<p><span style="color: #000000;"><strong>(ពោធិ៍សាត់)៖</strong> កម្លាំងនគរបាលស្រុកក្រគរ សហការជាមួយកម្លាំងប្រជាការពារ បានចុះប្រតិបត្តិការ ឃាត់ខ្លួនមុខសញ្ញាជួញដូរគ្រឿងញៀនបានម្នាក់ ដកហូតថ្នាំញៀនមួយចំនួនធំ និងឧបករណ៍បម្រើឲ្យការជួញដូរជាច្រើនទៀត។</span></p>
<p><span style="color: #000000;">ប្រតិបត្តិការបង្ក្រាបនេះ ធ្វើឡើងនៅយប់ថ្ងៃទី០៩ ខែកុម្ភៈ ឆ្នាំ២០១៧ នៅចំណុចទល់មុខអធិការដ្ឋាននគរបាលស្រុកក្រគរ ស្ថិតក្នុងភូមិទន្សាយគល់ ឃុំអន្លង់ត្នោត ស្រុកក្រគរ ខេត្តពោធិ៍សាត់។</span></p>
<p><span style="color: #000000;">លោកវរសេនីយ៍ត្រី ឯម រុន អធិការនគរបាលស្រុកក្រគរ បានប្រាប់ភ្នាក់ងារ Fresh News ឲ្យដឹងថា ក្នុងប្រតិបត្តិការបង្ក្រាបមុខសញ្ញាជួញដូរនូវសារធាតុញៀនខាងលើ កម្លាំងរបស់លោកបានឃាត់ខ្លួនជនសង្ស័យឈ្មោះ ប៉ុន រាសី អាយុ២៥ឆ្នាំ រស់នៅភូមិផ្សារ ឃុំក្បាលត្រាច ស្រុកក្រគរ ខេត្តពោធិ៍សាត់។</span></p>
<p><span style="color: #000000;">លោកអធិការបន្តថា វត្ថុតាងដែលដកហូតបានរួមមាន ថ្នាំញៀន៩កញ្ចប់ ម៉ូតូ១គ្រឿង ម៉ាក Air Black ទូរស័ព្ទដៃ១គ្រឿង លុយ ១៥០,០០០រៀល និងសម្ភារបម្រើឲ្យការជួញដូរមួយចំនួនទៀត។ បច្ចុប្បន្នជនសង្ស័យ និងវត្ថុតាង កម្លាំងនគរបាលកំពុងបំពេញនីតិវិធី ដើម្បីបញ្ជូនឱ្យជំនាញខេត្តចាត់ការបន្ត៕</span></p>
<p><span style="color: #000000;"><img src="http://image.freshnewsasia.com/2017/112/fn-2017-02-10-10-45-59-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>