<div class="article-content">
<p><strong>បាត់ដំបងៈ</strong> កម្លាំងនគរបាល ស្រុករុក្ខគីរី បានឃាត់ខ្លួនតា អាយុ៦០ឆ្នាំ កាលពីវេលារសៀល<br /> ថ្ងៃទី៣ ខែមិនា ឆ្នាំ២០១៣ នៅចំណុចភូមិប្រឡាយ ឃុំស្តុកប្រវឹក ស្រុករុក្ខគីរី តាមពាក្យបណ្តឹង<br /> របស់ម្តាយក្មេងរងគ្រោះ ដោយជាប់ចោទ ពីបទរំលោភ ក្មេងស្រី អាយុ៨ឆ្នាំ សម្រេច៦ដង <br />ដែលបាន ប្រព្រឹត្ត កាលពីព្រឹកថ្ងៃទី១ ខែមិនា ឆ្នាំ២០១៣ រួចកសាងសំណុំរឿង បញ្ជូន ខ្លួន<br />ជនសង្ស័យមកស្នងការ ខេត្តនៅរសៀលថ្ងៃទី៤ ខែមិនា រួចបញ្ជូន បន្តទៅតុលាការខេត្ត នៅ<br />ព្រឹកថ្ងៃទី៥ ខែមិនា ឆ្នាំ២០១៣ ដើម្បីចាត់ការតាមច្បាប់ ។</p>
<p>មន្រ្តីនគរបាល ស្រុករុក្ខគីរី បានឲ្យដឹងថា ជនសង្ស័យ ដែលសមត្ថកិច្ចឃាត់ខ្លួន មានឈ្មោះ <br />សាន់ ឡាញ់ ភេទប្រុស អាយុ ៦០ឆ្នាំ មុខរបរធ្វើស្រែ មានទីលំនៅភូមិប្រឡាយ ឃុំស្តុកប្រវឹក<br />ស្រុករុក្ខគីរី ។ ឯក្មេងរងគ្រោះមាន អាយុ៨ឆ្នាំ ជាកូនទី៧ ក្នុងគ្រួសារ ។</p>
<p>តាមសម្តីម្តាយ ជនរងគ្រោះ បានប្រាប់សមត្ថកិច្ចឲ្យដឹងថា នៅព្រឹកថ្ងៃទី១ ខែមិនា ឆ្នាំ២០១៣ <br />គាត់បានប្រើកូនឲ្យ ទៅ សុំបន្លែ យកមកស្លពីតា (ជនសង្ស័យ) នៅឯចម្ការ ដែលមានចម្ងាយ<br /> ពីផ្ទះខ្លួនជាង ១គីឡូម៉ែត្រ ពេលកូនត្រឡប់មកវិញ ម្តាយឃើញទឹកមុខកូនស្លេកស្លាំង និងយំ<br />ក៏បានសួរ ទៅកូនមានរឿង អីបានយំ កូនក៏បាន និយាយថា តាគាត់បានរំលោភនាង ហើយ<br />គម្រាម មិនឲ្យប្រាប់គេទេ ប្រយ័ត្នគាត់សម្លាប់ចោល ក្រោយមក កូនបាននិយាយ ប្រាប់ម្តាយ<br />ទៀតថា ដោយមិនចាំថ្ងៃ ខែ តាគាត់បានរំលោភនាងតាំងពីមុនមកបាន៦ដង មកហើយ ពេល<br />ដឹងរឿងហើយ ក៏បាន និយាយពិគ្រោះ ប្តីប្រពន្ធនិងបង ប្អូនជិតខាងរួចក៏សម្រេចចិត្តប្តឹងសមត្ថ-<br />កិច្ចតែម្តង ។ ក្រោយពីសមត្ថកិច្ចបានទទួល ពាក្យបណ្តឹងហើយ លោកអធិការបាន បញ្ជាឲ្យ<br />កម្លាំងចុះធ្វើការ ឃាត់ខ្លួនជនសង្ស័យ នាំយកមកសាកសួរ ។</p>
<p>ជនសង្ស័យ បានឆ្លើយសារភាពថា ខ្លួនពិតជាបានចាប់រំលោភនាង បានចំនួនដងមកហើយ <br />ខណៈពេលជនរងគ្រោះ បានទៅលេងក្នុងចម្ការរបស់គាត់ ។ លុះដល់ថ្ងៃទី៤ ខែមិនា ស្រាប់<br />តែឃើញមានសមត្ថកិច្ចមកឃាត់ខ្លួន នាំយកមកអធិការ និងបញ្ជូនបន្តមកស្នងការខេត្តតែម្តង។</p>
<p>បច្ចុប្បន្នការិយាល័យ ប្រឆាំងការជួញដូរមនុស្ស និងការពារអនីតិជនខេត្ត បានសហការជាមួយ<br /> អង្គការបន្ទាយស្រី ដើម្បី យកក្មេងរងគ្រោះទៅ ធ្វើកោសល្យវិច័យ នៅមន្ទីរពេទ្យខេត្ត និងបាន<br />កសាងសំណុំរឿងបញ្ជូន ខ្លួនជនសង្ស័យ ទៅតុលាការ ខេត្តនៅព្រឹកថ្ងៃទី៥ ខែមិនានេះ ដើម្បី<br />ចាត់ការ បន្តតាមច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0041.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0042.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>