<p>ថ្ងៃនេះ ២១ ធ្នូ ឆ្នាំ ២០១២ ជាថ្ងៃមួយដែលត្រូវបានអ្នកស្រាវជ្រាវមួយក្ដាប់តូច បកស្រាយពី<br />ប្រតិទិនរបស់ជនជាតិ ម៉ាយ៉ាន ថា ជាថ្ងៃឆេះកប្ប ឬថ្ងៃ វិនាស របស់ផែនដី។ តើអ្នកជឿថា <br />វានឹងកើតមានឡើង ដែរ ឬទេ?</p>
<p>ឆ្លងកាត់មួយរយៈពេលយូរ តាំងពីក្រុមអ្នកស្រាវជ្រាវបានរកឃើញ ប្រតិទិនម៉ាយ៉ា មកដល់<br />ពេលនេះ គឺមានការបកស្រាយខុសៗគ្នាជាច្រើន ដែលភាពខុសគ្នានេះ ត្រូវបានគេបែងចែក<br />ចេញជាពីរផ្នែក ទីមួយគឺការបកស្រាយបែកអបិយជំនឿ និងទីពីរគឺបែបវិទ្យាសាស្ដ្រ។</p>
<p><a class="thickbox" title="" href="/FileManager/Commons/2012/12/21/earth-apocalypse-21-12-2012--09-06-14.jpg"><img style="display: block; margin-left: auto; margin-right: auto;" src="/FileManager/Articles/mce/2012/12/21/earth-apocalypse-21-12-2012--09-06-14.jpg" alt="" width="443" height="295" /></a></p>
<p>ក្រុមអ្នកស្រាវជ្រាវមួយចំនួន បានបកស្រាយថា ប្រតិទិន ម៉ាយ៉ា បានបង្ហាញពីពេលវេលា<br />យ៉ាងជាក់ច្បាស់នូវថ្ងៃចុងក្រោយនៃផែនដី ដោយយោងទៅទីបញ្ចប់នៃប្រតិទិនរបស់ម៉ាយ៉ា<br />នេះ។ ប្រការខាងលើនេះ បាននាំឱ្យមានការបំប៉ោងសេចក្ដីកាន់តែច្រើនឡើងៗ ស្ដីអំពីការ<br />វិនាសនៃភពផែនដី ដោយមានការបញ្ជាក់យ៉ាងប្រាកដថា វានឹងកើតឡើងនៅថ្ងៃនេះ។ កត្តា<br />នេះហើយ បានធ្វើឱ្យមនុស្សមួយចំនួនតូច មានការភ័យខ្លាច ហើយអ្នកខ្លះក៏បានត្រៀមរបស់<br />របរ ត្រៀមអាហារ ឬទីសុវត្ថិភាព សម្រាប់ថ្ងៃទី ២១ធ្នូ ឆ្នាំ ២០១២ ដើម្បីគេចពីបញ្ហាធំៗដែល<br />អាចកើតមានឡើង។</p>
<p>ទោះជាយ៉ាងណាក៏ដោយ ក៏មានការបកស្រាយបញ្ជាក់ពីក្រុមអ្នកវិទ្យាសាស្ដ្រផងដែរ ដែល<br />ធ្វើឱ្យស្ថានភាពប្រសើរឡើងវិញ។ ក្រុមអ្នកវិទ្យាសាស្ដ្ររបស់អាមេរិក បានរិះគន់ចំពោះការ<br />បកស្រាយ និងការបំប៉ោងសេចក្ដីរបស់មនុស្សមួយចំនួន ដែលថា ថ្ងៃទី ២១ធ្នូ ឆ្នាំនេះ គឺជា<br />ថ្ងៃវិនាសរបស់ផែនដី ដោយពួកគេបានលើឡើងថា ថ្ងៃទី ២១ធ្នូ ឆ្នាំ ២០១២ មិនមែនជាថ្ងៃចុង<br />ក្រោយរបស់ផែនដីនោះទេ ព្រោះក្រុមតារាវិទូ មិនបានរកឃើញបុព្វហេតុណាមួយដែលអាច<br />បង្កឱ្យមានគ្រោះថ្នាក់ដល់ភពផែនដី។ ម្យ៉ាងទៀត បើយោងទៅលើ ប្រតិទិនរបស់ ម៉ាយ៉ា<br />នេះដែរ ក្រុមអ្នកស្រាវជ្រាវសុទិដ្ឋិនិយម យល់ថា ថ្ងៃទី ២១ធ្នូ ឆ្នាំ ២០១២ គ្រាន់តែជាថ្ងៃបញ្ចប់<br />នៃប្រតិទិនរបស់ជនជាតិ ម៉ាយ៉ាន តែប៉ុណ្ណោះ។</p>
<p>យ៉ាងណាក្ដី រយៈពេលប៉ុន្មានខែកន្លងនេះ ហេតុការណ៍មួយចំនួនបានកើតឡើង ធ្វើឱ្យមនុស្ស<br />មានការភ័យខ្លាច ហើយអ្នកខ្លះក៏បានជឿជាក់លើថ្ងៃវិនាសនេះផងដែរ ដោយហេតុការណ៍មួយ<br />ចំនួននោះ មានដូចជា ព្យុះបុប្ផានៅហ្វីលីពីន និងផ្កាយព្រះគ្រោះ ហោះកាត់ផែនដី។ល។<br /><br />សូមរង់ចាំមើល ថាតើថ្ងៃនេះមានអ្វីកើតឡើង? Camnews នឹងរាយការណ៍ជាបន្ដបន្ទាប់នូវហេតុ<br />ការណ៍ដែលអាចកើតមានឡើង នៅថ្ងៃនេះ។</p>
<p style="text-align: center;"><object width="444" height="380" data="http://www.youtube.com/v/SGpNZmniJ_Q&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/SGpNZmniJ_Q&rel=1" /></object><br />ជនជាតិ ម៉ាយ៉ា ថា សូមកុំមានការភ័យព្រួយចំពោះថ្ងៃទី ២១ធ្នូ ឆ្នាំ ២០១២</p>
<p> </p>
<p style="text-align: right;">ដោយ ៖ សីហា</p>