<p><span style="color: #000000;"><strong>(ក្រុងឡុងដ៍)៖</strong> ក្រុម៣ មានសារិកាព្រៃ Newcastle United បក្សីចាំក្រុង Norwich City និង Aston Villa ត្រូវបានកាត់ ចេញពីក្របខណ្ឌកំពូលអង់គ្លេសជាផ្លូវការហើយ ក្រោយបញ្ចប់ទៅដោយចំណាត់ថ្នាក់បាតតារាងក្នុងរដូវកាលឆ្នាំ២០១៥-២០១៦ នេះ ។</span></p>
<p><span style="color: #000000;">សារព័ត៌មាន BBC បានផ្សាយថា ការទទួលបាន៣ពិន្ទុក្នុងទឹកដីនាយប់មិញនេះរបស់ក្រុម Norwich City ពេលឈ្នះ ក្រុមភ្ញៀវ Watford ៤-២ មិនអាចជួយក្រុមនេះបានដដែល គ្រាដែល Sunderland បានផុតទុក្ខភ័យ បន្ទាប់ពីបំបាក់ Everton ៣-០ ក្នុងទឹកដីរបស់ខ្លួននោះ ដែលជាក្រុមស្ថិតក្នុងតំបន់គ្រោះថ្នាក់ដូចគ្នា ដើម្បីឆ្លងផុតពីតំបន់កាត់ចោល និង បានលេងក្នុងក្របខណ្ឌទី១ នារដូវកាលក្រោយឆ្នាំ២០១៦-២០១៧ ដដែល ។</span></p>
<p><span style="color: #000000;">Norwich City រកបានតែ៣៤ពិន្ទុប៉ុណ្ណោះពី៣៧ប្រកួតរបស់គេ ឈរនៅលេខរៀងទី១៩ ក្រៅពីឈ្នះ៩ដង ស្មើ៧ដង និងចាញ់២១ដង ស្មើពិន្ទុជាមួយក្រុមត្រូវបានកាត់ចោលដូចគ្នា Newcastle United ដែលឈរនៅចំណាត់ថ្នាក់លេខ ១៨ និង Aston Villa ឈរនៅលេខរៀងទី២០ បាតតារាងដោយរកបានតែ១៧ពិន្ទុពី៣៧ប្រកួតរបស់គេ ឈ្នះ៣ដងគត់ ស្មើ៨ដង និងចាញ់២៦ដង ហើយក៏ជាក្រុមដែលដឹងខ្លួនធ្លាក់មុនគេផងដែរ កាលពីសប្តាហ៍ទី២៩មក ។</span></p>
<p><span style="color: #000000;">១ប្រកួតបង្រ្គប់កិច្ចនៅថ្ងៃទី១៥ ឧសភាចុងសប្តាហ៍នេះ គ្រាន់តែជាការប្រកួតបង្រ្គប់កិច្ចមុន Bye Bye Bye ពី Premier League តែប៉ុណ្ណោះដោយ Aston Villa ត្រូវទៅផ្ទះរបស់ Arsenal, Norwich City ទៅផ្ទះរបស់ Everton និង Newcastle United ទទួលស្វាគមន៍ក្រុមភ្ញៀវ Tottenham Hotspur គ្រាដែលក្រុមឈ្នះពាន Premier League រដូវ កាលនេះ Leicester City ត្រូវជួបក្រុមម្ចាស់ផ្ទះ Chelsea ចុងសប្តាហ៍នេះដូចគ្នា ។</span></p>
<p><span style="color: #000000;">៣ក្រុមដែលត្រូវឡើងមកជំនួសកន្លែង៣ក្រុមដែលត្រូវបានកាត់ចោលនោះរួមមាន Burnley, Middlesbrough និង ១ក្រុមទៀតត្រូវឆ្លងកាត់វគ្គជម្រុះសិនគឺ Brighton & Hove Albion, Hull City, Derby County និង Sheffield Wednesday យកតែ១ក្រុមប៉ុណ្ណោះ ៕</span></p>
<p><span style="color: #000000;"><img src="http://e2.365dm.com/16/03/16-9/20/aston-villa-norwich-city-newcastle-united-sunderland-premier-league_3428166.jpg?20160308133745" alt="" width="730" /></span></p>
<p><span style="color: #000000;"><img src="http://talksport.com/sites/default/files/styles/large/public/field/image/201604/norwich.jpg?itok=-m4-Qcx2" alt="" width="730" /></span></p>
<p><span style="color: #000000;">ក្រុមកីឡាករ Norwich City</span></p>
<p><span style="color: #000000;"><img src="http://i.dailymail.co.uk/i/pix/2016/05/11/11/33EF6C3300000578-0-Newcastle_s_stars_walk_off_the_pitch_dejected_after_failing_to_b-a-40_1462964377569.jpg" alt="" width="730" /></span></p>
<p><span style="color: #000000;">ក្រុមកីឡាករ Newcastle United</span></p>
<p><span style="color: #000000;"><img src="http://cdn.newsapi.com.au/image/v1/6972bfcdf541ae22e50140655b9024e3?width=700" alt="" width="730" /></span></p>
<p><span style="color: #000000;">ក្រុមកីឡាករ Aston Villa</span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xap1/v/t1.0-9/13220901_1728120007427517_4574803754205284572_n.png?oh=00611836e765c39ee6dfe455332391a0&oe=57A6ADF8&__gda__=1469874369_d60b0ac896fdd782b7c86440de1a1e1b" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtl1/v/t1.0-9/13173783_1728120010760850_9073992626960678836_n.png?oh=e46ba877d25bea73c4da44c9f731fe2b&oe=579B3207&__gda__=1470336052_30ab1831c3227e8b1f2cf9fb5fb9f9b3" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>