<div class="article-content">
<p><strong>កណ្ដាល ៖</strong> ក្មេងសិស្សអនុវិទ្យាល័យ សេរីភាព នៅក្រុងតាខ្មៅ ២នាក់ ម្នាក់ប្រុស ម្នាក់ស្រី <br />បានបែកក្បាលធ្លាយខួរស្លាប់ភ្លាមៗ យ៉ាងអាណោចអាធម្មជាទីបំផុត នៅកន្លែង កើតហេតុ <br />ក្រោយពីរថយន្ដកូរ៉េចំណុះ ២,៥ តោន បានបុកពួកគេពេលកំពុងដើរឆ្លងផ្លូវ ទៅរៀន កាល<br />ពីវេលាម៉ោង ២ និង២០នាទី រសៀលថ្ងៃទី១១ ខែវិច្ឆិកា ឆ្នាំ២០១៣នេះ។</p>
<p>គ្រោះថ្នាក់ចរាចរ ដ៏គួរឱ្យរន្ធត់នឹងធ្វើឱ្យ ឪពុក-ម្ដាយ សាច់ញាតិក្មេងប្រុសស្រីទាំង២ នាក់ <br />មានវិប្បដិសេរីអស់មួយជីវិតនោះបាន បង្កឱ្យមានការភ្ញាក់ផ្អើល នៅពេលដែលជន រងគ្រោះ<br />ទាំង ២នាក់ កំពុងដើរឆ្លងផ្លូវលេខ ១០៧ ស្ថិតក្នុងសង្កាត់តាខ្មៅ ក្រុងតាខ្មៅ ទៅសាលាសេរី<br />ភាព ដើម្បីចូលរៀនស្រាប់ តែរថយន្ដកូរ៉េ ដែលកំពុងបើកក្នុងទិសដៅ ពីលិចទៅកើត បានបុក<br /> ហើយកិនពួកគេ បែកក្បាលស្លាប់ភ្លាមៗតែម្ដង ។</p>
<p>ក្រោយកើតហេតុ កម្លាំងនគរបាលមូល ដ្ឋាន និងកម្លាំងនគរបាលចរាចរជើងគោក ខេត្ដ<br />កណ្ដាល បានទៅជួយអន្ដរាគមន៍ហើយ ឃាត់រថយន្ដបាន ប៉ុន្ដែ អ្នកបើករថយន្ដបាន រត់<br />គេចខ្លួនបាត់ ។</p>
<p>យោងតាមប្រភពព័ត៌មាន ពីសមត្ថកិច្ច មូលដ្ឋានបានបញ្ជាក់ថា ជនរងគ្រោះទាំង២ នាក់ ទី១<br /> ឈ្មោះប៊ុន សៀកលាង ភេទប្រុស អាយុជាង ១០ឆ្នាំ និងជនរងគ្រោះទី២ ឈ្មោះ ពៅ ធីតា <br />អាយុជាង ១០ឆ្នាំ រៀន នៅអនុវិទ្យាល័យសេរីភាព ។</p>
<p>សាក្សីនៅកន្លែងកើតហេតុ បានបញ្ជាក់ ថា ជនរងគ្រោះទាំង២នាក់ រួមជាមួយមិត្ដ ភ័ក្ដិ ៤-៥នាក់<br />ផ្សេងទៀត បានដើរឆ្លងផ្លូវ ទៅរៀន ក្នុងទិសដៅពីជើងទៅត្បូងហើយ ក៏ត្រូវរថយន្ដបង្កបាន<br />មកដល់ បុកពួកគេនិង កិន ស្លាប់ភ្លាមៗតែម្ដង។ ក្រោយកើតហេតុ រថយន្ដបង្កត្រូវបានសមត្ថកិច្ច<br /> យកទៅរក្សាទុក នៅការិយាល័យចរាចរជើងគោកខេត្ដ កណ្ដាល ដើម្បីស្វែងរកអត្ដសញ្ញាណអ្នក<br /> បើកបរ ខណៈដែលសពជនរងគ្រោះទាំង២ នាក់ ត្រូវបានសមត្ថកិច្ចប្រគល់ឱ្យក្រុម គ្រួសារ យក<br />ទៅធ្វើបុណ្យតាមប្រពៃណី យ៉ាងអាលោះអាល័យជាទីបំផុត ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0374.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0375.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0376.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0377.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0378.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0379.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0380.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0382.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0383.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>