<p><span style="color: #000000;">ព័ត៌មានកីឡា៖ ក្រោយពីមានការប្រទាក់ទាញគ្នាជាសម្ដីបន្ដបន្ទាប់មក រវាងថ្នាក់ដឹកនាំក្រុមធំទាំងពីរ គឺលោក Jose Mourinho នឹង Arsene Wenger ក្រុមទាំងពីរនៅមិនទាន់ដឹងពីយុទ្ធសាស្រ្ដដៃគូរប្រកួត នៅឡើយទេ ខណៈដែលអ្នកទាំងពីរនឹងជួបគ្នាម្ដងទៀតនៅថ្ងៃអាទិត្យសប្ដាហ៍នេះ ។</span></p>
<p><span style="color: #000000;">ឆ្លងកាត់ការប្រកួតមួយរយៈកាលចុងក្រោយនេះ ក្រុមទាំងពីរដូចវាមានសន្ទុះ ខ្លាំងមិនចាញ់គ្នាប៉ុន្មានទេ ប៉ុន្ដែបើគិតទៅលើ ក្រុម Chelsea ដឹកនាំដោយលោក Mourinho ដូចជាមានប្រៀបច្រើនជាងបន្ដិច ពីព្រោះក្រុមនេះ កំពុងតែមានពិន្ទុ លើស Arsenal របស់លោក Arsene Wenger ដល់ទៅ ១០ ពិន្ទុ ។ តែទោះបីជាយ៉ាងណាក៏ដោយ លោក Wenger បានថ្លែងក្នុងសន្និសិត ការសែតកាលពីមុននេះបន្ដិចថា សម្រាប់យុទ្ធសាស្រ្ដ ដឹកនាំរបស់ Mourihno គ្មានអ្វីដែរត្រូវខ្លាចនោះទេ វាគឺងាយស្រួលក្នុងការការពារខ្លាំងណាស់។</span></p>
<p><span style="color: #000000;">លោក Jose Mourinho ក្រោយពីទទួលបានការបកស្រាយយ៉ាងនេះមក ក៏មិនបាននឹងថ្លែងអ្វីច្រើនដែរគ្រាន់តែរំលឹកពីការបរាជ័យរបស់ Arsenal ដែលត្រូវ Monaco ទំលាក់ក្នុងព្រឹត្ដិការណ៍ Champions League តែប៉ុណ្ណោះថា ប្រសិនបើងាយស្រួលមែន មិនមែន ត្រូវ Monaco ផ្ដួលបានត្រឹមពិន្ទុ ៣-១ ក្នុងទឹកដីរបស់ខ្លួននោះទេ។ </span></p>
<p><span style="color: #000000;">Mourinho បានត្រៀមខ្លួនរួចជាស្រេចសម្រាប់ការប្រកួតមួយនេះ ប៉ុន្ដែទន្ទឹមនឹងការ ត្រៀមខ្លួនប្រយុទ្ធនេះផងដែរ ក៏មានភាពរអាលចិត្ដបន្ដិចដែរ ជាមួយនឹងកីឡាករ Cesc Fabregas ដែលធ្លាប់ជាអតិតខ្សែបម្រើ Arsenal ហើយត្រូវផ្ទេរជើងចូលទៅកាន់ Barcelona និងផ្ទេរចេញពី Barcelona ចូលមកកាន់ Chelsea កាលពីឆ្នាំ ២០១៤ ។ តែលោក Mourihno បាននិយាយថា មិនមានអ្វីត្រូវព្រួយបារម្មណ៍នោះឡើយ ព្រោះគាត់នឹងដឹងពីតួនាទីរបស់គាត់ជាមិនខាន។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/25/82543509mourinhowengergetty-25-04-2015--10-01-30.jpg"><span style="color: #000000;"><img src="/FileManager/Articles/mce/2015/4/25/82543509mourinhowengergetty-25-04-2015--10-01-30.jpg" alt="" /></span></a></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>