<p><span style="color: #000000;"><strong>កោះកុង ៖</strong> ជនសង្ស័យម្នាក់ ត្រូវបានកងរាជ អាវុធហត្ថខេត្ដ ចាប់វាយខ្នោះ ដោយចោទប្រកាន់ថា បានចូលលួចទូរស័ព្ទ ដៃដល់ក្នុងផ្ទះ នៅពេលម្ចាស់ទូរស័ព្ទ ចូលក្នុងបន្ទប់ទឹក ។</span></p>
<p><span style="color: #000000;">ហេតុការណ៍នេះ បានកើតឡើងនៅព្រឹកថ្ងៃទី ៨ ខែមករា ឆ្នាំ ២០១៥ ស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្ដកោះកុង ។</span></p>
<p><span style="color: #000000;">មន្រ្តីអាវុធហត្ថបានឲ្យដឹងថា ជនរងគ្រោះមានឈ្មោះ ម៉ាត់ រ៉សាលី ភេទប្រុស អាយុ ៣០ឆ្នាំ មានទីលំនៅ កន្លែងកើតហេតុ មានមុខរបរជាគ្រូបង្រៀន ជាម្ចាស់ទូរស័ព្ទ ។ ចំណែកឯជនសង្ស័យមាន ឈ្មោះ ស៊ឹម សំណាង ភេទប្រុស អាយុ ២៩ឆ្នាំ មានទីលំនៅមិនពិតប្រាកដ មានមុខជាកម្មករសំណង ។</span></p>
<p><span style="color: #000000;">ម្ចាស់ទូរស័ព្ទ ជាជនរងគ្រោះ បាននិយាយថា នៅមុនពេលកើតហេតុ រូបគាត់ដាក់ទូរស័ព្ទ បញ្ចូលថ្ម នៅលើគ្រែរួចចូលទៅងួតទឹក ពេលចេញមកវិញ មិនឃើញទូរស័ព្ទ របស់គាត់នៅលើគ្រែ។ គាត់ក៏អស់សង្ឃឹមក៏ចេញទៅផ្សារ ពេលនោះជនសង្ស័យ បានយកទូរស័ព្ទទៅលក់ចំ កន្លែងមិត្ដភក្តិ ពេលនោះ មិតភក្តិបានឃើញរូបកូនគាត់ ក៏បានទូរស័ព្ទសួរគាត់។ ពេលនោះដែរ គាត់បានទៅប្ដឹងសមត្ថកិច្ចក៏ធ្វើការឃាត់ខ្លួនបានភ្លាម ។</span></p>
<p><span style="color: #000000;">លោក រស់ សុខឿន ប្រធានមន្ទីរស្រាវជ្រាវនិងយុត្ដិធម៍ អ,ហ,ខេត្ដបាននិយាយ ឱ្យដឹងថា ក្រោយពី ទទួលបាននៅព័ត៍មាន ពីជនរងគ្រោះភ្លាម លោកក៏ចាត់កម្លាំង ទៅដល់ទីនោះ ដើម្បីធ្វើការ ឃាត់ខ្លួន រួមទាំងវត្ថុតាងទូរស័ព្ទដៃម៉ាកអាយហ្វូន១គ្រឿង ពីជនសង្ស័យ ហើយធ្វើការបញ្ជូន មកទីបញ្ជាកកង រាជអាវុធហត្ថខេត្ដ ដើម្បីធ្វើការសាកសួរ។</span></p>
<p><span style="color: #000000;">លោកបានឱ្យដឹងទៀតថា ចំពោះជនសង្ស័យសមត្ថកិច្ចលោកកំពុងកសាងសំណុំរឿង បញ្ជូនទៅ សាលាដំបូងខេត្ដ ដើម្បីចាត់ការទៅតាមផ្ញូវច្បាប់ ចំណែក ទូរស័ព្ទដៃ លោកបានប្រគល់ ជូនទៅម្ចាស់ដើមវិញ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/1-8-2015-4-24-40-pm-08-01-2015--16-30-19.png"><img src="/FileManager/Articles/mce/2015/1/8/1-8-2015-4-24-40-pm-08-01-2015--16-30-19.png" alt="" /></a></span></p>
<p><a class="thickbox" title="" href="/FileManager/Commons/2015/1/8/1-8-2015-4-24-54-pm-08-01-2015--16-30-30.png"><img src="/FileManager/Articles/mce/2015/1/8/1-8-2015-4-24-54-pm-08-01-2015--16-30-30.png" alt="" /></a><span style="color: #000000;"><br /></span></p>
<p style="text-align: right;"><span style="color: #000000;"><br />ផ្ដល់សិទ្ធដោយ៖ ដើមអម្ពិល</span></p>