<p><span style="color: #000000;"><strong>កំពត៖</strong> លោក ឃឹម សាម៉ន សមាជិកគណៈកម្មាធិការកណ្តាល គណបក្សប្រជាជនកម្ពុជា និងជាទីប្រឹក្សាសម្តេច តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលមរណភាពកាលពីយប់មិញ ដោយរោគា ពាធក្នុងជន្មាយុ ៧៧ឆ្នាំ។</span></p>
<p><span style="color: #000000;">អភិបាលខេត្តកំពត លោក ខូយ ឃុនហួ បានប្រាប់មជ្ឈមណ្ឌលព័ត៌មានដើមអម្ពិលនៅព្រឹកថ្ងៃទី០៦ ខែកក្កដា ឆ្នាំ ២០១៥ គ្រាកំពុងអញ្ជើញចូលរួមបុណ្យសពថា លោក ឃឹម សាម៉ន បានទទួលមរណភាពកាលពី៨-៩យប់ថ្ងៃទី ០៥ ខែកក្កដា ឆ្នាំ២០១៥។</span></p>
<p><span style="color: #000000;">សពរបស់លោក ឃឹម សាម៉ន ត្រូវបានតម្កល់ធ្វើបុណ្យតាមប្រពៃណីព្រះពុទ្ធសាសនា នៅគេហដ្ឋានរបស់លោក ក្នុងខេត្តកំពត។</span></p>
<p><span style="color: #000000;">លោក ខូយ ឃុនហួ បានឲ្យដឹងទៀតថា លោក ឃឹម សាម៉ន ជាអតីតអនុប្រធានគណបក្សប្រជាជនខេត្តកំពត និងជាអតីតប្រធានក្រុមប្រឹក្សាខេត្តកំពតអាណត្តិ១។ នៅក្នុងសម័យសង្គមរាស្ត្រនិយម លោក ឃឹម សាម៉ន បាន ធ្វើជាគ្រូបង្រៀននៅខេត្តព្រៃវែង ហើយផ្លាស់មកស្រុកកំណើតខេត្តកំពតវិញរហូតដល់សម័យប៉ុលពត។ នៅក្នុង របបវាលពិឃាដ លោក ឃឹម សាម៉ន បានរស់នៅប្រៀបដូចទាសករ ដូចជាប្រជាពលរដ្ឋកម្ពុជាដទៃទៀត រហូត ដល់ថ្ងៃរំដោះ ៧ មករា ឆ្នាំ១៩៧៩។</span></p>
<p><span style="color: #000000;">ក្រោយថ្ងៃរំដោះ លោក ឃឹម សាម៉ន បានចូលបម្រើការងារជាគ្រូបង្រៀន បន្ទាប់មក ក៏បម្រើការងារក្នុងក្បាល ម៉ាស៊ីនដឹកនាំគណបក្សបក្សប្រជាជនខេត្តកំពត រូបលោកក៏ធ្លាប់បានធ្វើជាតំណារាស្រ្តមួយរយៈពេលខ្លីក្នុង អាណត្តិទី៤ផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/6/7-6-2015-3-34-58-pm-06-07-2015--15-40-32.png"><span style="color: #000000;"><img src="/FileManager/Articles/mce/2015/7/6/7-6-2015-3-34-58-pm-06-07-2015--15-40-32.png" alt="" /></span></a></span></p>
<p style="text-align: right;"><br /><span style="color: #000000;">ផ្ដល់សិទ្ធដោយ៖ ដើមអម្ពិល</span><a class="thickbox" title="" href="/FileManager/Commons/2015/7/6/7-6-2015-3-34-58-pm-06-07-2015--15-40-32.png"></a></p>