<p><span style="color: #000000;"><strong>(ភ្នំពេញ)៖</strong> សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នឹងសាងសង់ផ្សារនៅក្រុងស្ទឹងត្រែងជូនអាជីវករឡើងវិញ ក្រោយពីភ្លើងឆេះ នេះបើយោងតាម Facebook របស់សម្តេច នៅព្រឹកថ្ងៃសៅរ៍នេះ។</span></p>
<p><span style="color: #000000;">សម្តេចតេជោ ហ៊ុន សែន បានសរសេររៀបរាប់ថា៖ <strong>«បងប្អូនដែលរងគ្រោះដោយសារភ្លើងឆេះផ្សារ នៅខេត្តស្ទឹងត្រែងជាទីស្រឡាញ់។ ខ្ញុំសូមចូលរួមចែករំលែកនូវការលំបាក ដែលបងប្អូនបានជួបប្រទះ។ ខ្ញុំបានបញ្ជាឱ្យអភិបាលខេត្ត ធ្វើការរៀបចំសម្រួលការងារសំរាប់ បងប្អូនក្នុងដំណាក់ការដំបូង។ ម៉ោង៥ ក្បែរភ្លឺនេះ ខ្ញុំបានបញ្ជាទៅនាយឧត្តមសេនីយ ខ្វាន់ ស៊ាម អគ្គបញ្ជាការរងកងទ័ព និងជាមេបញ្ជាការកងវិស្វកម្មបញ្ជូនកម្លាំង ចុះសិក្សាសំរាប់សាងសង់ឡើងវិញ។</strong></span></p>
<p><span style="color: #000000;"><strong>ខ្ញុំធានាចំពោះបងប្អូនថា ខ្ញុំនិងចលនាគ្នាដើម្បីកសាងផ្សារនេះឡើងវិញ ជូនបងប្អូនដោយកងវិស្វកម្មកងទ័ពនៅក្នុងពេលឆាប់បំផុត»។</strong></span></p>
<p><span style="color: #000000;">សូមជំរាបថា អគ្គិភ័យដែលបានឆាបឆេះផ្សារ ក្រុងស្ទឹងត្រែង បំផ្លាញតូបលក់ដូររបស់អាជីវករចំនួន១២២០តូប។ អគ្គិភ័យនេះបានកើតឡើងនៅវេលាម៉ោង១០៖០៥នាទីយប់ថ្ងៃ៧ ខែមេសា ឆ្នាំ២០១៦ ដោយមានអណ្តាតភ្លើងឆេះ យ៉ាងសន្ធោសន្ធៅចេញពីកណ្តាលផ្សារ។ ដោយសារតែស្ថានភាព ពិបាកគ្រប់គ្រង ពីព្រោះតែភ្លើងឆាបឆេះមានល្បឿនលឿនខ្លាំងពេក កម្លាំងសមត្ថកិច្ចបានសម្រេចប្រើ អេស្កាវ៉ាទ័រកាយតូបសងខាង ដើម្បីទប់ស្កាត់កុំឲ្យរាលដាលដល់ផ្ទះប្រជាជនជុំវិញផ្សារ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/9/10a-09-04-2016--09-43-00.jpg"><img src="/FileManager/Articles/mce/2016/4/9/10a-09-04-2016--09-43-00.jpg" alt="" /></a></span></p>
<p><br /><a class="thickbox" title="" href="/FileManager/Commons/2016/4/9/10b-09-04-2016--09-43-10.jpg"><img src="/FileManager/Articles/mce/2016/4/9/10b-09-04-2016--09-43-10.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/4/9/10a-09-04-2016--09-43-00.jpg"></a><br /></span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<div><span><br /></span></div>