<p><span style="color: #000000;">ព័ត៌មានអន្តរជាតិ ៖ ពលរដ្ឋថៃ ម្នាក់ ដែលទើបតែត្រលប់មកពីកម្មវិធីបុណ្យសាសនាម៉ូស្លឹម Hajj ធំ បំផុតប្រចាំឆ្នាំ នៅក្នុងទីក្រុង Mecca នោះ រងនូវមន្ទិលសង្ស័យថា បានឆ្លងវីរុស ផ្លូវដង្ហើម Mers ឬ Middle East Respiratory Syndrome (MERS) នេះបើយោងតាម សេចក្តីប្រកាស ពីការិយាល័យ សុខាភិបាលខេត្ត Yala អំឡុងថ្ងៃព្រហស្បត្តិ៍ ទី ៩ តុលា កន្លងទៅនេះ។</span></p>
<p><span style="color: #000000;"><a class="thickbox" title="" href="/FileManager/Commons/2015/10/10/56a-10-10-2015--11-51-58.jpg"><img src="/FileManager/Articles/mce/2015/10/10/56a-10-10-2015--11-51-58.jpg" alt="" /></a><br /></span></p>
<p><span style="color: #000000;">ស្ថិតនៅក្នុងវ័យ ៦២ ឆ្នាំ លោកតាម្នាក់ បច្ចុប្បន្ន ត្រូវអាជ្ញាធរ ប្រទេសថៃ រក្សាទុកលោក អោយនៅ ដាច់ដោយឡែកពីគេ នៅឯមជ្ឈមណ្ឌលព្យាបាលជម្ងឺ ពិសេស រង់ចាំ ការធ្វើតេស្ត៍ ធ្វើកោសល្យវិ ច័យរកវីរុសផ្លូវដង្ហើម ពីមជ្ឈមបូពាហ៍ Mers ។ គួររំឮកថា មន្ទិល សង្ស័យ នៃការឆ្លងវីរុសផ្លូវដង្ហើម Mers លើកនេះ គឺជាករណីសង្ស័យលើកទី ២ ហើយ ក្នុងរយៈពេល ត្រឹមតែ ២ ថ្ងៃតែប៉ុណ្ណោះ ក្នុង នោះករណីទី ១ ស្រ្តីវ័យ ៥៩ ឆ្នាំម្នាក់ គឺជាជនសង្ស័យដំបូងថា អាច ឆ្លងវីរុស Mers បច្ចុប្បន្នភាព កំពុងតែសម្រាកនៅក្នុងមន្ទីរពេទ្យ ខណៈមានរោគសញ្ញា ក្អក ពិបាក ដកដង្ហើម និង ក្តៅខ្លួនខ្លាំង ជាដើម ។</span></p>
<p><span style="color: #000000;"><a class="thickbox" title="" href="/FileManager/Commons/2015/10/10/56-10-10-2015--11-52-08.jpg"><img src="/FileManager/Articles/mce/2015/10/10/56-10-10-2015--11-52-08.jpg" alt="" /></a><br /></span></p>
<p><span style="color: #000000;">គួររំឮកថា ឆ្នាំនេះ ពលរដ្ឋថៃ ប្រមាណ ១០,៤០០ នាក់ បាន ទៅ ចូល រួម កម្មវិធីបុណ្យសាសនា ម៉ូស្លឹមធំបំផុតប្រចាំឆ្នាំ Hajj នៅទីក្រុង Mecca ប្រទេស អារ៉ាប់ប៊ីសាអ៊ូឌីឌ ខណៈរំពឹងទុកថាពូកគេ ទាំងអស់គ្នា នឹងវិលមកកាន់មាតុប្រទេសវិញ នាចុងខែតុលានេះ ។ គួរបញ្ជាក់ថាករណីឆ្លងវីរុសផ្លូវ ដង្ហើម Mers គឺមានប្រភពផ្ទុះចេញពី តំបន់មជ្ឈឹមបូពាហ៍ ជាពិសេស ពីប្រទេស អារ៉ាប់ប៊ីសាអ៊ូឌីដ តែម្តង ។ របាយការណ៍បញ្ជាក់អោយដឹងថា វីរុស MERS Corona គឺ ជាពពួកវីរុស តែមួយជាមួយ នឹងវីរុស corona ដែលមាននៅក្នុងជម្ងឺ SARS ផ្ទុះឡើង នៅអាស៊ី ឆ្នាំ ២០០៣ ។ អាត្រាអ្នកស្លាប់ ដោយជម្ងឺ Mers គឺខ្ពស់ជាង អត្រាអ្នកស្លាប់ដោយការ វាយ ប្រហារជម្ងឺ SARS ខណៈបច្ចុប្បន្នភាព Mers ពុំទាន់មានវ៉ាក់សាំងព្យាបាលនោះទេ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>