<p><span style="color: #000000;"><strong>(ភ្នំពេញ)៖</strong> ក្រោយពីរឿងជ្រើលជ្រួលបាត់ តារាចម្រៀង យ៉ុង ចាន់សុធាវី បានស្ងប់ស្ងាត់ ព្រមទាំងលេចមុខមកវិញ យ៉ាងត្រឹមត្រូវ ក្នុងហេតុផលថា នាងដើរលេងមិនបានប្រាប់ម្ចាស់ស្ព័នស័រ រួចមក យ៉ាងហោចណាស់តារាចម្រៀង ក្នុងប្រទេសកម្ពុជាពីរដួង មិនបានអាក់ខានដោយសារព័ត៌មានបាត់ខ្លួនរបស់ យ៉ុង ចាន់សុធាវី ឡើយ ពោលគឺលោក មាស សាលី និង កញ្ញា លីលី តារាសម្ដែងដ៏ស្រស់សោភា ប្រចាំប្រទេស នឹងត្រូវចេញទៅសម្ដែង នៅអាមេរិក ក្នុងពេលឆាប់ខាងមុខនេះ។</span></p>
<p><span style="color: #000000;">លោក មាស សាលី គ្រាន់តែប្រកាសលទ្ធផលថា ជាប់ភ្លាម លោកហាក់ដូចជាត្រូវឆ្នោតមហាសាល ព្រោះនេះជាលើកដំបូងរបស់លោក ក្នុងការឈានជើងចូល ទៅសម្ដែងលើទឹកដីសម្បូរដុល្លារ ដែលអ្នកសិល្បៈហៅថា ទឹកដីកើបលុយមកស្រុកកំណើត ។ លោកហាក់សង្ឃឹមយ៉ាងមុតមាំងថា នឹងរកប្រាក់ត្រឡប់មកស្រុកវិញឲ្យបានច្រើន។ លោក មាស សាលីបាននិយាយថា បីឆ្នាំកន្លងមកនេះ លោកជួបតែមនុស្សកុហកបោកប្រាស់ សង្ឃឹមថា ឆ្នាំថ្មី២០១៦ លោកនឹងមានសំណាងល្អ ហើយសង្ឃឹមថា បងប្អូនខ្មែរនៅសហរដ្ឋអាមេរិក ជួយគាំទ្រលោក ។</span></p>
<p><span style="color: #000000;">ពាក្យសម្ដី មាស សាលី ហាក់ធ្វើឲ្យទស្សនិកជន អាណិតលោកខ្លោចចិត្ត ព្រោះតាំងពីមានវត្តមាន ខេមរៈ សិរីមន្ត ក្នុងផលិតកម្ម សាន់ដេ មក លោកមិនត្រូវបានគេលើកតម្កើងដូចមុនទេ សូម្បីតែបទចម្រៀង ស្ទើរតែគ្មានច្រៀងផង ។ អ្នកខ្លះស្ទើរភ្លេចទៅហើយថា លោកជាតារាចម្រៀងក្នុងផលិតកម្ម សាន់ដេ ។ តែថ្វីត្បិតតែ មាស សាលី មិនសូវមានកេរ្តិ៍ឈ្មោះល្បីល្បាញ ដូចពីមុន តែលោកមានក្រុមតន្ត្រីផ្ទាល់ខ្លួនមួយ ដែលមានក្មេងៗកំព្រាជិត៣០នាក់ រស់ក្រោមដំបូលនៃឆាកតន្ត្រីនេះ ។ លោកតែងតែរៀបចំការសម្ដែង តាមខេត្តនានាជាច្រើន ហើយរៀបចំឲ្យមានតារាចម្រៀងផ្សេងៗចូលរួម ។</span></p>
<p><span style="color: #000000;">មាស សាលី មិនបានធ្វើដើម្បីប្រាក់ចំណេញ ចូលហោប៉ៅទេ លោកធ្វើឡើងដើម្បីតែក្មេងៗប៉ុណ្ណោះ ហើយម្ដាយលោកព្យាយាមឲ្យឈប់ តែមិនដាច់ចិត្ត ព្រោះអាណិតក្មេងៗ បើលោកបិទអាជីវកម្មនេះ មិនដឹងថា ក្មេងៗនឹងទៅជាយ៉ាងណានោះទេ បើអត់ពីមុខរបរមួយនេះ ។ ចំណែកឯតារាមួយចំនួន ដែលលោកហៅមកច្រៀងជាមួយគ្នា មិនខ្វល់ថា លោកលក់សំបុត្របានច្រើនឬតិចទេ ដឹងតែយកលុយគ្រប់ចំនួន តែលោកមិនដែលហាមាត់ថ្ងូរឡើយ សំខាន់លោកសប្បាយចិត្ត ។</span></p>
<p><span style="color: #000000;">ក្ដីរំពឹងលោក មាស សាលី មិនដឹងថា ត្រូវបានប៉ុន្មានភាគរយទេ ព្រោះសហរដ្ឋអាមេរិកពេលនេះ មានតារាជាច្រើនកំពុងតែគជើងគ្នានៅទីនោះ មានដូចជា នាយក្រិន នាងប្រិមប្រិយ នាង យ៉ុង ចាន់សុធាវី និង តារាជាច្រើនដួងទៀត ហើយម្នាក់ៗថ្ងូរថា រកលុយមិនសូវបានគ្រប់គ្នា ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12548915_1319946814698292_8805551569396719861_n.jpg?oh=2e558da1bc4f84ca94f19a8d9b5c022e&oe=56FDB310" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12540941_1319946811364959_7084679906100350139_n.jpg?oh=679dd6844563439330f1536f46f500cb&oe=570BFC41" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xaf1/v/t1.0-9/8312_1319946808031626_7450376845601619295_n.jpg?oh=13553330f9014085fdc3be7017776571&oe=570BDC61&__gda__=1460128318_06ec41d20a9d8122dec8d953597ac5f3" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/12509710_1319946848031622_3893005353041176674_n.jpg?oh=627282a751522e992d38c355f64f9c20&oe=56FF98BB" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/12512705_1319946864698287_4773410941558035667_n.jpg?oh=d54f26e47cf4b0246eebf9f4d9448c27&oe=57408D8B" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>