<p><span style="color: #000000;"><strong>ភ្នំពេញ៖</strong> ស្ថានទូតបារាំងប្រចាំកម្ពុជា នៅថ្ងៃទី៨ ខែធ្នូ ឆ្នាំ២០១៥នេះ បានប្រកាសថា សំណុំរឿងការស្លាប់ របស់ក្រុមគ្រួសារជនជាតិបារាំង លោក វ៉ាលីយេ មានការរីកចម្រើនទៅមុខយ៉ាងខ្លាំង ដែលនេះបានផលវិជ្ជមានច្រើន។</span></p>
<p><span style="color: #000000;">សេចក្ដីប្រកាសព័ត៌មាន បានឲ្យដឹងថា បន្ទាប់ពីបានបញ្ចប់បេសកកម្មថ្មីមួយទៀតនៅកម្ពុជា លោកស្រី ក្លូឌីន អង់ហ៊្វូ (Claudine Enfoux) ចៅក្រមស៊ើបសួរបារាំង ទទួលបន្ទុកសំណុំរឿងលោក វ៉ាលីយេ និងក្រុមស៊ើបអង្កេតនោះ បានអរគុណចំពោះស្ថាប័ននគរបាល និងយុត្តិធម៌ របស់ប្រទេសកម្ពុជា ដែលបានផ្តល់កិច្ចសហការយ៉ាងពេញទំហឹង។</span></p>
<p><span style="color: #000000;">ការសាកសួរចម្លើយ និងការផ្ទៀងផ្ទាត់ ដែលត្រូវបានធ្វើឡើង ក្នុងក្របខ័ណ្ឌនៃកិច្ចសហប្រតិបត្តិការ រវាងតុលាការបារាំងនិងកម្ពុជា បានជួយ ឲ្យមានការរីកចម្រើនយ៉ាងខ្លាំង ក្នុងការស៊ើបអង្កេតសំណុំរឿងនេះ ជាពិសេសតាមរយៈការធ្វើកោសល្យវិច័យ នៅប្រទេសបារាំង។</span></p>
<p><span style="color: #000000;">ដោយសារការស្លាប់ របស់គ្រួសារលោក វ៉ាលីយេ ត្រូវបានសន្និដ្ឋានជាផ្លូវការថា ជាអំពើឃាតកម្ម ចាប់ពីពេលនេះតទៅ ការស៊ើបអង្កេត នឹងផ្តោតទៅលើបុគ្គលមួយចំនួន ដែលបានផ្តល់ចម្លើយខុសៗគ្នា ក្នុងពេលសាកសួរ។ ការស៊ើបអង្កេត នឹងត្រូវធ្វើបន្តប្រកបដោយតម្លាភាព រវាងប្រទេសទាំងពីរ តាមរយ:ការវិភាគលើសំណាកថ្មីៗបន្ថែមទៀត។</span></p>
<p><span style="color: #000000;">សូមបញ្ជាក់ថា លោកឡូរ៉ង់ វ៉ាលីយេ និងកូនៗទាំងបួនរបស់គាត់ ត្រូវបានប្រទះឃើញស្លាប់ នៅក្នុងខេត្តកំពង់ស្ពឺ កាលពីឆ្នាំ២០១២ ដោយ បានឃើញសាកសពនៅរថយន្ត ហើយទម្លាក់ចូលទឹកស្រះក្រោយផ្ទះ ដែលពេលនោះ បានធ្វើឲ្យមានការភ្ញាក់ផ្អើល នៅទូទាំងប្រទេស៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/8/12-8-2015-4-39-20-pm-08-12-2015--16-46-46.png"><span style="color: #000000;"><img src="/FileManager/Articles/mce/2015/12/8/12-8-2015-4-39-20-pm-08-12-2015--16-46-46.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>