<div class="article-content">
<p><strong>ភ្នំពេញ ៖</strong> មន្រ្តីបម្រើការ នៅទីស្តីការ គណៈរដ្ឋមន្រ្តីរួមជាមួយប្រពន្ធ ត្រូវក្រុមចោរមានគ្នាពីរនាក់<br /> ធ្វើសកម្មភាព ភ្ជង់និងវាយប្លន់ យកទ្រព្យសម្បត្តិ មានតម្លៃប្រមាណ ៤ម៉ឺនដុល្លារ បន្ទាប់ពីជនរង<br />គ្រោះ ត្រឡប់ពីដើរលេងវិញ ដោយចុះពីលើរថយន្តដើរចូលទៅបើកទ្ចារ ផ្ទះទៅហើយនោះ។</p>
<p>ករណី អំពើ ប្លន់ប្រដាប់អាវុធ ដ៏ព្រហើនខាងលើនេះ បានកើតឡើងកាលពី វេលាម៉ោង៨និង៣០<br />នាទីយប់ថ្ងៃទី១៧ ខែមេសា ឆ្នាំ២០១៣ នៅចំណុចផ្ទះលេខ១៩៩A ផ្លូវ លេខ៥១៦ ក្រុម៥២ភូមិ<br />១៣សង្កាត់បឹងកក់ទី១ ខណ្ឌទួលគោក។</p>
<p>មន្រ្តីនគរបាល ខណ្ឌទួលគោកបានឲ្យដឹងថា ជនរងគ្រោះក្នុងករណីប្លន់នេះមានឈ្មោះយ៉ាន់ វ៉ាន់<br />យ៉ង ភេទប្រុស អាយុជាង៤៤ឆ្នាំ មុខរបរជាមន្ត្រីទីស្ដីការ គណៈរដ្ឋមន្ត្រី ត្រូវក្រុមចោរវាយ រងរបួស<br />ត្រង់ក្បាល និងប្រពន្ធមាន ឈ្មោះថោង នី អាយុ៤០ឆ្នាំមុខរបរលក់គ្រឿងបន្លាស់រថយន្ត ស្នាក់នៅ<br /> ផ្ទះកើតហេតុខាងលើ ។ ចំណែក មានគ្នា២នាក់ ជិះម៉ូតូ១គ្រឿង ម៉ាកហុងដាសេ១២៥ ពណ៌ខ្មៅ <br />មិនចាំស្លាកលេខ ប្រដាប់ដោយកាំភ្លើងខ្លី២ដើម មិនចាំម៉ាក។</p>
<p>មន្រ្តីនគរបាលមូលដ្ឋាន បានឲ្យដឹងថា មុនពេលកើតហេតុ ជនរងគ្រោះជាមួយប្រពន្ធនិងកូនបាន<br />ជិះរថយន្ត១គ្រឿង ម៉ាកប្រាដូ ពណ៌ស ពាក់ស្លាកលេខ ភ្នំពេញ 2I-4707 បាននាំគ្នាទៅដើរលេង។<br /> លុះពេលត្រឡប់មក វិញ ក៏បើករថយន្តចូលទៅក្នុងផ្ទះ ដោយឲ្យកូនប្រុសជាអ្នកបើករបង និងទ្វា<br />ផ្ទះ។ ខណៈនោះ ស្រាប់តែមានក្រុមចោរ ២នាក់ ជិះម៉ូតូចូលតាមពីក្រោយ ហើយក៏បានធ្វើសកម្ម<br />ភាពប្លន់តែម្តង ដោយក្រុមចោរម្នាក់ ដកកាំភ្លើងវាយនិងភ្ជង់ជនរងគ្រោះជាប្តី ដោះយក ចិញ្ចៀន<br />ពេជ្រ ។ ចំណែកជនល្មើសម្នាក់ទៀត ស្ទុះទៅភ្ជង់ជនរងគ្រោះជាប្រពន្ធដោះយកខ្សែកពេជ្រ និង<br />ដណ្តើមយកកាបូបលុយ ហើយជិះម៉ូតូគេចខ្លួនបាត់ដោយសុវត្ថិភាព ។</p>
<p>នគរបាលបន្តថា ទ្រព្យសម្បត្តិ ដែលក្រុមចោរប្លន់យកទៅនោះ រួមមានចិញ្ចៀនពេជ្រ១វង់, ខ្សែ.ក<br />ប្លាទីន១ខ្សែទម្ងន់ប្រមាណ២ តម្លឹង មានដាំបន្តោងពេជ្រ១, ទូរស័ព្ទដៃស៊េរីទំនើប៤គ្រឿង, ប្រាក់<br />ខ្មែរ២លានរៀល ប្រាក់បាត២ម៉ឺនបាតនិងប្រាក់ដុល្លារ៣០០ដុល្លារ សរុបជាប្រាក់ទាំងអស់ប្រមាណ<br />៤ម៉ឺនដុល្លារ ។</p>
<p>ក្រោយកើតហេតុ គេឃើញសមត្ថកិច្ចមូល ដ្ឋានចុះមកច្រូងច្រាង ធ្ចើកំណត់ហេតុ ដើម្បីកំណត់មុខ<br />សញ្ញា ក្រុមចោរប្លន់ទាំងនេះ ៕</p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0201.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0200.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/April/id-011/Hong-0199.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>