<p><span style="color: #000000;">ព័ត៌មានអន្តរជាតិ ៖ របាយការណ៍ បញ្ជាក់អោយដឹងថា ហោច ណាស់ ជនរងគ្រោះម្នាក់ បានស្លាប់ បាត់បង់ជីវិត ក្នុងហេតុការណ៍ផ្ទុះឆេះរោងចក្រគីមីមួយកន្លែង ក្នុងទីក្រុង Dongyin ខេត្ត Shandong ប្រទេសចិន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/1/48-01-09-2015--13-43-36.jpg"><img src="/FileManager/Articles/mce/2015/9/1/48-01-09-2015--13-43-36.jpg" alt="" /></a><br /></span></p>
<p><span style="color: #000000;">យោងតាមគណនីពលរដ្ឋក្នុងស្រុក តាមបណ្តាញសង្គម Weibo អោយដឹង ថា ពួកគេបានលាន់លឺ សម្លេងផ្ទុះ យ៉ាងសន្ធឹក ពីរោងចក្រខាងលើ នាវេលាម៉ោង ១១ និង២៥នាទីយប់ថ្ងៃច័ន្ទដើមសប្តាហ៍ នេះ។ គេហទំព័រក្នុងស្រុក ចេញផ្សាយអោយដឹងថា ករណីផ្ទុះឆេះ រោងចក្រ គីមី មួយកន្លែងនេះ គឺ ចាប់ផ្តើមកើតឡើង នៅវេលាម៉ោង ១១ និង ២២ នាទីយប់ ខណៈ ៥ម៉ោងក្រោយទើបគ្រោះអគ្គីភ័យ កើតចេញពីគ្រោះថ្នាក់ផ្ទុះឆេះនោះ រលត់ទៅវិញ ។ ពុំមានសេចក្តីរាយការណ៍ លម្អិតស្តីពី គ្រោះថ្នាក់ ផ្ទុះឆេះរោងចក្រគីមីលើកនេះ នៅឡើយទេ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/1/49-01-09-2015--13-43-45.jpg"><img src="/FileManager/Articles/mce/2015/9/1/49-01-09-2015--13-43-45.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ប្រធានបទក្តៅ នៃករណីផ្ទុះឆេះរោងចក្រគីមី គឺជា ព័ត៌មានដ៏រស៊ើបមួយ ដែលនៅតែ តាមលងបន្លាចពលរដ្ឋចិននៅឡើយ ក្រោយពីវិនាសកម្ម ផ្ទុះឆេះឃ្លាំងស្តុកសារជាតិ គីមី នៅទីក្រុង Tianjin សម្លាប់មនុស្ស ហោចណាស់ ១៥៨ នាក់ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ឆៃណា </span></p>