<p><span style="color: #000000;"><strong>ភ្នំពេញ ៖</strong> បេក្ខជន-បេក្ខនារី ដែលប្រឡងជាប់ សញ្ញាបមធ្យមសិក្សា ទុតិយភូមិលើកទី២ សម័យប្រឡងថ្ងៃទី១៣-១៤ ខែតុលា ឆ្នាំ២០១៤ មានចំនួន១៨០៧១នាក់ ដែលលទ្ធផល នៃការជាប់នេះ មិនមាននិទ្ទេស A និង B ទេ មានតែពី C ដល់ E ។</span></p>
<p><span style="color: #000000;">យោងតាម សេចក្តីប្រកាសព័ត៌មាន របស់ក្រសួងអប់រំយុវជន និងកីឡាចេញផ្សាយ នៅថ្ងៃទី៣១ ខែតុលានេះ បានឲ្យ ដឹងថា បេក្ខជនប្រឡងជាប់លើកទី២ មាន ១៨០៧១នាក់ ត្រូវជា១៧,៩៤ភាគរយ នៃបេក្ខជនវត្តមានចំនួន៦០ ៦១១ នាក់ ។ បេក្ខជនទទួលបាននិទ្ទេស C មានចំនួន ១ នាក់ និទ្ទេស D មានចំនួន ៥៥ នាក់ និងនិទ្ទេស E មានចំនួន ១០៨១៥ នាក់ ។</span></p>
<p><span style="color: #000000;">សេចក្តីប្រកាសបន្តថា បេក្ខជនប្រឡងជាប់លើកទី១ សរុបទាំងអស់២៣១២៦ នាក់ ត្រូវជា ២៥,៧២ភាគរយ នៃបេក្ខ ជនវត្តមានចំនួន ៨៩៩២១នាក់ បូកសរុបទាំងពីរលើក មានចំនួន ៣៣៩៩៧នាក់ ត្រូវជា៤០,៦៧ភាគរយ នៃបេក្ខជន ដែលមកប្រឡងទាំងពីរលើក ។</span></p>
<p><span style="color: #000000;">ប្រភពខាងលើបន្តថា ដំណើរការ នៃការប្រឡងទាំងដំណើរការវិញ្ញាសារសរសេរកំណែ និងស្រង់បូកពិន្ទុ ដោយ កុំព្យូ ទ័របានប្រព្រឹត្តទៅ ប្រកបដោយជោគជ័យ ពុំមានឧបទ្ទវ ហេតុអី្វគួរឲ្យកត់សម្គាល់ឡើយ ។</span></p>
<p><span style="color: #000000;">សម្រាប់លទ្ធផល ដែលប្រកាសនេះ ត្រូវធ្វើឡើងចំនួន ២ លើក គឺលើក ទី១ នៅថ្ងៃទី៣១ ខែតុលា សម្រាប់រាជធានី ភ្នំពេញ និងខេត្តកណ្តាល ។ ដោយឡែក នៅរាជធានី-ខេត្តផ្សេងៗទៀត នឹងប្រកាសនៅថ្ងៃទី១ ខែវិច្ឆិកា ។</span></p>
<p><span style="color: #000000;">សូមបញ្ជាក់ថា ការប្រឡងលើកទី២ នេះ បានធ្វើឡើងរយៈពេល ២ ថ្ងៃ ចាប់ពីថ្ងៃទី១៣-១៤ ខែតុលា ហើយបេក្ខជន ប្រឡង មានចំនួន ៦០៦១១ម៉ឺននាក់ និងមណ្ឌល១១៧ ក្នុងនោះ មានបន្ទប់ចំនួន ២.៧៥២ គ្រប់រាជធានី-ខេត្ត ។ កាលពីប្រឡងបាក់ឌុបលើទី១ នៅថ្ងៃទី៤-៥ ខែសីហា ឆ្នាំ២០១៤ មានបេក្ខជនប្រឡងជាប់សរុបចំនួន ២៣.១២៦ នាក់ ត្រូវជា២៥,៧២ ភាគរយ ក្នុងចំណោមសិស្សសរុប ៨៩.៩៣៧ នាក់ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/31/t-0837-31-10-2014--14-41-48.jpg"><img src="/FileManager/Articles/mce/2014/10/31/t-0837-31-10-2014--14-41-48.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>