<div class="article-content">
<p><strong>ភ្នំពេញៈ</strong> បើតាមសមត្ថកិច្ចបានអះអាងថា មានឧត្តមសេនីយ៍មួយរូប រួមនិងកូនប្រុសវ័យជាង <br />២០ឆ្នាំម្នាក់ ត្រូវបានរងរបួសធ្ងន់ ខណៈដែលពួកគេ បើករថយន្តគេចពីក្រុមក្មេង ដែលដេញគប់<br />មកលើរថយន្ត ហើយជ្រុលចង្កូតទៅបុកចូល ក្នុងអាហារដ្ឋានយីហោ ញ៉ាំលេង មួយកន្លែងស្ថិត<br />នៅខាងក្រោយ កន្លែងហាត់ប្រាណភ្នំពេញស្ពតក្លឹប នៅតាមបណ្តោយផ្លូវលេខ៤៣០ កែងផ្លូវ<br />លេខ១៦៧ ក្នុងសង្កាត់ទួលទំពូងទី២ ខណ្ឌចំការមន កាលពីរសៀលថ្ងៃទី២៣ ខែមិថុនា ឆ្នាំ<br />២០១៣ ។</p>
<p>តាមសេចក្តីរាយការណ៍ពី សមត្ថកិច្ច នៅកន្លែងកើត ហេតុបានបន្តថា លោកឧត្តម សេនីយ៍ដែល<br />រងរបួសខាងលើនេះ មិនទាន់ស្គាល់អត្តសញ្ញាណទេ ប៉ុន្តែកូនប្រុស ឈ្មោះ ទិត្យ គិរីសេរីរតនា <br />អាយុ ២១ឆ្នាំ អ្នកទាំងពីរស្នាក់នៅ ភូមិសន្សំកុសលទី២ សង្កាត់បឹងទំពុន ខណ្ឌមានជ័យ ។</p>
<p>សាក្សីនៅកន្លែងកើតហេតុ បានឲ្យដឹងថែមទៀតថា មុនពេលកើតហេតុជនរងគ្រោះ បានបើក<br />រថយន្តមួយគ្រឿងម៉ាកហុងដា ពណ៌ទឹកប៊ិច ពាក់ស្លាកលេខ ភ្នំពេញ 2E-2373 បានធ្វើដំណើរ<br />តាម បណ្តោយផ្លូវលេខ ២៧១ ក្នុងទិសដៅពីជើងទៅត្បូង បានប៉ះទង្គិចគ្នាជាមួយ ម៉ូតូក្មេងស្ទាវ<br />ម្នាក់ បណ្តាលឲ្យដួល ខណៈនោះរថយន្តព្យាយា មបើករត់គេចខ្លួន ប៉ុន្តែត្រូវភាគីខាងជនរងគ្រោះ<br /> បើកម៉ូតូដេញតាម និងបានរើសដុំថ្ម គប់ទៅលើរថយន្តបង្ក បណ្តាលឲ្យកញ្ចក់ ផ្នែកខាងក្រោយ <br />ជាហេតុឲ្យបើករថយន្ត បង្កើនល្បឿន បន្តដំណើរលឿនបត់ចុះផ្លូវលេខ ១៦៧ ពីលិចទៅកើត <br />ដល់ចំណុចកែងផ្លូវលេខ ៤៣០ រថយន្តបានបត់ទៅខាងស្តាំដៃ ក៏ស្រាប់តែជ្រុលចង្កូត ទៅបុក<br />បង្គោលស្លាកយីហោអាហារដ្ឋាន ញ៉ាំ លេង រួចបន្តទៅបុករបង អាហារដ្ឋាននេះថែមទៀត បណ្តាល<br />ឲ្យលោកឧត្តមសេនីយ៍ និងកូនប្រុសម្នាក់ ដែលរួមដំណើរក្នុងរថយន្ត ត្រូវក្បាលបោកផ្ទប់នឹង កញ្ចក់<br />រថយន្តផ្នែកខាងមុខ ស្អិតមុខជាប់នឹងកញ្ចក់ ត្រូវរងរបួសធ្ងន់ធ្ងរ ទាំងឪពុក និងកូន ។ ចំណែកក្រុម<br />ភាគីម៉ូតូ ឃើញស្ថានភាពបែបនេះ ពួកគេបាននាំគ្នា ជិះម៉ូតូគេចខ្លួនបាត់ ស្រមោសភ្លាមៗតែម្តង ។</p>
<p>ក្នុងហេតុការណ៍គ្រោះថ្នាក់ ដ៏រន្ធត់ខាងលើនេះ សមត្ថកិច្ចបានបញ្ជាក់ថា ខាងក្រុម គ្រួសាររបស់រថ<br />យន្តបង្ក បានមកដឹកអ្នករបួស ទៅព្យាបាលនៅមន្ទីរពេទ្យភ្លាមៗផងដែរ ។ ចំពោះការខូចខាតរបង<br /> និងស្លាកយីហោ រួមជាមួយរថយន្ត របស់បង្កនោះ សាច់ញាតិលោកឧត្តមសេនីយ៍ បានធានាចេញ<br />ថ្លៃសងការខូចខាត ជូនម្ចាស់អាហារដ្ឋានទាំងអស់ និងបានស្ទូចយករថយន្ត ទៅជួសជុលដោយខ្លួន<br />ឯង ។</p>
<p>មជ្ឈដ្ឋានប្រជាពលរដ្ឋ បានរិះគន់ថា នេះជាគ្រោះ ថ្នាក់ បង្កឡើងដោយសារ ការមិនទទួលខុសត្រូវ <br />នូវទង្វើរបស់ខ្លួនបានបង្កហើយព្យាយាមគេចវេះ រហូតបង្កឲ្យមានគ្រោះថ្នាក់បែបនេះ។ នេះសំណាង<br />ហើយ ដែលមិមបង្កឲ្យគ្រោះថ្នាក់ ដល់អាយុជីវិតមនុស្ស ដូចករណីនិស្សិតពេទ្យ បើករថយន្តប៉ះគ្នា<br />បន្តិចបន្តួច មិនឈប់ដោះស្រាយគ្នា តែបែរជាព្យាយាមបើកគេចចេញពីករណីនោះ ជាហេតុបណ្តាល<br />ឲ្យកើតរឿងធំ គឺនិស្សិត្យពេទ្យរូបនោះ បានបើករត់ ហើយបុករះ អ្នកដំណើរបណ្តាលឲ្យជីវិត មនុស្ស <br />២-៣នាក់ស្លាប់ ទើបកើតវិបដិសារីយ៍តាម ក្រោយ ។</p>
<p>មជ្ឈដ្ឋានប្រជាពលរដ្ឋ ក៏បានធ្វើការរិះគន់ ដល់ក្រុមក្មេងៗ ដែលរងគ្រោះ ត្រូវរថយន្តប៉ះពារបន្តិច<br />បន្តួច មិននាំគ្នាដោះស្រាយ ដោយសន្តិវិធីនោះទេ តែបែរជាប្រើកំហឹង ក្នុងការដោះស្រាយបញ្ហា<br />ទៅវិញ ។ ចុះបើកចៃដន្យ ភាគីខាងរថយន្តបង្ក ប្រើហឹង្សាតបត តើរឿងនេះ នឹងរងគ្រោះបែបណា ?</p>
<p style="text-align: center;"><img src="http://image.dap-news.com:81/dap-news/dap-images/2013/June/id-030/Kosal-0325.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-030/Kosal-0326.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-030/Kosal-0327.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-030/Kosal-0328.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>