<p><span style="color: #000000;"><strong>(ភ្នំពេញ)៖</strong> គម្រោងសាងសង់អគារភ្លោះកម្ពស់ ១៣៤ជាន់ ឬប្រមាណ ៥០០ម៉ែត្រ ដែលស្ថិតនៅចំនុចកណ្ដាលរាជធានីភ្នំពេញ គឺនៅក្នុងមជ្ឈមណ្ឌល កម្សាន្ត ឌ្រីម លែន ជាគម្រោងស្ថិតក្រោមការវិនិយោគរួមរវាងក្រុមហ៊ុន ថៃ ប៊ុនរ៉ុង ខូអិលធីឌី និងក្រុមហ៊ុនសាងសង់របស់ចិន នេះបើយោងតាមលិខិតរបស់មន្ទីររៀបចំ ដែនដីនគរូបនីយកម្ម និងសំណង់រាជធានីភ្នំពេញ ដែលអង្គភាពយើងខ្ញុំទើបទទួលបាន។</span></p>
<p><span style="color: #000000;">គម្រោងដំណើរការសាងសង់អគារភ្លោះនេះ នឹងចាប់ផ្តើមនៅឆ្នាំ២០១៦នេះ លើផ្ទៃដីទំហំ ៥ហិកតា ហើយនឹងចំណាយពេលសាងសង់រយៈ ពេល ៣ឆ្នាំ ដោយបញ្ចប់ក្នុងឆ្នាំ ២០១៩។ អគារខ្ពស់កប់ពពកនេះ គេរំពឹងថាជាអគារខ្នាតយក្សក្នុងតំបន់អាស៊ី ដែលវានឹងស្ថិតក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ទល់មុខ ណាហ្គាវើល។ អគារឈ្មោះដែលមាននាមថា <strong>«អគារភ្លោះមជ្ឈមណ្ឌលពាណិជ្ជកម្មថៃ ប៊ុនរ៉ុង»</strong>។</span></p>
<p><span style="color: #000000;">ក្រុមមន្ត្រីជំនាញគម្រោងវិនិយោគបានសន្និដ្ឋានថា អាចនឹងត្រូវចំណាយទុនយ៉ាងហោចណាស់ជាង ១ពាន់លានដុល្លារអាមេរិក។ គម្រោងនេះជាគម្រោងដ៏ធំបំផុតនៅអាស៊ី ហើយវានឹងបង្ហាញពីមុខមាត់ នឹងលំនឹងសេដ្ឋកិច្ចកម្ពុជាលើវិស័យសំណង់ ដែលកំពុងមានការរីកចម្រើន និងទាក់ទាញការវិនិយោគថ្មីៗ កាន់តែច្រើនបន្ថែមទៀត។</span></p>
<p><span style="color: #000000;">ក្នុងរយៈពេល ១០ឆ្នាំចុងក្រោយនេះ នៅទីក្រុងភ្នំពេញ មានសំណង់អគារខ្ពស់ៗ ចាប់ពីកម្ពស់ ៥ជាន់ ដល់លើសពី៤០ជាន់ឡើងទៅ មានចំនួន ៦២៨អគារ នេះបើយោងតាមរបាយការណ៍របស់សាលារាជធានីភ្នំពេញ៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/17/80-17-02-2016--11-20-41.jpg"><img src="/FileManager/Articles/mce/2016/2/17/80-17-02-2016--11-20-41.jpg" alt="" /></a><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>