<p><span style="color: #000000;"><strong>(ភ្នំពេញ)៖</strong> ជនសង្ស័យជាភេទទីបីម្នាក់ក្នុងចំណោមពីនាក់ត្រូវបានជនរងគ្រោះចាប់វាយឡើងប៉ោងមុខទ្រោមខ្លួនទើបប្រគល់អោយសមត្ថកិច្ចបន្ទាប់ពីធ្វើសកម្មភាពបើកទ្វារថយន្ត តាក់សុីម៉ែត្រលួចយកទូរស័ព្ឌនិងកាបូបលុយ ខណៈម្ចាស់ចតរថយន្តដេកលក់ភ្លេចចាក់សោទ្វារ។</span></p>
<p><span style="color: #000000;">ហេតុការណ៏នេះបានកើតឡើងកាលពីវេលាម៉ោង៥និង៣០នាទីព្រឹកថ្ងៃទី១៣ខែមករាឆ្នាំ២០១៦នេះនៅតាមបណ្តោយផ្លូវសហព័ន្ធរុស្សីស្ថិតក្នុងភូមិបុរី១០០ខ្នង សង្កាត់ទឹកថ្លាខណ្ឌសែនសុខ។ ជនសង្ស័យឈ្មោះ ហេង ហាន់នី ភេទទី៣ អាយុ២៤ឆ្នាំ មុខរបរជាមេការបម្រើការងារនៅក្នុងហាងខារ៉ាអូខេមួយកន្លែងនៅតាមបណ្ដោយផ្លូវ២០០៤ ស្នាក់នៅផ្ទះជួលក្រោយផ្សារដីហុយ មានស្រុកកំណើតនៅភូមិព្រៃក្តាម ឃុំសត្វពង ស្រុកឈូក ខេត្តកំពត។ ចំណែកជនរងគ្រោះឈ្មោះ កែម រស្មី ភេទប្រុសអាយុ២៧ឆ្នាំ មុខរបរបើករថយន្តតាក់សុីម៉ែត្រ ស្នាក់នៅផ្ទះជួលម្តុំវត្តតាំងក្រសាំង សង្កាត់កាកាបខណ្ឌពោធិសែនជ័យ មានស្រុកកំណើតភូមិព្រៃឫស្សី ឃុំសង្កែ ស្រុកភ្នំស្រួច ខេត្តកំពង់ស្ពឺ។</span></p>
<p><span style="color: #000000;">ប្រភពពីជនរងគ្រោះបានអោយដឹងថា មុនពេលកើតហេតុរូបគាត់បានបើករថយន្តតាក់សុីម៉ែត្រ ១គ្រឿងពណ៍លឿងពាក់ស្លាកលេខភ្នំពេញ 2AE.7124 ដោយងងុយដេកខ្លាំងពេកគាត់ក៏ចតរថយន្តនៅលើចិញ្ចើមផ្លូវដេកលក់ទៅដោយភ្លេចចាក់សោទ្វារឡាន។ លុះដល់ម៉ោងកើតហេតុខាងលើស្រាប់តែមានជនសង្ស័យមានគ្នា២នាក់ ជិះម៉ូតូ១គ្រឿងម៉ាកហុងដាសេ១២៥មិនចាំស្លាកលេខ បានមកធ្វើសកម្មភាពបើកទ្វារលួយយកទូរស័ព្ទ២គ្រឿងនិងកាបូបលុយ ពេលនោះជនរងគ្រោះដឹងទាន់ក៏ដេញចាប់បានម្នាក់។ ចំណែកម្នាក់ទៀតជិះម៉ូតូគេចខ្លួនបាត់ ពេលនោះជនរងគ្រោះចាប់បានជនសង្ស័យ ដែលជាភេទទី៣នោះវាយឡើងប៉ោងមុខទើបប្រគល់អោយសមត្ថកិច្ចប៉ុស្តិ៍ទឹកថ្លាចាត់ការតាមច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2016/1/13/1-13-2016-11-43-53-am-13-01-2016--11-52-11.png"><img src="/FileManager/Articles/mce/2016/1/13/1-13-2016-11-43-53-am-13-01-2016--11-52-11.png" alt="" /></a></span></p>
<p><a class="thickbox" title="" href="/FileManager/Commons/2016/1/13/1-13-2016-11-43-38-am-13-01-2016--11-52-28.png"><img src="/FileManager/Articles/mce/2016/1/13/1-13-2016-11-43-38-am-13-01-2016--11-52-28.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្រ្វេសញ៉ូវអាស៊ី</span></p>