<p><strong>ភ្នំពេញៈ</strong> តារាសម្តែង និងជាពិធីការិនីសម្បុរ ស្រអែមស្រស់ កញ្ញា សារាយ សក្ខណា បានចូលរោងការ នៅល្ងាចថ្ងៃទី១១ ខែធ្នូ ឆ្នាំ២០១៣នេះ ដោយនាងបានគ្រងសំលៀកបំពាក់ ជាកូនក្រមុំរូបស្រស់ សោ ភាតាមប្រពៃណី យ៉ាងស្រស់ស្អាតបូករួម ជាមួយទឹក មុខញញឹមបិទមាត់មិនជិត បង្ហាញពីភាព សប្បាយ រីករាយ ដែលបានចូលរោងការជាមួយ ស្វាមីបណ្តូលចិត្តជាអាណិកជនខ្មែរ រស់នៅអាមេរិក លោក កែវ ប៊ុនមេត្រី ។</p>
<p>នៅល្ងាចនេះ តារាសម្តែង កញ្ញា សារាយ សក្ខណា បានរំលេចរូបថត ការរៀបចំផ្ទះរបស់នាង និងរូប ថត ប៉ុន្មានសន្លឹក ដែលនាងស្ថិតនៅ ក្នុងសំលៀកបំពាក់ កូនក្រមុំ ក្នុងពេលសូត្រមន្តពេលល្ងាច ជា មួយរូបសម្រស់ស្រស់ស្អាតប្រិមប្រិយ បូករួមជាមួយនិង ការរចនាម៉ូដតុបតែងផ្ទះ យ៉ាងប្រណិត ដោយ នៅល្ងាចនេះ ក្នុងពិធីគេមានរៀបចំ ពិធីក្រុងពាលី ពិធីសូត្រមន្តចម្រើនព្រះបរិត្ត អញ្ជើញភ្ញៀវពិសារ ភោជនាអាហារ ពេលល្ងាច ។</p>
<p>ពិធីមង្គលការរបស់ កញ្ញា សារាយ សក្ខណា នៅថ្ងៃទី១២ ខែធ្នូ ឆ្នាំ២០១៣ស្អែកនេះ នៅពេលព្រឹកគេ រៀបចំពិធីហែជំនូន នៅគេហដ្ឋានខាងស្រី ហើយពេលល្ងាចរៀបចំពិធី ពិសាភោជនាអាហារ នៅ ពេលល្ងាចនៅមជ្ឈមណ្ឌលសន្និបាត និងពិព័រណ៍កោះពេជ្រអគារ (G+H) ដោយគេរំពឹងថា មានភ្ញៀវ ចូលរួមអបអសាទរ ក្នុងពិធីមង្គលការរបស់នាង ភាគច្រើនគឺជាអ្នកសិល្បៈរួមអាជីព។</p>
<p>ចង់ដឹងថា នៅក្នុងពិធីមង្គលការ របស់តារាសម្តែងឆ្នើម ប្រចាំឆ្នាំ២០១៣ កញ្ញា សារាយ សក្ខណា មានភាពលេចធ្លោរខុសប្លែកពី មង្គលការអ្នកសិល្បៈដទៃ ត្រង់ណាខ្លះ ។ អ្វីដែលទស្សនិកជន ទន្ទឹង រង់ចាំអ៊ុតមើលជាពិសេសនោះ គឺឈុតកូនក្រមុំដែលមានតម្លៃជិត ១ម៉ឺនដុល្លារ តើមានភាពស្រស់ ស្អាត ដល់កម្រិតណា មានតែរង់ចាំទស្សនាជាមួយ Looking TODAY នៅថ្ងៃស្អែក ដែលជាថ្ងៃមង្គល ការ របស់នាងទាំងអស់គ្នា ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0132.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0140.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0133.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0134.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0135.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25473-2013-12-11-10-16-20.html"><span style="color: #0000ff;">ដើមអំពិល</span></a></p>