<p><span style="color: #000000;"><strong>កំពង់ស្ពឺ:</strong> ពិតជាគួរញាក់សាច់ នៅពេល រថយន្ត ធុនធំ ដឹកទូកុងតឺន័រ ហើយបើកប្រជែងគ្នា លើផ្លូវជាតិលេខ៤ ក្នុងភូមិព្រៃផ្តៅ ឃុំត្រពាំងគង ស្រុកសំរោងទង ខេត្តកំពង់ស្ពឺ ស្រាប់តែ ក្រឡាប់ ធ្លាក់ទូកុងតឺន័រ បណ្តាលចំអ្នកជិះម៉ូតូ ចំនួន៣នាក់ រងរបួសធ្ងន់ស្រាល ត្រូវបានដឹកបញ្ជូនទៅមន្ទីរពេទ្យភ្លាមៗ តែម្តង នៅព្រឹកព្រលឹមថ្ងៃអាទិត្យ ទី១៣ ខែកញ្ញា ឆ្នាំ២០១៥នេះ។</span></p>
<p><span style="color: #000000;">នាយនគរបាលប៉ុស្តិ៏ ឃុំត្រពាំងគង លោក យន្ត វន បានអោយដឹងថា មុនពេលកើតហេតុ រថយន្ត ធុនធំម៉ាកហីុណូ ពាក់ស្លាកលេខ ភ្នំពេញ 3A-6085 បានធ្វើដំណើរ តាមផ្លូវជាតិលេខ៤ ក្នុងទិសដៅពី លិចទៅកើត ពោលទិសដៅចូលមករាជធានីភ្នំពេញ លុះមកដល់កន្លែងកើតហេតុ ក៏បើកប្រជែង រថយន្ត កុងតឺន័រមួយគ្រឿង នៅពីខាង មុខ បណ្តាលអោយក្រឡាប់ ធ្លាក់ទូកុងតឺន័រតែម្តង ទៅប៉ះម៉ូតូ ចំនួន២គ្រឿង ហើយបណ្តាលអោយ មនុស្ស២នាក់ និងស្រ្តីម្នាក់ រងរបួស តែមិនដល់អាយុជីវិតទេ។</span></p>
<p><span style="color: #000000;">ក្រោយកើតហេតុ កម្លាំង សមត្ថកិច្ច បានចុះទៅជួយអន្តរាគមន៏ និងជួយដឹកជនរងគ្រោះ ទៅកាន់មន្ទីរពេទ្យ ភ្លាមៗផងដែរ។៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2015/September/ID-141/MrMSP-0678.jpg" alt="" width="550" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2015/September/ID-141/MrMSP-0679.jpg" alt="" width="550" /></span></p>
<p style="text-align: right;"><br /><span style="color: #000000;">ផ្ដល់សិទ្ធដោយ៖ ដើមអម្ពិល</span></p>