<p><span style="color: #000000;">បើសិនជាប្រិយមិត្តនៅមិនទាន់ជឿជាក់ថា Nokia នឹងត្រឡប់មកកាន់ទីផ្សារស្មាតហ្វូនវិញ នៅឆ្នាំក្រោយនោះ ការបញ្ចាក់ជាផ្លូវការមួយនេះរបស់ក្រុមហ៊ុន អាចនឹងជួយឲ្យអ្នក លែងមានការសង្ស័យអ្វីទៀតហើយ។</span></p>
<p><span style="color: #000000;">យោងតាមប្រភពព័ត៌មានពីគេហទំព័របច្ចេកវិទ្យា Phonearena បានឲ្យដឹងថា នៅក្នុងព្រឹត្តិការណ៍ជួបជុំជាមួយនឹងបណ្តាអ្នកវិយោគ កាលពីថ្ងៃទី១៥ ខែវិច្ឆិកា កន្លងទៅនេះ Nokia បានបញ្ជាក់ជាផ្លូវការថាក្រុមហ៊ុន នឹងត្រឡប់មកចូលរួម ក្នុងទីផ្សារស្មាតហ្វូនវិញ នៅឆ្នាំ ២០១៧ ខាងមុខឆាប់ៗនេះ។</span></p>
<p><span style="color: #000000;"><a class="thickbox" title="" href="/FileManager/Commons/2016/11/19/1595195-19-11-2016--12-58-51.jpg"><img src="/FileManager/Articles/mce/2016/11/19/1595195-19-11-2016--12-58-51.jpg" alt="" /></a><br /></span></p>
<p><span style="color: #000000;">ប៉ុន្តែជាក់ស្តែង Nokia លែងធ្វើការផលិតស្មាតហ្វូនដោយខ្លួនឯងទៀតហើយ ដោយសារមិនមានមូលដ្ឋានផលិតទៀត។ បណ្តាស្មាតហ្វូនរបស់ក្រុមហ៊ុននេះ នឹងត្រូវបានផលិតក្រោមការសហការគ្នារវាងក្រុមហ៊ុន HMD Global របស់ហ្វាំងឡង់ និងសាជីវកម្ម Foxconn របស់តៃវ៉ាន់។</span></p>
<p><a class="thickbox" title="" href="/FileManager/Commons/2016/11/19/1595192-19-11-2016--12-59-18.jpg"><img src="/FileManager/Articles/mce/2016/11/19/1595192-19-11-2016--12-59-18.jpg" alt="" /></a></p>
<p><span style="color: #000000;">ក្រោមការដឹកនាំពីបណ្តាថ្នាក់ដឹកនាំ Nokia ក្រុមហ៊ុន HDM Global នឹងធ្វើការអភិវឌ្ឍ ផ្សាយពាណិជ្ជកម្ម និងលក់បណ្តាស្មាតហ្វូន ក៏ដូចជាឧបករណ៍គ្រឿងផ្សំដែលមានស្លាកយីហោ Nokia។ ក្នុងនោះ Foxconn នឹងចូលរួមក្នុងការងារស្រាវជ្រាវ អភិវឌ្ឍ និងផលិត។ ទន្ទឹមនឹងនោះ ក្រុមហ៊ុនផ្សាយពាណិជ្ជកម្មល្បីឈ្មោះមួយ បានចុះហត្ថលេខាផ្សាយពាណិជ្ជកម្មឲ្យ បណ្តាស្មាតហ្វូនអនាគតរបស់ Nokia។ ជាពិសេស កញ្ចប់ថវិការផ្សាយពាណិជ្ចកម្ម ដល់ការវិលត្រឡប់មកវិញរបស់ Nokia ក្នុងវិស័យស្មាតហ្វូននេះ មានចំនួនមិនតិចឡើយ ដោយមានចំនួនអប្បបរមា ៥០០លាន អឺរ៉ូ ក្នុងរយះពេល ៣ឆ្នាំ។ </span></p>
<p><span style="color: #000000;">ស្មាតហ្វូនមួយមុនដំបូងគេ ក្នុងចំណោមស្មាតហ្វូនមួយចំនួនទៀត ដែលមានស្លាកយីហោ Nokia ក្នុងឆ្នាំ២០១៧ អាចនឹងជា D1C ប្រើប្រព័ន្ធប្រតិបត្តិការ Android 7 Nougat និងមានលក្ខណៈសម្បត្តិមធ្យម ដូជជាមានអេក្រង់ Full-HD បន្ទះឈីប Snapdragon 430 និង RAM 3GB។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/11/19/1595198jpg-19-11-2016--12-59-42.png"><img src="/FileManager/Articles/mce/2016/11/19/1595198jpg-19-11-2016--12-59-42.png" alt="" /></a></span></p>
<p style="text-align: center;"><em>រូបភាពចចាមអារ៉ាម របស់ Nokia D1C </em><span style="color: #000000;"><em><a class="thickbox" title="" href="/FileManager/Commons/2016/11/19/1595198jpg-19-11-2016--12-59-42.png"></a></em><br /></span></p>
<p><span style="color: #000000;">Nokia នឹងប្រារព្ធធ្វើព្រឹត្តិការណ៍ នៅក្នុងការតាំងពិព័រណ៍ឧបករណ៍ចល័ត MWC 2017 (ដែលនឹងធ្វើឡើងនៅទីក្រុងបាសេឡូណា ប្រទេសអាឡឺម៉ង់ចាប់ពីថ្ងៃទី ២៧ ខែកុម្ភៈ ដល់ថ្ងៃទី០២ ខែមីនា ឆ្នាំ ២០១៧) ហើយលទ្ធភាពច្រើនក្រុមហ៊ុននឹងធ្វើការណែនាំ ព័ត៌មានលំអិតស្តីពីបណ្តាស្មាតហ្វូនជំនាន់ថ្មីៗរបស់ខ្លួន នៅពេលនោះ៕</span></p>
<p><span style="color: #000000;"><a href="http://www.camnews.com.kh/News/Detail/18386/tablet-uses-windows-10-and-android-price-only-usd-150"><em><span style="color: #0000ff;">- Tablet ប្រើប្រព័ន្ធប្រតិបត្តិការ Windows 10 ផងនិង Android ផង សមត្ថភាពល្អគួរសម តម្លៃតែ ១៥០ ដុល្លារ</span></em></a><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ PhoneArena, vreview</em></p>