<p><span style="color: #000000;"><strong>(ភ្នំពេញ)៖</strong> កងទ័ពជើងទឹកសហរដ្ឋអាមេរិក Millinoked underway ចូលនឹងមកដល់កម្ពុជា នៅថ្ងៃទី៣០ ខែតុលា ខាងមុខនេះ ដើម្បីធ្វើសមយុទ្ធបាញ់គ្រាប់ពិតរួមគ្នាជាមួយមូលដ្ឋានសមុទ្រ កងទ័ពជើងទឹកនៃកងយោធពលខេមរភូមិន្ទកម្ពុជា រយៈពេល២ថ្ងៃ នៅខេត្តព្រះសីហនុ ក្នុងសប្តាហ៍ក្រោយនេះ។ នេះបើតាមការផ្សព្វផ្សាយរបស់ ការិយាល័យឃោសនា-ព័ត៌មាន កងទ័ពជើងទឹកមូលដ្ឋានសមុទ្រ នៅព្រឹកមិញនេះ។</span></p>
<p><span style="color: #000000;">នាវាកងទ័ពជើងទឹកសហរដ្ឋអាមេរិក Millinoked underway នឹងចូលសំចតនៅកំពង់ផែស្វយ័តក្រុងព្រះសីហនុ ដើម្បីធ្វើទស្សនកិច្ចនៅកម្ពុជា ចាប់ពីថ្ងៃទី៣០ ខែតុលា ដល់ថ្ងៃទី០៨ ខែវិច្ឆិកា ឆ្នាំ២០១៦។ អំឡុងទស្សនកិច្ចនេះ</span></p>
<p><span style="color: #000000;">មូលដ្ឋានសមុទ្រកងទ័ពជើងទឹកនៃកងយោធពលខេមរភូមិន្ទ និងនាវិកនៃនាវា Millinoked underway កងទ័ពជើងទឹកសហរដ្ឋអាមេរិក នឹងសហការធ្វើលំហាត់ហ្វឹកហ្វឺនរួមគ្នា លើវិញ្ញាសារមួយចំនួនក្នុងតំបន់ សមុទ្រខេត្តព្រះសីហនុ ក្នុងនោះមានលំហាត់បាញ់គ្រាប់ពិតនៅតំបន់ខាងកើត និងខាងត្បូងកោះតាង នៅថ្ងៃទី០២ នឹងទី០៣ ខែវិច្ឆិកា ឆ្នាំ២០១៦។</span></p>
<p><span style="color: #000000;">មូលដ្ឋានសមុទ្រកងទ័ពជើងទឹកនៃកងយោធពលខេមរភូមិន្ទ ក៏បានអំពាវនាវឱ្យប្រជាពលរដ្ឋនៅខេត្តព្រះសីហនុ កុំមានការភ័យខ្លាច ឬភ្ញាក់ផ្អើលនឹងព្រឹត្តិការណ៍នេះ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F627010987470696%2F&show_text=0&width=730" frameborder="0" width="500" height="450"></iframe></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-25-10-20-20-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>