<p>កាលពីពេលកន្លងទៅថ្មីៗនេះ មានលេចចេញនូវព័ត៌មានជាច្រើនដែលមានពាក់ព័ន្ធទៅដល់កីឡាករ ដ៏ឆ្នើមរបស់ក្លឹប Real Madrid គឺCristiano Ronaldo។ ជាដំបូងគឺការដែលរូបគាត់ មានទំនាក់ទំនង លួចលាក់ជាមួយនឹងតារាបង្ហាញម៉ូត Playboy Daniella Chavez ដែលត្រូវបានសារព័ត៌មានគាស់ កកាយឡើង។</p>
<p style="text-align: center;"><a class="thickbox" title="" href="/FileManager/Commons/2015/6/6/047-06-06-2015--16-25-26.jpg"><img src="/FileManager/Articles/mce/2015/6/6/047-06-06-2015--16-25-26.jpg" alt="" /></a></p>
<p style="text-align: center;"><span style="color: #999999;"><em>មិត្តស្រីក្នុងព័ត៌មានចចាមអារាមរបស់ Ronaldo គឺជាតារាថតរូបស្រាត</em></span></p>
<p>បន្ទាប់មកគឺព័ត៌មានចចាមអារាមមិត្តស្រីចាស់ល្បីឈ្មោះនាង Irina Shayk ដែលធ្លាប់មានទាក់ទងលួច លាក់ជាមួយលោក Sepp Blatter ជាអតីតប្រធាន FIFA និងក៏ជាបុរសម្នាក់ដែលវ័យស្របាលជីតា របស់តារាបង្ហាញម៉ូតសញ្ជាតិរុស្ស៊ីនេះផងដែរ។</p>
<p>កាលពីខែមេសា កន្លងទៅនេះ Ronaldo (CR7) ក៏ធ្លាប់បានប្រឈមមុខជាមួយនឹងអ្នកសារព័ត៌មាន និងបានស្នើសុំឲ្យសារព័ត៌មានអេស្បាញ បញ្ឈប់ភ្លាមរាល់ការនិយាយបំផ្លើស ដែលមិនមែនជាការពិត ពីខ្លួន។ បើទោះបីជានៅតែអាចរក្សាទម្រង់លេងបានល្អ ជាមួយនឹងការរកគ្រាប់បាល់បាន ៦១គ្រាប់ ក្នុងការលេង ៥៤ ប្រកួត ក៏កីឡាករ Ronaldo នៅតែជាមុខសញ្ញាដំបូងគេ ដែលត្រូវបានគេស្តីបន្ទោស ទម្លាក់កំហុស សម្រាប់មួយរដូវកាលបរាជ័យរបស់ Real Madrid។</p>
<p>ជាចុងក្រោយ ប្រហែលជាមិនអាចទ្រាំទ្រជាមួយនឹងសំពាធដ៏ធ្ងន់ទាំងនេះ រូបគាត់ (Ronaldo) ក៏បាន ថតជាវីដេអូបង្ហោះ ដែលក្នុងនោះគឺចង់សុំអង្វរដល់បណ្តាអ្នកសារព័ត៌មាន ទុកឲ្យខ្លួនគាត់បានរស់នៅ ដោយ "ស្ងៀមស្ងាត់"។</p>
<p><a href="http://www.camnews.com.kh/News/Detail/56397/messi-is-the-best-player-in-cup-c1"><span style="color: #3366ff;"><em>អាន៖ វ៉ាដាច់ឆ្ងាយពី Ronaldo, Messi ជាកីឡាករឆ្នើមបំផុត នៅក្នុងប្រវត្តិសាស្រ្ត Cup C1 ឬ Champions League</em></span></a></p>
<p style="text-align: center;"><a class="thickbox" title="" href="/FileManager/Commons/2015/6/6/048-06-06-2015--16-27-22.jpg"><img src="/FileManager/Articles/mce/2015/6/6/048-06-06-2015--16-27-22.jpg" alt="" /></a></p>
<p style="text-align: center;"><em><span style="color: #999999;">Ronaldo ចង់ឲ្យអ្នកសារព័ត៌មាន ទុកឲ្យខ្លួនបានរស់នៅដោយ ស្ងៀមស្ងាត់</span></em></p>
<p>“សួស្តីអ្នកគាំទ្រទាំងអស់គ្នា!" Ronaldo ចាប់ផ្តើមនិយាយ។ "នេះគឺជាសារផ្ញើជូនមិត្តទាំងអស់គ្នាុ។ អរគុណខ្លាំងណាស់ សម្រាប់ការ គាំទ្រខ្ញុំក្នុងរយះពេលមួយឆ្នាំនេះ។ វាពិតជាមានការលំបាក ប៉ុន្តែ មិត្តទាំងអស់គ្នា តែងតែនៅទីនោះ និងបានបង្ហាញថា ខ្លួននៅតែមានភាពស្មោះស្ម័គ្រ"។ </p>
<p>Ronaldo និយាយបន្ត៖ “ខ្ញុំស្នាក់នៅទីនេះ ដើម្បីសម្រាកលំហែកាយ។ កូនប្រុសខ្ញុំនៅខាងក្រោយ ក្នុងអាងហែលទឹក"។ សុខៗខ្ញុំក៏ចង់ថតវីដេអូនេះ។ មិនដឹងថាមកពីហេតុអ្វីទេ? ហើយសុំកុំសួរខ្ញុំថា ហេតុអ្វីក៏ដូច្នេះ? ខ្ញុំនឹងមិនធ្វើសេចក្តីថ្លែងការណ៍ជាមួយអ្នកសារព័ត៌មានទៀតទេ ហើយក៏នឹងមិន និយាយពីជីវិតរស់នៅផ្ទាល់ខ្លួនទៀតដែរ"។</p>
<p>“ប៉ុន្តែខ្ញុំចង់ថា នេះគឺជាឱកាសដើម្បីឲ្យខ្ញុំបាននិយាយ នូវបណ្តាបញ្ហារញ៉ែរញ៉ៃ ដែលអ្នកសារព័ត៌មាន ខិតខំធ្វើ កាលពីសប្តាហ៍មុនៗកន្លងមកនេះ។ ពីមួយថ្ងៃទៅមួយថ្ងៃ ខ្ញុំបានធ្វើរឿងនេះ ហើយខ្ញុំធ្វើរឿង នោះ។ ចូរទុកឲ្យខ្ញុំរស់នៅបាន ស្ងប់ស្ងាត់"។ Ronaldo បានបន្តនិយាយទៀតថា៖ "ចូរទុកឲ្យខ្ញុំបានធ្វើ ការងាររបស់ខ្ញុំ ដូចរាល់ឆ្នាំ។ សូមកុំព្យាយាមធ្វើឲ្យខូចខាតរូបភាពរបស់ខ្ញុំតទៅទៀត ព្រោះថាវានឹង មិនមានថ្ងៃកើតឡើងទេ។ ដូច្នេះ នេះគឺសារដល់បងប្អូនទាំងអស់គ្នា (អ្នកសារព័ត៌មាន) ហើយពួក យើងនឹងនៅតែបន្តនៅជាមួយគ្នា ពីមួយថ្ងៃទៅមួយថ្ងៃ ពីមួយខែទៅមួយខែ ពីមួយឆ្នាំទៅមួយឆ្នាំ។ សូមអរគុណ"។ </p>
<p>មិនច្បាស់ថា អ្នកសារព័ត៌មាន នឹងមានប្រតិកម្មយ៉ាងណានោះទេ ចំពោះពាក្យសុំអង្វររបស់ CR7 នេះ។ ប៉ុន្តែទស្សនាវត្តី Out របស់អាមេរិច នៅតែបន្តចុះផ្សាយពី Ronaldo ដោយដាក់ការសង្ស័យថា Ronaldo គឺជាមនុស្សភេទទី៣ ដោយសារតែឃើញរូបគាត់មានភាពស្និទ្ធស្នាលខ្លាំងជាមួយនឹងបុរស សង្ហាម្នាក់ នៅក្នុងដំណើរកម្សាន្តលំហែកាយរបស់ Ronaldo នៅឯ Saint Tropez។</p>
<p>ខាងក្រោមនេះ គឺជារូបភាពមួយចំនួនដែលបានចុះផ្សាយដោយ ទស្សនាវត្តី Out :</p>
<p><a class="thickbox" title="" href="/FileManager/Commons/2015/6/6/049-06-06-2015--16-29-16.jpg"><img src="/FileManager/Articles/mce/2015/6/6/049-06-06-2015--16-29-16.jpg" alt="" /></a></p>
<p><a class="thickbox" title="" href="/FileManager/Commons/2015/6/6/050-06-06-2015--16-29-35.jpg"><img src="/FileManager/Articles/mce/2015/6/6/050-06-06-2015--16-29-35.jpg" alt="" /></a></p>
<p><a class="thickbox" title="" href="/FileManager/Commons/2015/6/6/051-06-06-2015--16-29-56.jpg"><img src="/FileManager/Articles/mce/2015/6/6/051-06-06-2015--16-29-56.jpg" alt="" /></a></p>
<p> </p>
<p style="text-align: right;">ប្រែសម្រួល៖ ករុណា<br />ប្រភព៖<em> 24h</em></p>