<p><span style="color: #000000;"><strong>(ភ្នំពេញ)៖</strong> ក្រោយពីមានហេតុការណ៍ស្រ្តី២នាក់ ជាបងប្អូនបង្កើតត្រូវរថយន្តកុងតឺន័របុកស្លាប់នៅខណ្ឌពោធិ៍សែនជ័យ រហូតស្រ្តីជាម្តាយគាំងបេះដូងស្លាប់តាមក្រោយ ដែលធ្វើឲ្យមានការរន្ធត់ និងចាប់អារម្មណ៍យ៉ាងខ្លាំងកាលពីម្សិលមិញនោះ ស្រាប់តែនៅថ្ងៃនេះ ទី១២ ខែមិថុនា ឆ្នាំ២០១៦នេះ នារី២នាក់ ក៏បានស្លាប់នៅនឹងកន្លែងកើតហេតុតែម្តង បន្ទាប់ពីពួកគេជិះម៉ូតូមួយគ្រឿងម៉ាក វ៉េវអាល់ហ្វា ហើយត្រូវរថយន្តបាញ់បេតុងធុនធំមួយគ្រឿងបើកបុកពីក្រោយ រួចកិនមនុស្សស្លាប់នៅនឹងកន្លែងភ្លាមៗ ស្ថិតនៅចំណុចច្រមុះជ្រូកក្បាលថ្នល់ សង្កាត់ផ្សារដើមថ្កូវ ខណ្ឌចំការមន។</span></p>
<p><span style="color: #000000;">យោងតាមសាក្សីដែលបានឃើញហេតុការណ៍ បានរៀបរាប់ឲ្យដឹងថា នៅមុនពេលកើតហេតុ នារីរងគ្រោះទាំង ២នាក់ជិះម៉ូតូមួយគ្រឿងម៉ាកវ៉េវអាល់ហ្វា ពណ៌ខ្មៅ គ្មានស្លាកលេខ ជិះឌុបគ្នាធ្វើដំណើរចេញពីស្ពានច្បារអំពៅបំណងឆ្ពោះទៅកាន់ផ្លូវ២៧១ ក្នុងទិសដៅពីកើតទៅលិច ក្នុងល្បឿនធម្មតា។ ខណៈមកដល់ចំណុចកើតហេតុ ស្រាប់តែមានរថយន្តបាញ់បេតុងធុនធំមួយគ្រឿង ពណ៌ក្រហមលាយស ពាក់ស្លាកលេខ ភ្នំពេញ 5A-0030 បើកបរដោយបុរសម្នាក់ស្របទិសគ្នាជាមួយម៉ូតូ បានបើកមកបុកម៉ូតូជនរងគ្រោះពីក្រោយពេញទំហឹង រួចជ្រុលកិនខ្លួនជនរងគ្រោះទាំង ២នាក់ ស្លាប់ភ្លាមៗ នៅហ្នឹងកន្លែងកើតហេតុតែម្តង។</span></p>
<p><span style="color: #000000;">ភ្លាមៗ រថយន្តបង្កបានព្យាយាមបើករត់គេចខ្លួន តែត្រូវបានសមត្ថកិច្ចដែលប្រចាំការនៅចំណុចខាងលើ ដេញតាមឃាត់បានមកវិញ ទាំងរថយន្ត និងអ្នកបើកបរ ។</span></p>
<p><span style="color: #000000;">ក្រោយកើតហេតុ សមត្ថកិច្ច មូលដ្ឋាន បានចុះអន្តរាគមន៍សហការជាមួយសមត្ថកិច្ចជំនាញ ចុះវាស់វែង អូសយកទាំងរថយន្តបង្ក និងម៉ូតូរបស់ជនរងគ្រោះទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញ រងចាំដោះស្រាយទៅតាមផ្លូវច្បាប់នៅពេលក្រោយ ។ ក្នុងនោះ តៃកុងរថយន្តបង្ក ក៏ត្រូវឃាត់ខ្លួនយកទៅជាមួយផងដែរ ។</span></p>
<p><span style="color: #000000;">សូមបញ្ជាក់ថា សពនារីរងគ្រោះទាំង ២នាក់ មានវ័យប្រមាណជាង ២០ឆ្នាំដូចគ្នា ហើយពួកគេទាំង ២នាក់មិនត្រូវបានស្គាល់អត្តសញ្ញាណឡើយ ដោយសមត្ថកិច្ចកំពុងស្រាវជ្រាវទំនាក់ទំនងរកសាច់ញាតិ ដើម្បីអោយមកទទួលយកទៅធ្វើបុណ្យទៅតាមប្រពៃណី ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/13/2-13-06-2016--08-11-56.png"><img src="/FileManager/Articles/mce/2016/6/13/2-13-06-2016--08-11-56.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-12-14-03-35-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-12-14-03-35-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-12-14-03-35-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-12-14-03-35-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-020/fn-2016-06-12-14-03-35-4.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>