<p><span style="color: #000000;"><strong>ភ្នំពេញ</strong><strong>៖</strong> ភោជនីយដ្ឋាន និងខារ៉ាអូខេ បុប្ឆាជាយដែន និងហាងមួយចំនួនទៀត នៅរាជធានីភ្នំពេញ នាយប់ថ្ងៃសុក្រនេះ បានត្រូវបានគេប្រទះឃើញ បន្តបើកអាជីវកម្ម របស់ខ្លួន ដោយឱ្យភ្ញៀវ ចូលផឹកស៊ី រាំកម្សាន្តសប្បាយ ដូចធម្មតា នៅក្នុងថ្ងៃកាន់ទុក្ខ សម្តេចជាស៊ីម ប្រធានព្រឹទ្ធសភា និងប្រធានគណបក្សប្រជាជនកម្ពុជា បើទោះបីជា ក្រសួងបាន ចេញបម្រាម ឱ្យក្លឹបរាត្រី ខារ៉ាអូខេ មណ្ឌលកម្សាន្តនានា នៅទូទាំងប្រទេស ផ្អាកអាជីវកម្ម យ៉ាងណាក្តី។</span></p>
<p><span style="color: #000000;">សូមជម្រាបថា កាលពីថ្ងៃទី១២ ខែមិថុនា ឆ្នាំ២០១៥ កន្លងទៅ ក្រសួងទេសចរណ៍ ក្នុងនាម រាជរដ្ឋាភិបាល បានប្រកាសឱ្យមណ្ឌលកម្សាន្ត ខារ៉ាអូខេ ក្លឹប និងរង្គសាលនានា ទូទាំង ប្រទេសផ្អាក ធ្វើអាជីវកម្ម របស់ខ្លួន រយៈពេលមួយថ្ងៃ នៅថ្ងៃទី១៩ ខែមិថុនា ឆ្នាំ២០១៥នេះ ដើម្បីកាន់មរណទុក្ខ សម្តេចជា ស៊ីម ប្រធានព្រឹទ្ធសភា និងប្រធានគណបក្សប្រជាជនកម្ពុជា ដែលជាវីរៈបុរសរបស់រដ្ឋ។</span></p>
<p><span style="color: #000000;">យ៉ាងណាក៏ដោយ មកទល់នឹងយប់ថ្ងៃទី១៩នេះ ក្រៅពីភោជនីយដ្ឋាន និងរង្គសាល បុប្ឆាជាយដែន ក៏នៅមានក្លឹបកម្សាន្ត ខារ៉ាអូខេមួយចំនួនទៀត ក៏ត្រូវបានគេឃើញ បើក អាជីវកម្មធម្មតា មិនអនុវត្តតាមប្រកាសរបស់ក្រសួងទេ ប៉ុន្តែក៏មាន ក្លឹបកម្សាន្ត រង្គសាល ខារ៉ាអូខេមួយចំនួនផ្សេងទៀតដែរ ដែលបានអនុវត្តយ៉ាងខ្ជាប់ខ្ជួន ដោយមិនបើកអាជីវកម្ម របស់ខ្លួននោះទេ ព្រោះគេយល់ឃើញថា ថ្ងៃនេះជាថ្ងៃកាន់ទុក្ខមេដឹកនាំ ដ៏ឆ្នើមមួយរូប៕</span></p>
<p><span style="color: #000000;"><a class="thickbox" title="" href="/FileManager/Commons/2015/6/20/6-20-2015-9-11-26-am-20-06-2015--09-16-40.png"><span style="color: #000000;"><img src="/FileManager/Articles/mce/2015/6/20/6-20-2015-9-11-26-am-20-06-2015--09-16-40.png" alt="" /></span></a></span></p>
<p style="text-align: right;">ផ្ដល់សិទ្ធដោយ៖ ដើមអម្ពិល</p>