<div class="article-content">
<p><strong>ភ្នំពេញៈ</strong> កម្មករសំណង់ម្នាក់ ត្រូវបងប្អូនប្រទះឃើញដួលសន្លប់បាត់ស្មារតី ក្នុងបន្ទប់ស្នាក់នៅក្នុង<br />ការដ្ឋានសំណង់ ដោយមានស្នាមគេកាប់រយះ ជាច្រើនកន្លែង ឈាមហូរស្រោចជោកខ្លួនទៀតផង<br /> ត្រូវបានរថយន្តសង្គ្រោះ របស់អង្គភាព ៧១១ កងពលតូចលេខ៧០ ដឹកយកទៅកាន់មន្ទីរ កាល់ម៉ែត ដើម្បីជួយសង្គ្រោះអាយុជីវិតជាបន្ទាន់។</p>
<p>បន្ទាប់ពីកើតហេតុ បានតាមរកម៉ូតូ ប្រទះឃើញធ្លាក់ចូលក្នុងប្រឡាយទឹក ខាងមុខវិទ្យាល័យជម្ពូវ័ន្ត<br /> ហើយសន្និដ្ឋានថា ជនរងគ្រោះមានគេព្រួតកាប់ តែជិះម៉ូតូរត់គេចរួច ប៉ុន្តែដោយជិះលែងរួច ក៏ទុកម៉ូតូ<br />ចោលត្រដរទៅតែខ្លួនរហូតដល់ផ្ទះ ។ ហេតុការណ៍នេះត្រូវបានកើតឡើង កាលពីវេលា ម៉ោង៤និង<br />៣០នាទី ថ្ងៃទី២៧ ខែមេសា ឆ្នាំ២០១៣ ស្ថិតនៅក្នុងការដ្ឋានសំណង់ភូមិអូរឌឹម សង្កាត់ចោមចៅ<br /> ខណ្ឌពោធិ៍សែនជ័យ រាជធានីភ្នំពេញ។</p>
<p>បើតាមសាច់ញាតិ របស់ជនរងគ្រោះវិញ បានឲ្យដឹងថា ជនរងគ្រោះមានឈ្មោះ ថា រតនៈ ភេទប្រុស<br />អាយុ២៣ឆ្នាំ មានមុខរបរជាកម្មករសំណង់ស្នាក់ នៅក្នុងការដ្ឋានសំណង់ភូមិ សង្កាត់កើតហេតុ មាន<br />ស្រុកកំណើតនៅភូមិតាណាល ឃុំកន្តៀងរាយ ស្រុកកញ្ជៀច ខេត្តព្រៃវែង រងរបួស រយះក្បាល ចំ<br />ហៀងខាងស្តាំ លើផ្ទៃមុខសងខាង និង កលើឆ្អឹងដងកាំបិត សន្លប់ឈឹង ត្រូវបានដឹកយកទៅសង្គ្រោះ<br /> នៅមន្ទីរពេទ្យកាល់ម៉ែត ជនរងគ្រោះជិះ ម៉ូតូមួយគ្រឿង សេ៥០គុបមូល ពណ៌សណ្តែក គ្មានស្លាក<br />លេខ។</p>
<p>សាច់ញាតិរបស់ជនរងគ្រោះ បានបន្តទៀតថា កាលពីល្ងាច ជនរងគ្រោះបានជិះម៉ូតូមួយគ្រឿង ក្នុង<br />គោលបំណងដើរលេង មិនដឹងជាទៅទីណា នោះទេ លុះដល់ម៉ោង៤និង៣០នាទី ក៏ប្រទះឃើញដេក<br />សន្លប់ នៅក្នុងបន្ទប់ស្នាក់នៅ ដោយបាត់ម៉ូតូមុនដំបូងសន្និដ្ឋានថា គេវាយប្លន់យកម៉ូតូ ប៉ុន្តែ បន្ទាប់ពី<br />បញ្ជូនជនរងគ្រោះទៅមន្ទីរ រួចដើរស្វែងរកម៉ូតូ ក៏ប្រទះឃើញនៅក្នុងប្រឡាយទឹកស្អុយ មុខវិទ្យាល័យ<br />ជម្ពូវ័ន្ត ក៏អូសក្នុងគោល បំណងយក ទៅរក្សាទុក ប៉ុន្តែត្រូវបាននគរបាល ឲ្យយកមករក្សាទុក នៅប៉ុស្តិ៍<br />ដើម្បីធ្វើកំណត់ហេតុ និងស្រាវជ្រាវរកជនដៃដល់។</p>
<p>នគរបាលមូលដ្ឋាន បាននិយាយថា ជនរងគ្រោះមិនដឹងជាត្រូវគេកាប់ មកពីម្តុំណានោះទេ ហើយបាន<br />រត់គេចខ្លួនរួច លុះមកដល់មុខវិទ្យាល័យជម្ពូវ័ន្ត ប្រហែលជាទៅលែងរួច ឬមួយក៏ជ្រុលចង្កូត ធ្លាក់ម៉ូតូ<br />ចូលទៅក្នុងប្រឡាយទឹក រួចហើយព្យាយាមបន្ត ទៅរហូតដល់បន្ទប់ស្នាក់ធ្វើសំណង់ ទើប សន្លប់បាត់<br />ស្មារតី លុះដល់ក្រុមគ្រួសារភ្ញាក់ពីដំណេក ក៏ប្រទះឃើញមានការភ្ញាក់ផ្អើលតែម្តងទៅ ។ ចំណែកឯម៉ូតូ<br />ត្រូវគេប្រទះឃើញ នៅខាងមុខ វិទ្យាល័យជម្ពូវ័ន្ត ក៏យកមករក្សាទុកនៅប៉ុស្តិ៍នគរបាលចោមចៅ ដើម្បី<br />ធ្វើការស្រាវជ្រាវរកជនដៃដល់ រីឯជនរងគ្រោះត្រូវបញ្ជូនទៅសម្រាកព្យាបាល នៅមន្ទីរពេទ្យកាល់ម៉ែត<br /> មិនទាន់ដឹងខ្លួននៅឡើយ ។</p>
<p>នគរបាលបានបន្តថា ពេលនេះនគរបាល កំពុងតែរង់ចាំជនរងគ្រោះដឹងខ្លួន បានសួរនាំធ្វើការស្រាវជ្រាវ <br />ដើម្បីស្វែងរកចាប់ខ្លួនជនដៃដល់ យកមក ផ្តន្ទាទោសទៅតាមផ្លូវច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0501.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0502.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-014/that-0503.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>