<p><span style="color: #000000;"><strong>(ភ្នំពេញ)៖</strong> បុព្វលាភធានារ៉ាប់រងដុល (ចំណូលការលក់ធានារ៉ាប់រង) នៅរយៈពេល៨ខែដើមឆ្នាំ ឆ្នាំ២០១៦ មានជិត៨០លានដុល្លារ កើនឡើង៤១ភារគយ បើធៀបនឹងឆ្នាំ២០១៥។ </span></p>
<p><span style="color: #000000;">លោក ម៉ី វ៉ាន់ អគ្គនាយក អគ្គនាយកដ្ឋានឧស្សាហកម្មហិរញ្ញវត្ថុ នៃក្រសួងសេដ្ឋកិច្ច និងហិរញ្ញវត្ថុ បានថ្លែងក្នុងកម្មវិធីមួយស្តីពី «ការការពារអតិថិជន និង បណ្តាញផ្នែកលក់៖ កំណើននៃការលក់ និងការការពារអតិថិជន» នៅសណ្ឋាគារកាំបូឌីយ៉ាណា នៅព្រឹកថ្ងៃទី ២៧ ខែតុលា ឆ្នាំ២០១៦ ថា ក្នុងរយៈពេល៨ខែដើមឆ្នាំ២០១៦ បុព្វលាភធានារ៉ាប់រងដុល នៅលើទីផ្សារធានារ៉ាប់រងទាំងមូលនៅកម្ពុជា មានរហូតទៅដល់៧៩លានដុល្លារអាមេរិក ហើយមានកើនឡើង ៤១ភាគរយ។</span></p>
<p><span style="color: #000000;">លោកបន្ថែមទៀតថា <strong>«បញ្ហាដែលប្រឈមក្នុងទីផ្សារឧស្សាហកម្មធានារ៉ាប់រងនៅកម្ពុជា គឺបញ្ហាធនធានមនុស្ស ពោលគឺកង្វះសមត្ថភាពនៃបុគ្គលិកវិជ្ជាជីវៈ ដែលជាតម្រូវការទីផ្សារច្រើន ហើយក៏មិនសូវមានអ្នក ដែលមានចំណេះខាងផ្នែកមួយនេះច្រើនដែរ»</strong>។</span></p>
<p><span style="color: #000000;">លោក ម៉ី វ៉ាន់ បានសង្កត់ធ្ងន់ថា បច្ចុប្បន្ននេះសមាគមធានារ៉ាប់រង ក៏បានពង្រឹងនៅឧស្សាហកម្មមួយនេះ រួមជាមួយនឹងក្រុមហ៊ុន ក៏ដូចជាប្រតិបត្តិករធានារ៉ាប់រងមួយចំនួននៅកម្ពុជា ក៏មានមជ្ឈមណ្ឌលបណ្តុះបណ្តាល ធនធានមនុស្សដែរ ហើយការបង្រៀននេះ គឺមិនគិតថ្លៃឡើយ ដែលទាំងនេះ ជាការលើកទឹកចិត្ត ដល់សិស្សនិស្សិត ដែលបានបញ្ចប់ការសិក្សាអាច មករៀននៅក្នុងវិស័យឧស្សាហកម្មនេះបាន។</span></p>
<p><span style="color: #000000;">លោក ហ៊ុយ វ៉ាថារ៉ូ ប្រធានសមាគមធានារ៉ាប់រងកម្ពុជា បានបញ្ជាក់ផងដែរថា ទីផ្សារធានារ៉ាប់រងនៅកម្ពុជា ត្រូវបានគេចាត់ទុកថា នៅមានសភាពក្មេងខ្ចីនៅឡើយ ក៏ប៉ុន្តែមានការរីកចម្រើនលឿន គួរឲ្យកត់សម្គាល់ ស្របទៅតាមសមិទ្ធផល នៃកំណើនសេដ្ឋកិច្ចរបស់កម្ពុជា គឺនៅមានកម្រិតទាបនៅឡើយ។</span></p>
<p><span style="color: #000000;">លោកបន្ថែមទៀតថា ក្នុងការលក់ផលិតផលធានារ៉ាប់រងមួយនៅក្នុងទីផ្សារ ក្រុមហ៊ុនធានារ៉ាប់រងមិនមែនគិតតែបង្ខំ បុគ្គលិកលក់ ឬភ្នាក់ងារធានារ៉ាប់រងរបស់ខ្លួន ឲ្យប្រឹងលក់បានបរិមាណច្រើនប៉ុណ្ណោះទេ ប៉ុន្តែក្រុមហ៊ុនគួរគប្បីបណ្តុះបណ្តាលបុគ្គលិកលក់ ឬភ្នាក់ងារធានារ៉ាប់រងទាំងនោះ ឲ្យយល់ច្បាស់ពីផលិតផលធានារ៉ាប់រង ដែលខ្លួនលក់ ដើម្បីធ្វើឲ្យប្រាកដថា ផលិតផលនោះនឹងត្រូវបានលក់ ឲ្យអតិថិជនដែលមានតម្រូវការពិតប្រាកដ ក្នុងការការពារហានិភ័យ ដែលប្រឈមជាក់លាក់ផងដែរ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-10-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-18-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-18-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-25-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-26-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-36-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-42-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-27-14-57-42-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>