<p><span style="color: #000000;"><strong>(ប៉ារីស)៖</strong> ក្រុមបាល់ទាត់ឥន្រ្ទីដែកអាល្លឺម៉ង់ បានឡើងទៅវគ្គ៨ក្រុមផងដែរ ក្រោយទម្លាក់ក្រុមឈរនៅលេខ៣ល្អជាងគេ ស្លូវ៉ាគី ៣-០ មុនពេលបិសាចក្រហមប៊ែលហ្ស៊ិក បំបាក់ហុងគ្រី ៤-០ យប់មិញនេះដូចគ្នានៃ Euro 2016 នៅបារាំង។</span></p>
<p><span style="color: #000000;">កីឡាករខ្សែការពារមកពីក្លឹបក្នុងស្រុក Bayern Munich, Jerome Boateng រកបានគ្រាប់ទី១ឲ្យអាល្លឺម៉ង់ ត្រឹមចាប់ផ្តើមលេងបាន៨នាទីក្នុងវគ្គទី១ មុនពេលមិត្តរួមក្រុម Mesut</span><br /><span style="color: #000000;"> Ozil ទាត់បាល់ពិន័យប៉េណាល់ទី អត់ចូលនៅនាទីទី១៣។</span></p>
<p><span style="color: #000000;">តែយ៉ាងណាក៏ដោយ ម្ចាស់ពាន World Cup 2014 មួយនេះ នៅតែបន្តដាក់សម្ពាធទៅលើស្លូវ៉ាគីដដែល រហូតរកបាន២គ្រាប់ទៀតនៅនាទីទី៤៣ ដោយខ្សែប្រយុទ្ធ Mario Gomez និង Julian Draxler គ្រាប់ទី៣ នៅនាទីទី៦៣ នៅពីមុខអ្នកទស្សនាផ្ទាល់ចំនួន ៤៤៣១២នាក់។</span></p>
<p><span style="color: #000000;">អាល្លឺម៉ង់ ត្រូវជួបក្រុមការពារតំណែងជើងឯក អេស្ប៉ាញ ឬក៏ជម្រើសជាតិអាសូរីអ៊ីតាលី ក្នុងវគ្គ៨ក្រុមចុងក្រោយ ក្រោយក្រុមទាំងពីរប៉ះគ្នាម៉ោង១១យប់នេះ ក្នុងវគ្គ១៦ក្រុមសិន ហើយប៊ែលហ្ស៊ិក ត្រូវឡើងទៅជួបវ៉េលនៅវគ្គ៨ក្រុមដែរ បន្ទាប់ពីទម្លាក់ហុងគ្រី ៤-០ ឲ្យត្រឡប់ទៅផ្ទះវិញ។</span></p>
<p><span style="color: #000000;">ដូច្នេះនៅពេលនេះ បានរកឃើញ៦ប្រទេសហើយឡើងទៅវគ្គ៨ក្រុមចុងក្រោយ ដោយប៉ូឡូញ ប៉ះព័រទុយហ្គាល់, វ៉េល ប៉ះប៊ែលហ្ស៊ិក, ម្ចាស់បារាំង ត្រូវប៉ះអង់គ្លេស ឬក៏អ៊ីស្លង់ និងអាល្លឺម៉ង់ ប៉ះអេស្ប៉ាញ ឬក្រុមរងជើងឯកឆ្នាំ២០១២ អ៊ីតាលី ដើម្បីប្រជែងយកកៅអីឡើង ទៅវគ្គពាក់កណ្តាលផ្តាច់ព្រ័ត្រជាបន្តទៀត។</span></p>
<p><span style="color: #000000;">៦ក្រុមដែលបានហាលអាវត្រឹមវគ្គ១៦ក្រុមមាន ស្វីស អៀរឡង់ខាងជើង ក្រូអាត សាធារណរដ្ឋអៀរឡង់ ស្លូវ៉ាគី និងជម្រើសជាតិហុងគ្រី៕</span></p>
<p><span style="color: #000000;"><img src="http://www.telegraph.co.uk/content/dam/football/2016/06/26/101760421_boateng_goal-large_trans++ZgEkZX3M936N5BQK4Va8RWtT0gK_6EfZT336f62EI5U.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/football/2016/06/26/101765057_Mario-Gomez-large_trans++ZgEkZX3M936N5BQK4Va8RWtT0gK_6EfZT336f62EI5U.jpg" alt="" width="730" /></span></p>
<p><span style="color: #000000;"><img src="http://www.telegraph.co.uk/content/dam/football/2016/06/26/101761225_ozil_miss-large_trans++z4IEi3kvmVjOVK7dM8c5YKv3chXOi_hDyw16NTPMBps.jpg" alt="" width="730" /></span></p>
<p><span style="color: #000000;"><img src="http://www.dw.com/image/0,,19358339_303,00.jpg" alt="" width="730" /></span></p>
<p><span style="color: #000000;"><img src="http://static.sportskeeda.com/card_images/euro-2016-germany-vs-slovakia-live/543151104_1466962436.jpg" alt="" width="730" /></span></p>
<p><span style="color: #000000;"><img src="http://a.espncdn.com/combiner/i/?img=/media/motion/ESPNi/2016/0621/int_160621_INET_FC_Euro_After_Dark_Seg_2_GLOBAL/int_160621_INET_FC_Euro_After_Dark_Seg_2_GLOBAL.jpg&w=738&site=espnfc" alt="" width="730" /></span></p>
<p><span style="color: #000000;"><img src="http://img.bleacherreport.net/img/images/photos/003/607/888/hi-res-b961d0c2ce015b57099d6a7bc97bc617_crop_north.jpg?w=630&h=420&q=75" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>