<p><span style="color: #000000;"><strong>(ភ្នំពេញ)៖</strong> នៅវេលាម៉ោង៧យប់ថ្ងៃទី៧ ខែមិថុនា ឆ្នាំ២០១៦នេះ នឹងមានព្រឹត្តិការណ៍ប្រកួតបាល់ទាត់ វគ្គជម្រុះពានរង្វាន់ប្រចាំទ្វីបអាសីុ AFC Asian Cup 2019 ជើងទី២ រវាងក្រុមជម្រើសជាតិកម្ពុជា ប៉ះក្រុមជម្រើសជាតិចិនតៃបិុ (China Taipei) នៅពហុកីឡដ្ឋានជាតិអូឡាំពិកកម្ពុជា ដែលគេរំពឹងថា នឹងមានអ្នកចូលរួមទស្សនាផ្ទាល់យ៉ាងច្រើនកុះករ។</span></p>
<p><span style="color: #000000;">ជាមួយចំនួនមនុស្សរាប់មឺុននាក់ ដែលនឹងចូលរួមទស្សនាការប្រកួតបាល់ទាត់នាព្រលប់ថ្ងៃនេះ ខាងក្រសួងធនធានទឹក និងឧតុនិយម បានព្យាករណ៍ថា នៅរសៀលថ្ងៃនេះ ភាគរយនៃការធ្លាក់ភ្លៀង នឹងកើតឡើងខ្ពស់ ដូច្នេះក្រសួងធនធានទឹក សូមជូនដំណឹងទុកជាមុន ដើម្បីឲ្យអ្នកចូលរួមទស្សនា អាចត្រៀមអាវភ្លៀង ចៀសវាងការផ្អើកឈូរឆរ អាចនាំឲ្យមានគ្រោះថ្នាក់ ពីព្រោះតែចំនួនមនុស្ស ច្រើនពេក ហើយអាចនាំគ្នារត់នៅពេលមេឃធ្លាក់ភ្លៀង។</span></p>
<p><span style="color: #000000;">លោក ចាន់ យុត្ថា អ្នកនាំពាក្យក្រសួងធនធានទឹក និងឧតុនិយម បានបញ្ជាក់ថា «បញ្ហាសំខាន់គឺទាញអារម្មណ៍ឲ្យបានដឹងមុន ព្រោះមនុស្សពេញស្តាត បើផ្អើលនឹងភ្លៀងធ្លាក់ដំបូងហើយរត់ឈូរឆរ យើងមិនដឹងថា មានអ្វីខ្លះត្រូវកើតឡើងទេ ម្យ៉ាងវិញទៀត សម្រាប់រាជធានីភ្នំពេញ នឹងមានភាគរយនៃការភ្លៀងខ្ពស់ នៅរសៀលនេះ»។</span></p>
<p><span style="color: #000000;">លោក ចាន់ យុត្ថា បានថ្លែងថា បើគ្មានភ្លៀង គឺជាធម្មតា តែតាមការព្យាករណ៍នោះបង្ហាញថា នឹងមានភ្លៀងធ្លាក់ ចឹងគួរអ្នកចូលរួមទស្សនាកុំភ្ញាក់ផ្អើល នាំគ្នារត់ដែលអាចបង្កគ្រោះថ្នាក់ពីព្រោះ មនុស្សច្រើនណាស់ ដែលនឹងចូលរួមទស្សនានោះ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/7/10c-07-06-2016--14-18-00.jpg"><img src="/FileManager/Articles/mce/2016/6/7/10c-07-06-2016--14-18-00.jpg" alt="" /></a><br /></span></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>