<p><span style="color: #000000;">ព័ត៌មានអន្តរជាតិ ៖ មន្រ្តីប៉ូលីស កំពុងតែបើកការស៊ើបអង្កេតឯករាជ្យ ទៅ លើសេចក្តីរាយការណ៍ ដែលបានគូសបញ្ជាក់ឲ្យដឹងថា ភ្លើងឡាស៊ែរ បានបញ្ជាំងវាយប្រហារទៅលើ យន្តហោះមួយគ្រឿង របស់ចក្រភពអង់គ្លេស ដែលជាហេតុនាំអោយយន្តហោះមួយគ្រឿងនោះ ត្រូវបង្ខំ ចិត្តហោះត្រលប់ ក្រោយទៅកាន់អាកាសយានដ្ឋានអន្តរជាតិ Heathrow នាយប់ថ្ងៃអាទិត្យយប់មិញនេះ។</span></p>
<p><span style="color: #000000;"><a class="thickbox" title="" href="/FileManager/Commons/2016/2/15/11-15-02-2016--09-24-29.jpg"><img src="/FileManager/Articles/mce/2016/2/15/11-15-02-2016--09-24-29.jpg" alt="" /></a><br /></span></p>
<p><span style="color: #000000;">របាយការណ៍ បញ្ជាក់ឲ្យដឹងថា យន្តហោះក្រុមហ៊ុនអាកាសចរណ៍ The Virgin Atlantic ដែលបាន ហោះចាកចេញពីទីក្រុង ឡុងដ៍ ឆ្ពោះទៅកាន់ទីក្រុង New York ម៉ោង ៨ យប់ ថ្ងៃអាទិត្យនោះ ត្រូវ បង្ខំចិត្តហោះត្រលប់ក្រោយភ្លាមៗ ក្រោយរងនូវការវាយប្រហារ ដោយ ចំណាំង ផ្លាត ភ្លើងឡាស៊ែរ ខាងលើ។ មន្រ្តីប៉ូលីស បំភ្លឺឲ្យដឹងថា ពួកគេកំពុងតែធ្វើការសិក្សា និងស្រាវជ្រាវ ថាតើភ្លើងឡាស៊ែរ មួយនោះ បញ្ជាំងចេញពីទីនោះអោយប្រាកដ ខណៈពុំទាន់មាននរណាម្នាក់ ត្រូវចាប់ឃាត់ខ្លួន នៅ ឡើយទេពាក់ព័ន្ធនឹងឧបទ្ទេវហេតុលើកនេះ។</span></p>
<p><span style="color: #000000;"><a class="thickbox" title="" href="/FileManager/Commons/2016/2/15/11a-15-02-2016--09-24-36.jpg"><img src="/FileManager/Articles/mce/2016/2/15/11a-15-02-2016--09-24-36.jpg" alt="" /></a><br /></span></p>
<p><span style="color: #000000;">ប្រភពបន្តអោយដឹងថា តួរលេខនៃគ្រោះថ្នាក់ ប្រភេទនេះ បានកើតឡើងយ៉ាងគំហុកនៅទឹកដីចក្រ ភពអង់គ្លេស ក្នុងរយៈពេល ៤ ឆ្នាំចុងក្រោយនេះ ពោល អំឡុង ឆ្នាំ ២០០៥ មាន ការវាយប្រហារ ដោយភ្លើងឡាស៊ែរ ទៅកាន់យន្តហោះត្រឹមតែ ២០ករណីតែ ប៉ុណ្ណោះ ដោយឡែក រយៈពេល ៤ ឆ្នាំ ចុងក្រោយចាប់ពីឆ្នាំ ២០១០ មក ករណីវាយប្រហារ ដោយភ្លើងឡាស៊ែរ ទៅ កាន់ យន្តហោះ កើន ឡើងដល់ទៅ ១៣០០ ករណី ក្នុងមួយឆ្នាំៗ។</span></p>
<p><span style="color: #000000;">គួររំឮកថា កាលពីឆ្នាំទៅ ករណីវាយប្រហារភ្លើងឡាស៊ែរទៅ កាន់ យន្តហោះ គឺជា ការវាយប្រហារ អាក្រក់បំផុតនៅចក្រភពអង់គ្លេស តួយ៉ាង ពីលុតបើកយន្តហោះក្រុមហ៊ុន អាកាសចរណ៍អង់គ្លេស British Airways រងគ្រោះភ្នែកជាខ្លាំង នៅពេលដែលភ្លើងឡាស៊ែរ យោធា ចាំង ចូលទៅបន្ទប់អ្នក បើកបរយន្តហោះ អំឡុងពេលដែលយន្តហោះចុះចតនៅអាកាស យានដ្ឋាន អន្តរជាតិ Heathrow ៕</span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ theguardian</span></p>