<div>
<p><span style="color: #000000;"><strong>(ភ្នំពេញ)៖</strong> កីឡាករ Narubadin Weerawatnodom ដែលខ្សែការពារស្លាបស្ដាំដ៏រឹងមាំរបស់ក្លឹបជើងឯកលីកកំពូលថៃ Buriram United បានរងរបួសបាក់ឆ្អឹងកដៃ និងត្រូវធ្វើការវះកាត់ព្យាបាលថ្ងៃនេះ បន្ទាប់ពីរូបគេបានប៉ះទង្គិចក្នុងការ ប្រកួតជាមួយក្រុម Cambodia All Star របស់កម្ពុជា កាលពីចុងសប្ដាហ៍មុន ។</span></p>
<p><span style="color: #000000;">យោងតាមប្រព័ន្ធទំនាក់ទំនងសង្គមរបស់ក្លឹប Buriram United បានឲ្យដឹងថា Narubadin Weerawatnodom ត្រូវបានបញ្ជូនតាមយន្ដហោះ ឆ្ពោះទៅថៃ ដើម្បីព្យាបាលភ្លាមៗ បន្ទាប់ពីគេរបួសបាក់ឆ្អឹងកដៃ អំឡុងពេលជួយក្រុមប្រកួតជាមួយក្រុមបាល់ទាត់តំណាងប្រទេសកម្ពុជាខាងលើ ប៉ុន្ដែដោយរបួសធ្ងន់ធ្ងរ គ្រូពេទ្យបានសម្រេចចិត្តធ្វើការវះកាត់គេថ្ងៃនេះ ។</span></p>
<p><span style="color: #000000;">ប្រភពព័ត៌មានខាងលើបានបន្ដថា បើពិនិត្យមើលរបួសជាក់ស្ដែង ខ្សែការពារវ័យ២១ឆ្នាំរូបនេះ នឹងត្រូវអវត្តមានពីក្លឹប មិនក្រោម២ខែឡើយ ដើម្បីសម្រាក ព្យាបាលឲ្យជាសះស្បើយ មុននឹងបន្ដចូលរួមជាមួយមិត្តរួមក្រុមដូចធម្មតាវិញ ។</span></p>
<p><span style="color: #000000;">គួរបញ្ជាក់ថា សម្រាប់ជំនួបមិត្តភាពខាងលើនេះ គឺក្រុម Cambodia All Star បានយកឈ្នះក្រុម Buriram United ដោយលទ្ធផល ៦-៥ ជាមួយ នឹងការទាត់ បាល់ប៉េណាល់ទីកាត់សេចក្ដី បន្ទាប់ពីក្រុមទាំងពីរបញ្ចប់ការប្រកួតពេញម៉ោងធម្មតាស្មើគ្នា ២-២ ។ ប៉ុន្ដែនេះគ្រាន់តែជាការប្រកួតមិត្តភាព លក្ខណៈសប្បុរសធម៌ រកប្រាក់ជួយមន្ទីរពេទ្យគន្ធបុប្ឋា និងអបអរសាទរខួបលើកទី៦៥ នៃទំនាក់ទំនងការទូតកម្ពុជា-ថៃប៉ុណ្ណោះ ៕</span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlt1/v/t1.0-9/12508987_1039329449453146_7306950880904184401_n.jpg?oh=54ffd32f816ae575837727f4b4e54158&oe=573CA2D5&__gda__=1464341233_89bb197e7d98a4e9a3c8d97748b8cd6e" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xlf1/v/t1.0-9/12540883_1039329456119812_903953668488971571_n.jpg?oh=577bfc599d47c19de0c3427bfd50c3ed&oe=57306C77&__gda__=1463442696_dd499589a7c708b39fd3b0627d310ca8" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xtf1/v/t1.0-9/12552986_1039329452786479_2375064036536043324_n.jpg?oh=a5c704e1c0d4a523f00adaa68e772868&oe=56FFFE4A&__gda__=1463314146_c417760500d86f9e30daf91b47ccdd80" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>