<p><span style="color: #000000;"><strong>(ភ្នំពេញ)៖</strong> បន្ទាប់ពីមានសកម្មភាពប្លន់ប្រដាប់អាវុធ ឆក់ប្រដាប់អាវុធ និងអំពើចោរកម្ម បានកើតឡើងផ្ទួនៗ ស្ទើរជារៀងរាល់យប់ ក្នុងរាជធានីភ្នំពេញមកនោះ នាយឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបើកកិច្ចប្រជុំដាក់ផែនការយ៉ាងម៉ឺងម៉ាត់បំផុត ដល់កងកម្លាំងនគរបាលពាក់ព័ន្ធ បើកការស៊ើបអង្កេត និងស្រាវជ្រាវដើម្បីឈានទៅ ដល់ការចាប់ខ្លួនក្រុមចោរប្លន់ទាំងនេះឲ្យខាងតែបាន។</span></p>
<p><span style="color: #000000;">ក្រោយមានបញ្ជាពីនាយឧត្តមសេនីយ៍ស្នងការ និងក្រោមការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូង រាជធានីភ្នំពេញ កម្លាំងនគរបាលការិយាល័យព្រហ្មទណ្ឌកម្រិតធ្ងន់ កម្លាំងនគរបាលព្រហ្មទណ្ឌកម្រិតស្រាល កម្លាំងនគរបាលទាំង ១២ខណ្ឌ សហការជាមួយកម្លាំងនគរបាលស្រុកអង្គស្នួល ខេត្តកណ្ដាល និងកម្លាំងនគរបាលខេត្តព្រះសីហនុ បានតាមបង្ក្រាប ក្រុមចោរប្លន់ប្រដាប់អាវុធទាំងនេះ បានចំនួន២ក្រុម មានគ្នា១៥នាក់ ចាប់តាំងពីថ្ងៃទី០២ រហូតដល់ថ្ងៃទី០៥ ខែធ្នូ ឆ្នាំ២០១៦។</span></p>
<p><span style="color: #000000;">ក្រោយបង្ក្រាបបាន ដែលជាលទ្ធផលដ៏ជោគជ័យ និងបំបាត់ភាពភ័យខ្លាចរបស់ពលរដ្ឋ ក្នុងរាជធានីភ្នំពេញ នៅព្រឹកថ្ងៃទី០៦ ខែធ្នូ ឆ្នាំ២០១៦នេះ ក្រុមចោរប្លន់ទាំង១៥នាក់ ត្រូវបានយកមកបង្ហាញមុខជាសាធារណៈ នៅអធិការដ្ឋាននគរបាលខណ្ឌទួលគោក ក្រោមវត្តមានលោក អេង សោភា នាយការិយាល័យព្រហ្មទណ្ធកម្រិតធ្ងន់ លោក ប៊ុន សត្យា នាយការិយាល័យព្រហ្មទណ្ឌកម្រិតស្រាល និងមន្រ្តីនគរបាលមួយចំនួនទៀត។</span></p>
<p><span style="color: #000000;">នៅចំពោះមុនក្រុមអ្នកការសែត លោក អេង សោភា បានបញ្ជាក់ថា ជនសង្ស័យទាំង១៥នាក់ ដែលត្រូវបានបង្ក្រាប បានជាបន្តបន្ទាប់នេះ មាន២ក្រុម ដោយក្រុមទី១ ជាក្រុមប្លន់ម៉ូតូ មានចំនួន១០នាក់ ក្នុងនោះខ្លះមានមុនរបបមិនពិតប្រាកដ មានរបបជាបុគ្គលិកនៅណាហ្គាវើល និងជាអ្នកបើករថយន្ត និងមាន២នាក់ទៀតជា អ្នកទទួលផលចោរកម្ម និងជួញដូរគ្រឿងញៀនយ៉ាងសកម្មផងដែរ។</span></p>
<p><span style="color: #000000;">ដោយឡែកក្រុមទី២ ធ្វើសកម្មភាពដោយប្រើអាវុធភ្ជង់គម្រាមប្លន់យកម៉ូតូ យកទូរស័ព្ទដៃ និងសម្ភារៈផ្សេងៗទៀត មានចំនួន៣នាក់។</span></p>
<p><span style="color: #000000;">លោក អេង សោភា បានបញ្ចាក់ថា ក្នុងប្រតិបត្តិការបង្ក្រាបក្រុមចោរទាំងនេះ កម្លាំងសមត្ថកិច្ចបានដកហូតម៉ូតូចំនួន១៤គ្រឿង អាវុធខ្លី២ដើម ម៉ាកកា៥៤គ្រឿងញៀន៧១កញ្ចប់ ក្នុងនោះ៤៤កញ្ចប់ធំ ស្លាកលេខម៉ូតូចំនួន ៧ កាំបិតប័ងតោ និងទូរស័ព្ទដៃ ១គ្រឿងផងដែរ។</span></p>
<p><span style="color: #000000;">យោងតាមរបាយការណ៍របស់សមត្ថកិច្ច ក្រុមចោរទាំង២ក្រុមនេះ បានធ្វើសកម្មភាពប្លន់ចំនួន១៣ករណីនៅសង្កាត់បឹងកក់ទី២ ខណ្ឌទួលគោក នៅសង្កាត់ចោមចៅ ខណ្ឌពោធិ៍សែនជ័យ នៅសង្កាត់ទន្លេបាសាក់ ខណ្ឌចំការមន នៅសង្កាត់ទំនប់ទឹក ខណ្ឌចំការមន នៅសង្កាត់ភ្នំពេញថ្មី ខណ្ឌសែនសុខ នៅសង្កាត់ច្បារអំពៅ១ ខណ្ឌច្បារអំពៅ នៅសង្កាត់វាលវង់ ខណ្ឌ៧មករា នៅសង្កាត់ផ្សារដេប៉េ៣ ខណ្ឌទួលគោក នៅសង្កាត់បឹងកក់២ ខណ្ឌទួលគោក នៅសង្កាត់ទួលស្វាយព្រៃទី១ ខណ្ឌចំការមន នៅសង្កាត់បឹងសាឡាង ខណ្ឌទួលគោក និងនៅសង្កាត់ដង្កោ ខណ្ឌដង្កោ។</span></p>
<p><span style="color: #000000;">ម៉ូតូដែលក្រុមចោរប្លន់ទាំង១៣ករណី ខាងលើនេះ រួមមាន៖ ZoomerX ១៣គ្រឿង។ ដោយឡែកម៉ូតូដែលដកហូតបាន រួមមាន៖ ម៉ាក Next Scoopy, Duke, PCX, Click, Wave និង Honda C125។</span></p>
<p><span style="color: #000000;">លោក អេង សោភា ក៏បានអំពាវនាវដល់ប្រជាពលរដ្ឋ ដែលធ្លាប់រងគ្រោះក្នុងអំពើប្លន់ប្រដាប់អាវុធនេះ សូមមើលពិនិត្យម៉ូតូរបស់ខ្លួន នៅស្នងការដ្ឋានគរបាលរាជធានីភ្នំពេញ ដោយភ្ជាប់មកជាមួយឯកសារពាក់ព័ន្ធ យកម៉ូតូត្រឡប់ទៅវិញ៕</span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-52-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-52-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-53-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-53-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-53-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-53-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-53-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/099/fn-2016-12-06-12-19-53-7.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>