<p><span style="color: #000000;"><strong>(ភ្នំពេញ)៖</strong> នៅថ្ងៃទី១១ ខែមេសា ម្សិលមិញនេះ រដ្ឋាភិបាលចិន បានយល់ព្រមបើកបង្ហូរទឹកទន្លេឡានឆាងចូលទន្លេមេគង្គជាលើកទី ៣ តាមសំណើរបស់នាយករដ្ឋមន្រ្តីកម្ពុជា សម្តេចតេជោ ហ៊ុន សែន បញ្ចូលមកទន្លេមេគង្គ ដើម្បីផ្តល់ទឹកដល់ប្រទេសតាមដងទន្លេមេ គង្គទាំង៥ (មីយ៉ាន់ម៉ា ថៃ ឡាវ កម្ពុជា និងវៀតណាម) ដែលកំពុងជួបគ្រោះរាំងស្ងួតខ្លាំង។</span></p>
<p><span style="color: #000000;">ដំណឹង នៃការបើកបង្ហូរទឹកទន្លេឡានឆាងចូលទន្លេមេគង្គជាលើកទី៣នេះ ត្រូវបានបញ្ជាក់ដោយលោកស្រី ប៊ូ ជាងហ្គូ ឯករដ្ឋទូតចិន ប្រចាំនៅកម្ពុជា ក្នុងឱកាសដែលលោកស្រីអញ្ជើញចូលជួបសម្តែងការគួរសមជាមួយលោកទេសរដ្ឋមន្រ្តី ប្រាក់ សុខុន រដ្ឋមន្រ្តីក្រសួង ការបរទេស និងសហប្រតិបត្តិការអន្តរជាតិ ដែលទើបនឹងឡើងកាន់តំណែង។</span></p>
<p><span style="color: #000000;">លោកស្រី ប៊ូ ជាងហ្គូ បានប្រាប់លោក ប្រាក់ សុខុន ថា ការបើកបង្ហូរទឹកទន្លេឡានឆាងចូលមកទន្លេមេគង្គ គឺបានធ្វើឡើងនៅថ្ងៃទី១១ ខែមេសា ម្សិលមិញនេះ។ នេះបើតាមការបញ្ជាក់របស់អ្នកនាំពាក្យក្រសួងការបរទេសកម្ពុជា លោក ជុំ សុន្ទរី ក្រោយជំនួបពិភាក្សា រវាងលោកស្រី ប៊ូ ជាងហ្គូ និងលោក ប្រាក់ សុខុន នាព្រឹកថ្ងៃទី១២ ខែមេសា ឆ្នាំ២០១៦នេះ។</span></p>
<p><span style="color: #000000;">សូមបញ្ជាក់ថា ប្រទេសចិន បានយល់ព្រមបើកទឹកបង្ហូចូលមកទន្លេមេគង្គចំនួន ២លើករួចមកហើយកាលពីខែកុម្ភៈ និង ខែមីនា។ ក្នុងពិធីកាត់ឬសីមាព្រះវិហារ នៅវត្តពានរោង ក្នុងភូមិព្រៃជ្រាំង ឃុំពានរោង ស្រុកស្វាយអន្ទរ ខេត្តព្រៃវែង នាព្រឹកថ្ងៃទី១១ ខែមេសា ឆ្នាំ២០១៦ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានថ្លែងឲ្យដឹងថា នៅក្នុងឱកាសអញ្ជើញទៅចូលរួមវេទិកាសហ ប្រតិបត្តិការទន្លេមេគង្គ និងទន្លេឡានឆាង សម្តេចបានស្នើឲ្យប្រទេសចិន ជួយបើកបង្ហូទឹកចូលទន្លេមេគង្គ ដែលកំពុងរីងខ្លាំង។</span></p>
<p><span style="color: #000000;">បើតាមការបញ្ជាក់របស់សម្តេច ទន្ទឹមនិងការឲ្យចិនបើកបង្ហូរទឹក សម្តេចតេជោ ក៏បានស្នើឲ្យប្រទេសសមាជិកទន្លេមេគង្គនៅផ្នែកខាង លើ ដូចជាមីយ៉ាន់ម៉ា ថៃ និងឡាវ កុំឲ្យទប់ទឹកនេះខ្លាំងពេក ត្រូវបង្ហូរមកប្រទេសផ្នែកខាងក្រោមពីរទៀត គឺកម្ពុជា និងវៀតណាម។ សម្តេចតេជោ ក៏បានបង្ហាញក្តីព្រមបារម្ភផងដែរ បើទឹកទន្លេមេគង្គនៅតែបន្តរីងហួតខ្លាំងទឹកប្រៃអាចនឹងហូរចូលមកដល់អ្នកលឿង។ ការព្រួយបារម្ភរបស់សម្តេចបានកើតមានឡើង បន្ទាប់ពីដែនទឹកសាបនៅក្នុងប្រទេសវៀតណាម ត្រូវទឹកប្រៃហូរចូលចម្ងាយជាង ១០០គីឡូម៉ែត្រ។</span></p>
<p><span style="color: #000000;">សម្តេចតេជោ បានពន្យល់ថា បើទឹកទន្លេមេង្គកាន់តែរីងហួត នោះទឹកសមុទ្រជោឡើង ហើយនឹងហូរចូលក្នុងទឹកទន្លេមេគង្គ។</span></p>
<p><span style="color: #000000;">រដ្ឋមន្រ្តីក្រសួងការបរទេសខ្មែរលោក ប្រាក់ សុខុន បានថ្លែងអំណរគុណជ្រាលជ្រៅ ដល់ប្រទេសចិន បានជួយបង្ហូរទឹកចូលដងទន្លេមេគង្គជាបន្តបន្ទាប់ ដើម្បីសង្រ្គោះដល់គ្រោះរាំងស្ងួតរបស់ប្រទេសតាមដងទន្លេមេគង្គ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtf1/v/t1.0-9/12991103_973114819411039_2243497689905549467_n.jpg?oh=da9881af4b004e26c4554824d04320c1&oe=5784B1B1&__gda__=1468239082_e3bd4581be907ae837e110bea299a557" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlf1/v/t1.0-9/21209_973114816077706_9213439516837335955_n.jpg?oh=6a4027e038bdadae592aa24a115fad7c&oe=577B8A6C&__gda__=1472053311_c2c4fc229cfd1ae84c9b135d73871160" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13000230_973114812744373_652968419119621178_n.jpg?oh=299a9a37fea5075a72b39a209087cf34&oe=57B38A14" alt="" width="730" /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>