<p>ព័ត៌មានអន្តរជាតិ ៖ Pinocchio Rex ជាពូជដាយនូស័រ មួយដ៏សាហាវ ហើយវាគឺជាករណីដ៏កម្រ ជាទីបំផុត ខណៈផូស៊ីលរបស់វា ត្រូវបានរកឃើញ នៅក្នុងប្រទេសចិន ដោយក្រុមការងារ ជាកម្ម ករ សំណង់នេះ បើយោងតាមការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស ស្កាយញូវ ។</p>
<p><a class="thickbox" title="" href="/FileManager/Commons/2014/5/9/01-09-05-2014--10-18-01.jpg"><img src="/FileManager/Articles/mce/2014/5/9/01-09-05-2014--10-18-01.jpg" alt="" /></a></p>
<p>ប្រភពដដែលបន្តអោយដឹងថា ពូជ សត្វ ដាយនូស័រ មានច្រមុះ និង លលាដ៍ក្បាល វែង អមទៅ ដោយធ្មេញមុតស្រួច មួយនេះ ត្រូវបានជីករកឃើញ ដោយបុរសម្នាក់ បម្រើការ អោយការដ្ឋាន សាងសង់មួយកន្លែង មានទីតាំង ស្ថិតនៅក្នុងក្រុង Ganzhou ប្រទេសចិន ។</p>
<p>Dr Steve Brusatt ជាអ្នកជំនាញ មកពីសកលវិទ្យាល័យ Edinburgh ក្រោយពីមានការសហការ គ្នារវាងអ្នកជំនាញ នៅក្នុងប្រទេសចិន ដោយធ្វើការសិក្សា ទៅលើ ផូស៊ីល ដែលបានរកឃើញ នោះ បញ្ជាក់អោយដឹងថា វាពិតជាពូជដាយនូស័រ ដ៏អស្ចារ្យមួយ ពីព្រោះថា ផូស៊ីល ដែលបានរក ឃើញនោះ មានសឹងតែគ្រប់ផ្នែកទាំងអស់ ។</p>
<p><a class="thickbox" title="" href="/FileManager/Commons/2014/5/9/02-09-05-2014--10-18-13.jpg"><img src="/FileManager/Articles/mce/2014/5/9/02-09-05-2014--10-18-13.jpg" alt="" /></a></p>
<p>បើទោះជាវាមាន ភាពស្រដៀងគ្នា ទៅនឹង បណ្តាផូស៊ីល ដាយនូស័រផ្សេងៗទៀត ដែលបានរក ឃើញនៅលើពិភពលោក ក៏ដោយចុះ តែបើតាមការអះអាង បញ្ជាក់អោយដឹងថា ពូជដាយនូស័រ មួយនេះ គឺជាពូជដ៏កម្រមួយ ខណៈវាគឺជាកំពូលអ្នកប្រយុទ្ធ និង លាក់ពួន ខ្លាំងបំផុត ។</p>
<p>គួររំឭកថា អ្នកវិទ្យាសាស្រ្ត ជំនាញ អះអាងបន្ថែមអោយដឹងថា ពូជដាយនូស័រ មួយនេះ ធ្លាប់មាន វត្តមានរស់នៅលើ ភពផែនដី តាំងពី ៦៦ លានឆ្នាំមុខ ពោលនៅចុង យុគសម័យ Cretaceous ខណៈវាមានឈ្មោះដើម Qianzhousaurus sinensis ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយញូវ</p>