<p><span style="color: #000000;"><strong>(ភ្នំពេញ)៖</strong> កម្មករម្នាក់ពេលកំពុងបញ្ជាអេស្ការវ៉ាទ័រ (AX)កាយដី ស្រាប់តែបញ្ជាទៅកាយកូនត្នោត ដើម្បីយកមកហូបដោយ មានការធ្វេសប្រហែសបន្តិច ក៏ត្រូវបូមប្រម៉ោយAX រេមកកៀបផ្ទប់ជាប់ និងតួកាប៊ីនបណ្ដាលឲ្យបែកក្បាលស្លាប់ភ្លាមៗ យ៉ាងអាណោចអាធ័មតែម្ដង ។</span></p>
<p><span style="color: #000000;">ករណីខាងលើនេះ បានកើតឡើងនៅសៀលថ្ងែទី១៤ ខែកក្កដា ឆ្នាំ២០១៦ នៅចំណុចកណ្ដាល វាលស្រែក្បែរទួលលោកតាគោល ស្ថិតក្នុងភូមិកាន់ទ្រង់ សង្កាត់ពន្សាំង ខណ្ឌព្រែកព្នៅ។</span><br /><span style="color: #000000;">លោកវរសេនីយ៍ឯក ឈិន គឹមធុយ អធិការនគរបាល ខណ្ឌព្រែកព្នៅបញ្ជាក់ថា នៅមុនពេលកើតហេតុ ជនរងគ្រោះកំពុងបើកបញ្ជាAX កាយដី ក៏ស្រាប់តែបញ្ជាAX ទៅកាយកូនត្នោតដើម្បីយកគោមត្នោតមកហូប ខណៈពេលកាយបានមកហើយក៏បញ្ជាប្រម៉ោយAXឲ្យក្ដោបចូលក្បែរខ្លួនដែលកំពុងបញ្ជាAX នៅក្នុងកាប៊ីន ប៉ុន្តែជាអកុសល្យពេលអើតចេញលូកដៃមកយកដោយមានការធ្វេសប្រហែស ក៏បានទាក់និងប្រដាប់បញ្ជាAXស្រាប់តែ រេ ប្រម៉ោយAXមកភ្លាម កៀបជាប់ផ្ទប់ និងបូមប្រម៉ោយជាមួយនិងតួកាប៊ីន AXបណ្ដាលឲ្យបែកក្បាលស្លាប់ភ្លាមៗ យ៉ាងអាណោចអាធ័ម។</span></p>
<p><span style="color: #000000;">លោកវរសេនីយ៍ឯក ឈិន គឹមធុយ បានបញ្ជាក់បន្តថា យុវជនរងគ្រោះដែលត្រូវបានស្លាប់ បាត់បង់ជីវិតមានឈ្មោះបឿន វណ្ណះ អាយុ១៦ឆ្នាំ មានមុខរបរជាអ្នកបើកAXកាយដី ស្នាក់នៅផ្ទះគ្មានលេខ ស្ថិតក្នុងភូមិព្រៃស្វាយ សង្កាត់ពន្សាំង ខណ្ឌព្រែកព្នៅ។</span></p>
<p><span style="color: #000000;">លោកវរសេនីយ៍ឯក ឈិន គឹមធុយ បានបញ្ជាក់បន្ថែមថា ក្រោយកើតហេតុ កម្លាំងនគរបាលមូលដ្ឋានប៉ុស្ដិ៍ពន្សាំងបាន ចុះដល់ទីតាំងកើតហេតុ ដើម្បីធ្វើការត្រួតពិនិត្យនិងប្រគល់ សាសពជូនក្រុមគ្រួសារដើម្បី យកទៅធ្វើបុណ្យតាមប្រពៃណី នៅភូមិសង្កាត់កើតហេតុខាងលើ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-15-14-21-50-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-15-14-21-51-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-15-14-21-51-2.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>