<p><strong>ភ្នំពេញ៖</strong> រដូវក្តៅជិតកន្លងផុតទៅ មហាជនទូទៅ និងអ្នកតាមដានសង្គមសិល្បៈ មើលឃើញថា<br /> គ្រប់តារាចម្រៀងទាំងអស់ នៅតាមបណ្តាផលិតកម្មនានា កំពុងតែកាក់កប និងការដើរច្រៀង<br />ប្រមូលលុយ នៅតាមការប្រគំតន្ត្រី “Concert” នៅតាមបណ្តា ខេត្តរបស់ ក្រុមហ៊ុនផ្សេងៗ និង<br /> នៅតាមការប្រគំតន្ត្រីលក់សំបុត្រជាដើម ។</p>
<p>ជាក់ស្តែង ដូចជាតារាចម្រៀងរូបសង្ហា ប្រចាំផលិតកម្ម ថោន លោក ករុណា ពេជ្រ មហាជន<br />មើលឃើញ ថាស្ទើរគ្រប់កម្មវិធីការប្រគំតន្ត្រីធំៗ នៅតាមបណ្តាខេត្ត និងនៅតាមស្ថានីយទូរ<br />ទស្សន៍នានា គេតែងតែឃើញវត្តមានរបស់លោកជានិច្ច ។</p>
<p>តែអ្វីដែលធ្វើឲ្យ មហាជន អ្នកទស្សនាទូទាំង ប្រទេសចាប់អារម្មណ៍ និងហួសចិត្តយ៉ាងខ្លាំងនោះ<br /> គឺកាលពីល្ងាចថ្ងៃអាទិត្យ ទី២១ ខែមេសា ម្សិលមិញ នេះនៅក្នុងកម្មវិធី "តន្ត្រីថ្ងៃអាទិត្យ" របស់<br />ស្ថានីយទូរទស្សន៍ស៊ីធីអ៊ិន (CTN) ដោយមានការចូលរួមពីតារាចម្រៀងល្បី ប្រចាំផលិតកម្ម <br />ថោន លោក ករុណា ពេជ្រ ហើយលោកបានឡើងបកស្រាយចម្រៀងមួយបទមានចំណងជើង<br />ថា "ស្មារតីយុវជន" ដោយតារាចម្រៀងរូបនេះ មិនបានច្រៀងផ្ទាល់នោះទេ គឺលោកគ្រាន់តែ<br />ច្រៀង ធ្វើមាត់ម្ហបៗតាមឌីសតែប៉ុណ្ណោះ។</p>
<p>ខណៈដែលលោក ករុណា ពេជ្រ កំពុងតែច្រៀង និងធ្វើមាត់ម្ហបៗតាមឌីសនៅ លើឆាកប្រគំតន្ត្រី ក្រោមក្រសែភ្នែកអ្នកទស្សនារាប់ម៉ឺននាក់នោះ ឌីសចម្រៀងបានអាក់រយៈពេលខ្លី ដោយសារតែ<br />បច្ចេកទេស (ទាក់ឌីស) ធ្វើឲ្យលោក ករុណា ពេជ្រ បាក់មុខ យ៉ាងខ្លាំង ធ្វើមុខស្ញេញ សើចលែង<br />សម ព្រោះមានមហាជនអ្នកទស្សនារាប់លាននាក់ ទាំងអ្នកទស្សនាកម្មវិធីផ្សាយផ្ទាល់ នៅតាម<br />គេហដ្ឋាន ក៏ដូចជាអ្នកទស្សនានៅនឹងឆាកតន្រ្តីផ្ទាល់ នាពេលនោះមានអារម្មណ៍ភ័យព្រួយជំនួស<br />លោក ។</p>
<p>ចំពោះការច្រៀងទាក់ឌីស និងធ្វើឲ្យបាក់មុខដូចលោក ករុណា ពេជ្រ នេះនាពេលកន្លងមកក៏ធ្លាប់<br />មានតារាចម្រៀងមួយចំនួន បានបាក់មុខនៅលើឆាកអ៊ីចឹងដែរ ហើយការដែលច្រៀងទៅ ទាក់<br />ឌីស បែបនេះ គឺដោយសារតែខុសបច្ចេកទេសបន្តិចបន្តួច តែវាក៏អាចប្រឈបទៅនិងបញ្ហាខ្លះៗ ពោលវាអាចប៉ះពាល់ទៅដល់អារម្មណ៍ទស្សនិកជន ដែលកំពុងទស្សនា ។</p>
<p>ជុំវិញការច្រៀងតាមឌីសបែបនេះ ត្រូវអ្នកតាមដានសង្គមសិល្បៈ និងមហាជនមួយចំនួន បាន<br />សម្តែងនូវការមិនពេញចិត្ត ព្រោះការច្រៀងបែបនេះ គឺវាមិនបង្ហាញពីសំឡេងផ្ទាល់ ហើយ អ្នក<br />ដែលទៅទស្សនាផ្ទាល់ ក៏អាចបាត់បង់ទឹកចិត្ត ដែលខំតស៊ូទៅអ្នកទស្សនាផ្ទាល់ តែពេលទៅដល់<br />បែរជាតារាចម្រៀងច្រៀងតាមឌីសទៅវិញ បើអ៊ីចឹងគេសុខចិត្តអង្គុយចាក់ឌីសនៅផ្ទះស្ដាប់ប្រសើរ<br />ជាង៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/April/id-065/PISETH-0357.jpg" alt="Looking Today" width="500" /></p>
<p style="text-align: center;"><object width="500" height="400" data="http://www.youtube.com/v/LrtreC5rg8Y&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/LrtreC5rg8Y&rel=1" /></object></p>
<p style="text-align: right;">ផ្តល់សិទ្ធិដោយ៖ ដើមអំពិល</p>