<p><span style="color: #000000;"><strong>(ភ្នំពេញ)៖</strong> គួរឲ្យអាណិតលោកអើយ! មន្រ្តីយោធាម្នាក់ បានទៅខ្ចីលុយគេទិញ គ្រឿងបន្លាស់ម៉ូតូច្រើនមុខ គិតជាទឹកប្រាក់ជិត៣ពាន់ដុល្លារ ដើម្បីបើកកន្លែងសម្រាប់ជួសជុលម៉ូតូ ប៉ុន្តែមិនទាន់បានបើកដំណើរការផងស្រាប់តែលោកចោរចូលលួចអស់គ្មានសល់។</span></p>
<p><span style="color: #000000;">អំពើចោរកម្មខាងលើនេះបានកើតឡើង ខណៈជនរងគ្រោះ បានយកសម្ភារទាំងនេះ ចេញពីផ្ទះជួលស្នាក់ចាស់ ទៅដាក់នៅក្នុងផ្ទះជួលថ្មីមួយកន្លែងទៀត ដែលគាត់ទើបជួលថ្មីៗ ប៉ុន្តែក្រោយយកទៅទុកពេលល្ងាច ស្រាប់តែយប់ឡើង ត្រូវបានក្រុមចោរគាស់ផ្ទះ ធ្វើសកម្មភាពលួចគាស់យកទៅបាត់អស់តែម្តង។</span></p>
<p><span style="color: #000000;">សមត្ថកិច្ចមូលដ្ឋាន បានឲ្យដឹងថា នៅពេលកើតហេតុនោះ ជនរងគ្រោះមិនស្នាក់នៅក្នុងផ្ទះជួលថ្មីនោះទេ ព្រោះពុំទាន់បានរៀបចំកន្លែងដេកនៅឡើយ គាត់បានទៅដេកនៅផ្ទះចាស់ បណ្ដោះអាសន្នមួយយប់សិន លុះព្រឹកឡើងពេលគាត់ចាកចេញពីផ្ទះចាស់ ទៅកាន់ផ្ទះថ្មីនោះទើបដឹងថា បាត់ហើយមានការភ្ញាក់ផ្អើល។</span></p>
<p><span style="color: #000000;">ករណីនេះបានកើតឡើង នៅវេលាម៉ោង១០ព្រឹកថ្ងៃទី២៩ ខែវិច្ឆិកា ឆ្នាំ២០១៦ នៅចំណុចផ្ទះជួលមួយកន្លែង ដែលមានទីតាំងស្ថិតនៅក្នុងភូមិត្រពាំងពោធិ៍ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។</span></p>
<p><span style="color: #000000;">សមត្ថកិច្ចមូលដ្ឋាន បានឲ្យដឹងថា មន្រ្តីយោធាដែលរងគ្រោះបាត់បង់អស់គ្រឿងបន្លាស់ម៉ូតូនោះ ឈ្មោះ ឌិត សារិន អាយុ៣៨ឆ្នាំ មានប្រពន្ធឈ្មោះ ហេង ម៉ានី អាយុ៣៤ឆ្នាំមុខរបរមេផ្ទះ ស្នាក់នៅផ្ទះពូ ស្ថិតក្នុងភូមិ វិមានទ្រុង សង្កាត់ក្រាំងធ្នង់ ខណ្ឌសែនសុខ។</span></p>
<p><span style="color: #000000;">ដោយឡែក ម្ចាស់ផ្ទះជួលខាងលើ ឈ្មោះ ពៅ សុលីនដា ភេទស្រី អាយុប្រហែលជិត៣០ឆ្នាំ និងមានប្ដីជាមន្រ្តីពេទ្យយោធាដែរ ហើយពួកគាត់បានជួលផ្ទះទៅឲ្យជនរងគ្រោះខាងលើ ក្នុងតម្លៃ៥៥០ ដុល្លារក្នុង១ខែ ដោយយកលុយមុន១ខែ លុះពេលមានរឿងបែប នឹងកើតឡើងជនរងគ្រោះឈប់ជួល និងសុំលុយថ្លៃឈ្នួលវិញ ពួកគាត់ដែលជាម្ចាស់ផ្ទះ បានឲ្យតែ២០០ដុល្លារវិញប៉ុណ្ណោះ៕</span></p>
<p><span style="color: #000000;"><img src="http://image.freshnewsasia.com/2016/fn-2016-11-29-15-06-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-29-15-06-25-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-29-15-06-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-29-15-06-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/fn-2016-11-29-15-06-32-2.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>