំនាក់ ទំនងស្នេហា ជាមួយ បុរសអ្នកជំនួញម្នាក់ មានវ័យ៥៨ ឆ្នាំអាណិកជនខ្មែរ រស់នៅប្រទេសអូស្រ្តាលី ។នាងក៏ ធ្លាប់ទទួលបានការដូពិសេសផ្ទះ មួយល្វែង មានកម្ពស់ពីរជាន់ មានតម្លៃរាប់ម៉ឺនដុល្លារ ពីគូស្នេហ៍ បន្ទាប់ពីបុរសម្នាក់នេះ បានជិះយន្តហោះ ឆ្លងទ្វីប ដើម្បីស្កាត់មកជួប ប៊ុន ផៃលីន នៅស្រុកខ្មែរ ៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1419.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1420.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/june/id-141/photo-1421.jpg" alt="" width="500" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល </span></p>