<p><span style="color: #000000;">ព័ត៌មានជាតិ ៖ <span style="font-size: 12px;">បុរសស្រវឹងស្រាម្នាក់បានយកកាំភ្លើង AK មួយដើម ទៅលាក់ទុករយៈពេល១០ឆ្នាំមកហើយ កាន់ទៅមើលគេរាំធុងបាស បង្កឲ្យប្រជាពលរដ្ឋភ័យខ្លាច ហើយក៏ត្រូវបានគេប្តឹងឲ្យនគរបាលឃាត់ខ្លួន ចាត់ការទៅតាមផ្លូវច្បាប់ នៅយប់ថ្ងៃទី១៦ ខែមេសា ឆ្នាំ២០១៧ នៅភូមិព្រែកសំរោង២ សង្កាត់តាខ្មៅ ក្រុងតាខ្មៅ ។</span></span></p>
<p><span style="color: #000000;">មន្ដ្រីនគរបាលបានឲ្យដឹងថា ជនសង្ស័យ ឈ្មោះ ហេង សុខដូ អាយុ៣៦ឆ្នាំ មុខរបរជាកម្មករសំណង់ រស់នៅភូមិព្រែកសំរោង២ សង្កាត់តាខ្មៅ ក្រុងតាខ្មៅ ។ បើតាមមន្ត្រីនគរបាល មុនពេលកើតហេតុ ជនសង្ស័យមានសភាពស្រវឹងស្រាជោគជាំ ហើយបានកាន់កាំភ្លើងខាងលើដើរទៅកន្លែងរាំធុងបាស ក្នុងភូមិកើតហេតុ ពេលនោះត្រូវបានប្រជាជនឃើញ រាយការណ៍ជូនសមត្ថកិច្ច ចុះទៅអន្តរាគមន៍ ធ្វើការឃាត់ខ្លួនបានរួមទាំងវត្ថុតាង បញ្ជូនមកកាន់អធិការដ្ឋាននគរបាលក្រុងតាខ្មៅ ដើម្បីបន្តចាត់ការតាមនីតិវិធី ។</span></p>
<p><span style="color: #000000;">នៅចំពោះមុខនគរបាល ជនសង្ស័យបានសារភាពថា ខ្លួនពិតជាបានលាក់ទុកកាំភ្លើងខាងលើ នៅក្នុងលូក្បែរផ្ទះអស់រយៈពេលជាង១០ឆ្នាំមកហើយ ដោយរើសបាននៅក្នុងបន្ទាយចាស់ ពេលគេឈូសឆាយធ្វើបន្ទាយ ចាប់តាំងពីនោះមកខ្លួនមិនដែល យកទៅប្រើប្រាស់ឡើយ ទើបតែនៅថ្ងៃកើតហេតុខាងលើ ដោយសារខ្លួនផឹកស្រាស្រវឹងបានទៅយកកាំភ្លើង មកមើលរួចយកទៅទុកកន្លែងដើមវិញ ត្រូវសមត្ថកិច្ចឃាត់ខ្លួនតែម្តង ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/4/18/1-18-04-2017--09-38-05.png"><img src="/FileManager/Articles/mce/2017/4/18/1-18-04-2017--09-38-05.png" alt="" /></a></span></p>
<p><br /><a class="thickbox" title="" href="/FileManager/Commons/2017/4/18/2-18-04-2017--09-38-14.png"><img src="/FileManager/Articles/mce/2017/4/18/2-18-04-2017--09-38-14.png" alt="" /></a><span style="color: #000000;"><a class="thickbox" title="" href="/FileManager/Commons/2017/4/18/1-18-04-2017--09-38-05.png"></a><br /></span></p>
<p style="text-align: right;"><span style="color: #000000;">ប្រភព ៖ FB</span></p>