<div class="article-content">
<p><strong>មណ្ឌលគិរី ៖</strong> ប្រជាពលរដ្ឋនាំគ្នាខឹងសម្បារ រឿងផ្លូវលំមួយខ្សែ ត្រូវបានបិទមិនឲ្យធ្វើចរាចរណ៍<br /> ជិតពីរឆ្នាំមក ហើយ ដែលផ្លូវលំមួយខ្សែនេះ ស្ថិតក្នុងភូមិដោះក្រមុំ សង្កាត់សុខដុម ក្រុងសែន<br />មនោរម្យ ខេត្តមណ្ឌលគិរី ត្រូវបានលោក អភិបាលរងស្រុកម្នាក់ បិទមិនឲ្យប្រជាពលរដ្ឋធ្វើ<br />ចរាចរណ៍ជិត ២ឆ្នាំមកហើយ អាជ្ញាធរ ខេត្ត ក្រុង ហាក់បីដូចជាមើលរំលង ។</p>
<p>ប្រជាពលរដ្ឋ ដែលមានលំនៅដ្ឋាន នៅជិតផ្លូវនេះបានប្រាប់ឲ្យដឹងថា ផ្លូវលំមួយខ្សែរនេះមាន<br />ប្រវែង ប្រហែល១០០ម៉ែត្រ ទទឹង១០ម៉ែត្រ ពួកគាត់បានធ្វើចរាចរណ៍តាំងពីឆ្នាំ១៩៨៧មកម្ល៉េះ <br />រហូតមកដល់បច្ចុ ប្បន្ននេះ ផ្លូវនេះត្រូវបានបិទដោយលោក អភិបាលរងស្រុកម្នាក់ ជាអ្នកបិទ<br />មិនឲ្យធ្វើចរាចរណ៍ ។</p>
<p>បើតាមប្រភពព័ត៌មាន បានបង្ហើបប្រាប់ថា ចាប់តាំងពីដីធ្លី នៅក្រុងសែនមនោរម្យ មានហាង<br />ឆេងខ្ពស់មកត្រូវបានគេសង្ស័យថា ការបិទផ្លូវនេះក្នុងបំណងយកមកធ្វើជាកម្មសិទ្ធផ្ទាល់ខ្លួន។ <br />ប្រជាពលរដ្ឋបានប្រាប់ថា អ្នកដែលបិទផ្លូវខាងលើនេះឈ្មោះស៊ន សារុន ជាអភិបាលរងស្រុក<br />អូររាំង ។</p>
<p>លោកស្រី វ៉ា ផារី អាយុ ៤៤ឆ្នាំ បានអះអាងថា ផ្លូវនេះគេធ្វើចរាចរណ៍តាំងពីឆ្នាំ១៩៨៧ រហូត<br />មកដល់ចុង ឆ្នាំ២០១១ ស្រាប់តែមានការបិទផ្លូវនេះ ពីលោកអភិបាលរងស្រុកខាងលើនេះតែ<br />ម្តងទៅ ឃើញបែបនេះ ពួកគាត់ក៏នាំគ្នាទៅបើកផ្លូវ និង ដកបង្គោលរបងជាច្រើនដង តែបាន<br />រយៈពេលពីរថ្ងៃប៉ុណ្ណោះ ត្រូវបានលោក ស៊ន សារុន ចាក់បង្គោលស៊ីម៉ង់ត៍ និងហ៊ុំព័ទ្ធដោយ<br />សំណាញ់លួសទៀតផង ។</p>
<p>បន្ទាប់ពីមានករណីបែបនេះកើតឡើង ពួកគាត់បានធ្វើការរាយការណ៍ ជូនអាជ្ញាធរមូលដ្ឋាន<br /> រួមមានសង្កាត់ ក្រុងនិងអង្គភាពពាក់ព័ន្ធផងដែរ ប៉ុន្តែអាជ្ញាធរហាក់បីដូចជាមិនអើពើរឿងនេះ<br />ទាល់តែសោះ ។</p>
<p>លោក អ៊ិន អ៊ីវ ចៅសង្កាត់សុខដុម បានប្រាប់នៅថ្ងៃទី០២ ខែកញ្ញា ឆ្នាំ២០១៣ នេះថា គាត់<br />ដឹងពីការបិទផ្លូវ នេះ ប៉ុន្តែគាត់មិនបានបញ្ជាឲ្យបិទនោះទេ។</p>
<p>លោក ប៉េង សម្បត្តិ អភិបាលក្រុង សែនមនោរម្យបានប្រាប់អ្នកយកព័ត៌មាននៅថ្ងៃទី០២ ខែ<br />កញ្ញា ឆ្នាំ ២០១៣ វេលាម៉ោង ១១ និង ៤៨នាទីព្រឹកថា លោកពុំបានដឹងពីការបិទផ្លូវនេះទេ<br /> លោកថា បញ្ហានេះចាំឲ្យ មន្ត្រីចុះពិនិត្យនៅទីតាំងនេះ ។</p>
<p>លោកអេង ប៊ុនហ៊ាង អភិបាលនៃគណៈអភិបាលខេត្តបានប្រាប់អ្នកយកព័ត៌មានដើមអម្ពិល<br />នៅព្រឹកថ្ងៃទី ២ ខែកញ្ញា ឆ្នាំ២០១៣ ថា គាត់នឹងចាត់ចែង ឲ្យមន្ទីរសារធារណការណ៍ ចុះ<br />ពិនិត្យដល់ទីតាំងខាងលើ ដើម្បីចាត់ការ ៕</p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0541.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/August/id-015/T-0542.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>