<p><span style="color: #000000;"><strong>(អាមេរិក)៖</strong>កាលពីថ្ងៃទី១៨ ធ្នូ ២០១៦ កន្លងទៅនេះ Brad Pitt អតីតស្វាមីតារាហូលីវូតដ៏ល្បី Angelina Jolie បានប្រារព្ធថ្ងៃកំណើតក្នុងវ័យ៥៣ឆ្នាំជាមួយនឹងមិត្តភក្តិចាស់ៗយ៉ាងស្ងាត់ស្ងៀមដោយមិនមានកូនៗណាម្នាក់មកចូលរួមជាមួយឡើយដែលតាមពិតទៅ លោកមិនចង់ឲ្យនរណាម្នាក់មើលមកថាលោករវល់នឹងរឿងឥតប្រយោជន៍បែបនេះទេ។</span></p>
<p><span style="color: #000000;">Brad Pitt ត្រូវបានមិត្តភក្តិជិតស្និទ្ធរៀបចំធ្វើពិធីខួបកំណើតឲ្យយ៉ាងស្ងាត់តែពិតជាគួរឲ្យស្តាយដែលគាត់មិនបានឃើញកូនៗ ដូចដែលចង់បានទេ។ កាលពីមុនលេចឮដំណឹងថា Angelina ព្រមតាមសំណើកូនស្រី Shiloh Joie Pitt អាយុ១០ឆ្នាំ ដែលចង់ឲ្យឪពុកម្តាយចំណាយពេលទទួលទានអាហាររួមគ្នានៅថ្ងៃណាមួយតែក្តីរំពឹងនេះបានត្រឹមតែស្រមៃប៉ុណ្ណោះ ហើយមិនដឹងថានៅថ្ងៃបុណ្យគ្រីស្តម៉ាសខាងមុខនេះ Brad Pitt នឹងបានឃើញមុខកូនៗដែរឬអត់ទេ។</span></p>
<p><span style="color: #000000;">តារាប្រុសរូបនេះ និយាយថា លោកគ្រាន់តែចង់ធ្វើការដើម្បីខ្លួនឯងនិងចង់សាងទំនាក់ទំនង ជាមួយកូនៗឡើងវិញក្រោយពីមិនបានឃើញមុខគ្នាអស់រយៈពេលច្រើនខែមកហើយប៉ុន្តែមិត្តរបស់គាត់ម្នាក់បានប្រាប់កាសែត Us Weekly ថា Brad ហាក់មិន សង្ឃឹមថាអតីតភរិយាអនុញ្ញាតឲ្យជួបកូនៗដើម្បីចំណាយពេលរួមគ្នាដូចមុនទេអ្វីៗគ្រាន់តែស្ថិតក្នុងក្តីរង់ចាំប៉ុណ្ណោះ ខណៈរឿងរ៉ាវលែងលះរវាងពួកគេនៅមិនទាន់បញ្ចប់នៅឡើយ។</span></p>
<p><span style="color: #000000;">ប្រភពមួយទម្លាយថា នៅថ្ងៃកំណើតរបស់ Brad Pitt នោះគេបានឃើញ Angelina បណ្តើរកូនស្រី Shiloh ដើរផ្សារទិញឥវ៉ាន់ហាក់ដូចជាមិនខ្វល់ភ្នែកមហាជនឡើយដែលអ្នកខ្លះគិតថា តារាស្រីរូបនេះប្រហែលជាចង់នាំកូនគេចមុខមិនឲ្យជួបឪពុក។</span><br /><span style="color: #000000;"><img src="https://pmchollywoodlife.files.wordpress.com/2016/12/brad-pitt-birthday-old-friends-lead.jpg?w=600" alt="Brad Pitt Secret Birthday Celebration" width="664" height="924" /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>