<p><span style="color: #000000;"><strong>(មណ្ឌលគិរី)៖</strong> ឈើហ៊ុបមូល និងឈើឡាំងជាបួនជ្រុងប្រភេទឈើលេខមួយ មានចំនួនរាប់រយកំណាត់ដែលគេកាប់ អារ រំលំក្នុងដែនជំរកសត្វព្រៃភ្នំណាំលៀរ នៅស្រុកពេជ្រាដាខេត្តមណ្ឌលគិរី នៅពេលថ្មីៗនេះ ដែលត្រូវកម្លាំងជំនាញរដ្ឋបាលព្រៃឈើ ខេត្តមណ្ឌលគិរីសហការ ជាមួយសមត្ថកិចំរុះស្រាវជ្រាវរកឃើញ ប្រមាណ៤០០កំណាត់ ហើយត្រូវរឹបអូសនោះ ស្រាប់តែបាត់ទៅវិញ សង្ស័យគេលួចយកទៅ។</span></p>
<p><span style="color: #000000;">សហគមន៍ការពារព្រៃឈើ នៅឃុំប៊ូស្រាបានឱ្យដឹងថា ឈើខុសច្បាប់ដ៏ច្រើនសន្ធឹកសន្ធាប់ ខាងលើនេះគឺជាឈើរបស់លោក សារិន គឹមអាត មេបញ្ជាការយោធាស្រុកពេជ្រាដា និងលោកខន សុខខឿន អតីតប្រធានច្រករបៀងការពារព្រំដែនប៉ុស្តិ៍៦ ក្រោមការឃុបឃិតជាមួយលោក រ័ត្ន សុវណ្ណ នាយកដែនជំរកសត្វព្រៃភ្នំណាំលៀរ និងលោក ឌិន ប៊ុនធឿន នាយករងដែននេះផងដែរ ទើបបានជាមេយោធារូបនេះ កាប់បំផ្លាញព្រៃឈើហាមឃាត់ របស់រដ្ឋបានយ៉ាងរលូនបែបនេះ។</span></p>
<p><span style="color: #000000;">លោក សារិន គឹមអាត មេយោធាស្រុកពេជ្រាដា ដែលរងការចោទប្រកាន់បានប្រាប់ថា «កំពុងជាប់រវល់ប្រជុំ»។ លោក ឃិន ម៉េងស្រេង មេយោធាខេត្តមណ្ឌលគិរី ធ្លាប់បានបញ្ជាក់ថា ឈើនោះលោកបានចាប់ និងធ្វើការប្រមូលប្រគល់ឱ្យជំនាញអស់ហើយ។</span></p>
<p><span style="color: #000000;">លោក វង់ សុកសិរី នាយខណ្ឌរដ្ឋបាលព្រៃឈើមណ្ឌលគិរី ក៏បានបញ្ជាក់ថា ក្រុមការងារជំនាញរបស់លោក កំពុងបន្តចុះស្រាវជ្រាវរកបទល្មើស ដើម្បីធ្វើការរឹបអូសវត្ថុតាង និងចាត់ការតាមផ្លូវច្បាប់។ លោកនាយខណ្ឌបានបន្តទៀតថា ជាក់ស្តែងយុទ្ធនាការចុះបង្រ្កាបបទល្មើសព្រៃឈើ តាមបន្ទាត់ព្រំដែនក្នុងស្រុកពេជ្រាដា និងស្រុកកែវសីមា រកឃើញខុសច្បាប់ បានចំនួន៦០០កំណាត់ ជំនាញកំពុងធ្វើការប្រមូលមករក្សាទុក និងកំពុងបន្តធ្វើការស្រាវជ្រាវ រកបទល្មើសទីតាំងផ្សេងៗទៀ ត។</span></p>
<p><span style="color: #000000;">លោក អេង ប៊ុនហ៊ាងអភិបាលខេត្តមណ្ឌលគិរី បានថ្លែងប្រាប់ថា លោកកំពុងជាប់រវល់ប្រជុំនៅភ្នំពេញ តែលោកបានចាត់ចែង ឱ្យមន្រ្តីរដ្ឋបាលព្រៃឈើ ខេត្តចាត់ការលើរឿងនេះហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/3/07gb-03-02-2016--16-16-06.jpg"><img src="/FileManager/Articles/mce/2016/2/3/07gb-03-02-2016--16-16-06.jpg" alt="" /></a></span></p>
<p><a class="thickbox" title="" href="/FileManager/Commons/2016/2/3/05gb-03-02-2016--16-16-14.jpg"><img src="/FileManager/Articles/mce/2016/2/3/05gb-03-02-2016--16-16-14.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/2/3/07gb-03-02-2016--16-16-06.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>