<p><span style="color: #000000;"><strong>(ភ្នំពេញ)៖</strong> កម្លាំងសមត្ថកិច្ចចំរុះ រួមមាននគរបាលនាយកដ្ឋានប្រឆាំងបទល្មើសសេដ្ឋកិច្ច និងមន្រ្តីកាំកុងត្រូលដឹកនាំដោយ ព្រះរាជអាជ្ញារង នៅវេលាម៉ោង៣៖៣០នាទី រសៀលថ្ងៃទី២៨ ខែមករា ឆ្នាំ២០១៦នេះ បានធ្វើការដុតកំទេចចោលស្ករត្នោត លាយសារធាតុគីមីជាង៤តោន នៅម្តុំកន្លែងចាក់សំរាម សង្កាត់ជើងឯក ខណ្ឌដង្កោ ក្រោយពីបង្ក្រាបបាន នៅខណ្ឌទួលគោក នៅថ្ងៃម្សិលមិញ។</span></p>
<p><span style="color: #000000;">លោកឧត្តមសេនីយ៍ ឡុង ស្រេង អនុប្រធាននាយកដ្ឋាន នគរបាលប្រឆាំងសេដ្ឋកិច្ច ក្រសួងមហាផ្ទៃ បានប្រាប់អ្នកយកព័ត៌មានថា ស្ករត្នោតដែលមានសារធាតុគីមីបំផ្លាញ សុខភាពជាង៤តោន ដែលត្រូវបានចុះបង្ក្រាបនោះ ត្រូវបានដុតកំទេចចោល ហើយចំពោះ ម្ចាស់ទីតាំងវិញ នឹងចាត់វិធានការតាមផ្លូវច្បាប់យ៉ាងតឹងរឹងបំផុត។</span></p>
<p><span style="color: #000000;">សូមបញ្ជាក់ថា កម្លាំងនគរបាលនាយកដ្ឋានប្រឆាំងបទល្មើស សេដ្ផកិច្ចក្រសួងមហាផ្ទៃ និងមន្រ្តីនាយកដ្ឋានកម្មកុងត្រូលដឹកនាំដោយ ព្រះរាជអាជ្ញាអមតុលាការក្រុងភ្នំពេញ នៅព្រឹកថ្ងៃទី២៧ ខែមករា ឆ្នាំ២០១៦ បានឆ្មក់ចូលត្រួតពិនិត្យទីតាំងសិប្បកម្មផលិតស្ករត្នោត ពីស្ករសមួយស្ថិត នៅដីឡូត៍លេខ៨ ផ្លូវ៦៦៤ សង្កាត់បឹងសាឡាង ខណ្ឌទួលគោក ដោយរកឃើញរាប់សិបតោន។ ការត្រួតពិនិត្យនេះក្រោមការបញ្ជាផ្ទាល់ពីលោក ឧត្តមសេនីយ៍ឯក ចាន់ វ៉ាន់ធឿន ប្រធាននាយកដ្ឋានប្រឆាំងបទល្មើសសេដ្ឋកិច្ច ក្រសួងមហាផ្ទៃ កម្លាំងនគរបាលបានរឹបអូសស្ករត្នោត ដែលផលិតរួចរាប់សិបតោន ដែលម្ចាស់សិប្បកម្មបំរុងនាំចេញមកលក់ក្នុងទីផ្សារ រួមទាំងស្ករអំពៅលេខ៤ នាំចូលមកពីប្រទទេសវៀតណាមផងដែរ។ អ្វីដែលសមត្ថកិច្ចនឹកស្មានមិនដល់នោះគឺនៅក្នុងការផលិតស្ករត្នោត ចេញពីស្ករសនេះ គឺមានសារធាតុគីមីឈ្មោះ sodium hydrocilfeet ជាច្រើនដែលយកមកប្រើក្នុងការបំលែង ផលិតផលស្ករត្នោត ពីស្ករសនេះ។ ដូច្នេះសមត្ថកិច្ចបានសំរេចឃាត់ខ្លួនម្ចាស់ សិប្បកម្មផលិតស្ករត្នោតនេះសិនដើម្បីសាកសួរ។</span></p>
<p><span style="color: #000000;">តាមការចង្អុលបង្ហាញពីម្ចាស់សិប្បកម្មផលិតស្ករត្នោតពីស្ករសនេះ សមត្ថកិច្ចបានបន្តឆែកឆេរឃ្លាំងស្តុកសារធាតុគីមីមួយកន្លែងទៀត ស្ថិតនៅផ្លូវលេខ២៥៥ សង្កាត់បឹងសាឡាង ដដែលដោយនៅទីនោះសមត្ថកិច្ចបានរកឃើញ មានសារធាតុគីមីច្រើនប្រភេទដែល គេលួចនាំចូលមកស្តុកទុកលក់ ។ ពាក់ព័ន្ធនិងករណីរឹបអូសស្ករត្នោតផលិតពីស្ករសនេះ លោកឧត្តមសេនីយ៍ ចាន់ វ៉ាន់ធឿន ប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ច ក្រសួងមហាផ្ទៃ បានបញ្ជាក់ថាស្ករត្នោតដែលផលិតពីស្ករស ដោយលាយ សារធាតុគីមី សូឌីដ្យូមអ៊ីដ្រុកស៊ីលហ្វីតនេះមានគ្រោះថ្នាក់បំផុតចំពោះសុខភាព ដែលចាំបាច់ត្រូវហាមឃាត់មិនអនុញាតឲ្យលក់លើ ទីផ្សារបានឡើយ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtp1/t31.0-8/12646907_222833784715798_8484818042857956973_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xal1/t31.0-8/12604711_222833781382465_3076544106608441279_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xpl1/t31.0-8/12604807_222833788049131_2881998580817549686_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xla1/t31.0-8/12628410_222833811382462_361175377251316239_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>